Bollywood: ಅಂಡರ್ ವರ್ಲ್ಡ್ ಡಾನ್​ಗಳ ಜೊತೆ ಪ್ರೀತಿಯಲ್ಲಿ ಬಿದ್ದ ಬಾಲಿವುಡ್ ಬ್ಯೂಟಿಗಳು, ಮಾಫಿಯಾಗೆ ಸಿಲುಕಿದ ನಟಿಯರ ಕಥೆ ಏನಾಯ್ತು?

ಭೂಗತ ಜಗತ್ತು ಮತ್ತು ಗ್ಲಾಮರ್ ನಡುವಣ ಸಂಬಂಧ ಯಾರಿಂದಲೂ ಮರೆಯಾಗಿಲ್ಲ. ಭೂಗತ ಲೋಕದ ಮಾಫಿಯಾ ಸಿನಿಮಾಗಳಲ್ಲಿ ಹಣ ಹೂಡಿಕೆ ಮಾಡುವುದಲ್ಲದೆ, ನಟಿಯರೊಂದಿಗಿನ ಸಂಬಂಧದಿಂದಲೂ ಸುದ್ದಿಯಾಗಿದೆ. ಅಂಡರ್​ ವರ್ಲ್ಡ್ ಡಾನ್ ಮೋಹಕ್ಕೆ ಬಿದ್ದ ಅನೇಕ ನಾಯಕಿಯರಿದ್ದಾರೆ.

ಸಿನಿಮಾ ನಿರ್ದೇಶಕ ಕೆ. ಆಸಿಫ್ ಮಗಳು ಹಿನಾ ಕೌಸರ್ 70ರ ದಶಕದ ನಟಿಯಾಗಿದ್ದಾರೆ. 1991 ರಲ್ಲಿ ದರೋಡೆಕೋರ ಇಕ್ಬಾಲ್ ಮಿರ್ಚಿಯನ್ನು ಮದುವೆಯಾದ್ರು. ಸಿನಿಮಾ ಕೆರಿಯರ್ ನಿಲ್ಲಿಸಿ ಇಕ್ಬಾಲ್ ಮಿರ್ಚಿ ಅವರೊಂದಿಗೆ ಯುಕೆನಲ್ಲಿ ನೆಲೆಸಿದ್ದಾರೆ. ಇಕ್ಬಾಲ್ ಮಿರ್ಚಿ 2013ರಲ್ಲಿ ನಿಧನರಾದರು. ಇದೀಗ ಹಿನಾ ಕೌಸರ್ ಯುಕೆಯಲ್ಲಿ ವಾಸಿಸುತ್ತಿದ್ದಾರೆ. (ಫೋಟೋ ಕ್ರೆಡಿಟ್​ಗಳು: YouTube@videograb)

ಪಾಕಿಸ್ತಾನಿ ನಟಿ ಅನಿತಾ ಅಯೂಬ್ ದಾವೂದ್ ಇಬ್ರಾಹಿಂಗೆ ನಿಕಟರಾಗಿದ್ದರು. ಪಾಕಿಸ್ತಾನಿ ನಿರ್ದೇಶಕ ಜಾವೇದ್ ಸಿದ್ದಿಕಿ ತಮ್ಮ ಚಿತ್ರಕ್ಕೆ ಅನಿತಾ ಅಯೂಬ್ ಅವರನ್ನು ರಿಜೆಕ್ಟ್ ಮಾಡಿದ್ರು. ಬಳಿಕ ನಿರ್ದೇಶಕ ಮೇಲೆ ದಾವೂದ್ ಗುಂಡು ಹಾರಿಸಿ ಕೊಂದಿದ್ದಾನೆ ಎನ್ನಲಾಗಿದೆ. ಬಳಿಕವೂ ಅನಿತಾ ಕೆಲ ಕಾಲ ಬಾಲಿವುಡ್​ನಲ್ಲೂ ಕೆಲಸ ಮಾಡಿದ್ದರು. (ಫೋಟೋ ಕ್ರೆಡಿಟ್​ಗಳು: Instagram@pakdramaspage)

‘ರಾಮ್ ತೇರಿ ಗಂಗಾ ಮೈಲಿ’ ಚಿತ್ರದ ಮೂಲಕ ಫೇಮಸ್ ಆದ ಮಂದಾಕಿನಿ ಭೂಗತ ಪಾತಕಿ ದಾವೂದ್ ಇಬ್ರಾಹಿಂನನ್ನು ಪ್ರೀತಿಸುತ್ತಿದ್ದರು. ಅವರಿಗೆ ಬಾಲಿವುಡ್​ನಲ್ಲಿ ಉತ್ತಮ ಭವಿಷ್ಯವಿತ್ತು. ಆದರೆ ದಾವೂದ್ ಜೊತೆಗಿನ ಫೋಟೋ ವೈರಲ್ ಆದ ನಂತರ ಅವರ ಸಿನಿ ಕೆರಿಯರ್ಗೆ ಗ್ರಹಣವಿಡಿಯಿತು. 1996ರ ಸಿನಿಮಾ 'ಜೋರ್ದಾರ್' ಬಿಡುಗಡೆಯಾದ ನಂತರ ನಟಿ ಉದ್ಯಮದಿಂದ ಕಣ್ಮರೆಯಾದರು.

ಛೋಟಾ ರಾಜನ್ ಜೊತೆಗಿನ ಸಂಬಂಧದಿಂದಾಗಿ ಮಮತಾ ಕುಲಕರ್ಣಿ ಸುದ್ದಿಯಾಗಿದ್ರು. ನಂತರ, ನಟಿಯ ಹೆಸರು ವಿಕ್ಕಿ ಗೋಸ್ವಾಮಿಯೊಂದಿಗೆ ತಳುಕು ಹಾಕಿಕೊಂಡಿತ್ತು. ಇಬ್ಬರೂ 2000 ಕೋಟಿ ರೂಪಾಯಿ ಡ್ರಗ್ ದಂಧೆ ಪ್ರಕರಣದಲ್ಲಿ ಆರೋಪಿಗಳಾಗಿದ್ದಾರೆ. (ಫೋಟೋ ಕ್ರೆಡಿಟ್ಗಳು: Instagram@bollywoodretro90s_20s)

ಮೋನಿಕಾ ಬೇಡಿ ಸಲ್ಮಾನ್ ಖಾನ್, ಸುನಿಲ್ ಶೆಟ್ಟಿ ಮತ್ತು ಗೋವಿಂದ ಅವರಂತಹ ಸ್ಟಾರ್ಗಳೊಂದಿಗೆ ಕೆಲಸ ಮಾಡಿದ್ದಾರೆ. ಆದರೆ ಭೂಗತ ಪಾತಕಿ ಅಬು ಸಲೇಂ ಅವರೊಂದಿಗಿನ ಸಂಬಂಧವನ್ನು ಬಹಿರಂಗಪಡಿಸಿದಾಗ ಅನೇಕರು ಶಾಕ್ ಆಗಿದ್ದರು. ಇಸ್ಲಾಂಗೆ ಮತಾಂತರಗೊಂಡರು ಮತ್ತು ಅಬು ಸಲೇಂ ಅವರನ್ನು ವಿವಾಹವಾಗಿದ್ದರು. ಮೋನಿಕಾ ಮತ್ತು ಅಬು ಸಲೇಂ ಅವರನ್ನು 2002ರಲ್ಲಿ ಲಿಸ್ಬನ್ ಪೊಲೀಸರು ನಕಲಿ ಪಾಸ್​ ಪೋರ್ಟ್​ಗಳನ್ನು ಬಳಸಿ ಪೋರ್ಚುಗಲ್​ಗೆ ಪ್ರವೇಶಿಸಿದ್ದಕ್ಕಾಗಿ ಬಂಧಿಸಿದ್ದರು. ಅವರನ್ನು 2005 ರಲ್ಲಿ ಭಾರತಕ್ಕೆ ಹಸ್ತಾಂತರಿಸಲಾಯಿತು. ಎರಡು ವರ್ಷಗಳ ಜೈಲು ಶಿಕ್ಷೆಯ ನಂತರ, ಮೋನಿಕಾ 2007 ರಲ್ಲಿ ಬಿಡುಗಡೆಯಾದರು. (ಫೋಟೋ ಕ್ರೆಡಿಟ್​ಗಳು: Instagram @memonicabedi)

ನಟಿ ಸೋನಾ ಅವರ ನೋಟವು ದಿವಂಗತ ನಟಿ ಮಧುಬಾಲಾ ಅವರಂತೆಯೇ ಇತ್ತು. ಡಾನ್ ಹಾಜಿ ಮಸ್ತಾನ್, ಮಧುಬಾಲಾ ಬಗ್ಗೆ ಹುಚ್ಚರಾಗಿದ್ದರು. ಮಧುಬಾಲಾ ಕಾಣಲಿಲ್ಲ, ಆದರೆ ಅವರಂತೆಯೇ ಕಾಣುತ್ತಿದ್ದ ನಟಿ ಸೋನಾ ಅವರನ್ನು ಪ್ರೀತಿಸಿ ಮದುವೆಯಾದರು.