2000 Notes: ನಟನ ಮನೆಯಲ್ಲಿ 2 ಸಾವಿರ ರೂಪಾಯಿ ನೋಟುಗಳ ರಾಶಿ! ಸೋಶಿಯಲ್ ಮೀಡಿಯಾಗಳಲ್ಲಿ ಫೋಟೋ ವೈರಲ್

ಮೇ 19ರಂದು ಶುಕ್ರವಾರ ಸಂಜೆ ಎಲ್ಲರನ್ನೂ ಬೆಚ್ಚಿಬೀಳಿಸುವ ಮೂಲಕ RBI ಮತ್ತೊಂದು ನೋಟ್ ಬ್ಯಾನ್ ಘೋಷಣೆ ಮಾಡಿದೆ. 2 ಸಾವಿರ ನೋಟುಗಳನ್ನು ಚಲಾವಣೆಯಿಂದ ಹಿಂಪಡೆಯುವುದಾಗಿ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮಹತ್ವದ ಘೋಷಣೆ ಮಾಡಿದೆ.

2 ಸಾವಿರ ರೂಪಾಯಿ ನೋಟನ್ನು ಮಾರುಕಟ್ಟೆಯಿಂದ ಹಿಂಪಡೆಯಲು ಭಾರತೀಯ ರಿಸರ್ವ್ ಬ್ಯಾಂಕ್ ತೆಗೆದುಕೊಂಡಿರುವ ನಿರ್ಧಾರ ಇದೀಗ ಸಂಚಲನ ಮೂಡಿಸಿದೆ. ಈ ನಿರ್ಧಾರದಿಂದ 30ನೇ ಸೆಪ್ಟೆಂಬರ್ 2023ರ ನಂತರ, 2000 ನೋಟು ಸ್ಕ್ರ್ಯಾಪ್ ಪೇಪರ್ ಆಗಲಿದೆ. ಇದರೊಂದಿಗೆ ಸಾಮಾನ್ಯ ಜನರಿಂದ ಹಿಡಿದು ಸೆಲೆಬ್ರಿಟಿಗಳವರೆಗೆ ಎಲ್ಲರೂ ಎರಡು ಸಾವಿರದ ನೋಟನ್ನು ಬದಲಿಸಿಕೊಳ್ಳಲು ಮುಂದಾಗಿದ್ದಾರೆ.

ಪ್ರಸ್ತುತ ಭಾರತದಾದ್ಯಂತ 3.62 ಲಕ್ಷ ಕೋಟಿ ರೂಪಾಯಿ ಮೌಲ್ಯದ 2000 ನೋಟುಗಳು ಚಲಾವಣೆಯಲ್ಲಿವೆ. ಈ ಎಲ್ಲಾ ನೋಟುಗಳನ್ನು ನಿಗದಿತ ದಿನಾಂಕದೊಳಗೆ ಬ್ಯಾಂಕ್​ಗಳಲ್ಲಿ ವಿನಿಮಯ ಮಾಡಿಕೊಳ್ಳಬೇಕು. ಆ ನಂತರ ಯಾರೂ ತೆಗೆದುಕೊಳ್ಳುವುದಿಲ್ಲ. ಪಿಂಕ್ ನೋಟಿಗೆ ಬೆಲೆ ಕೂಡ ಇರುವುದಿಲ್ಲ.

ಆದರೆ ಈ ಕ್ರಮದಲ್ಲಿ ಯಾರ ಮನೆಯಿಂದ ಎಷ್ಟು 2 ಸಾವಿರದ ನೋಟುಗಳು ಬರುತ್ತವೆ ಎಂದು ಎಲ್ಲರೂ ಕಾಯುತ್ತಿದ್ದಾರೆ. ಇತ್ತೀಚೆಗೆ ಟಾಲಿವುಡ್ ನ ಖ್ಯಾತ ಹಾಸ್ಯನಟ ವೆನ್ನೆಲಾ ಕಿಶೋರ್ ಅವರ ಮನೆಯಲ್ಲಿ 2000 ನೋಟುಗಳ ಬಂಡಲ್​ಗಳನ್ನು ರಾಶಿ ಹಾಕಿರುವ ಫೋಟೋ ವೈರಲ್ ಆಗಿದೆ.

ಟಾಲಿವುಡ್ ಇಂಡಸ್ಟ್ರಿಯ ಖ್ಯಾತ ನಾಯಕ ಮಂಚು ವಿಷ್ಣು ಇಲ್ಲಿ ರಾಶಿ ಬಿದ್ದಿರುವ ಎರಡು ಸಾವಿರ ಕರೆನ್ಸಿ ನೋಟುಗಳ ಚಿತ್ರವನ್ನು ತೆಗೆದು, ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ವೆನ್ನೆಲಾ ಕಿಶೋರ್ ಮನೆಗೆ ಹೋಗಿ ಈ ಎರಡು ಸಾವಿರದ ನೋಟುಗಳನ್ನು ನೋಡಿದ್ದೇನೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ.

ಮಂಚು ವಿಷ್ಣು ಫೋಟೋಗೆ ನೆಟ್ಟಿಗರು ನಾನಾ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಇದು ನಿಜನಾ ಎಂದು ಅನೇಕರು ಕೇಳುತ್ತಿದ್ದಾರೆ. ಇನ್ನು ಕೆಲವರು ದುಡ್ಡು ಕೊಡಿ ಅಣ್ಣಾ, ಕೆಲಸವಿಲ್ಲ ಎಂದು ಕಮೆಂಟ್ ಮಾಡಿದ್ದಾರೆ.

ಎರಡು ಸಾವಿರ ಕರೆನ್ಸಿ ನೋಟ್ ಬ್ಯಾನ್ ವೇಳೆ ಹಾಸ್ಯನಟ ವೆನ್ನೆಲಾ ಕಿಶೋರ್ ಕುರಿತು ಮಂಚು ವಿಷ್ಣು ಮಾಡಿರುವ ಈ ಪೋಸ್ಟ್ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಸದ್ಯ 2000 ನೋಟು ಸೆಪ್ಟೆಂಬರ್ 30ರ ವರೆಗೆ ಮಾತ್ರ ಚಾಲ್ತಿಯಲ್ಲಿರುತ್ತದೆ ಎಂದು ಆರ್ ಬಿಐ ತಿಳಿಸಿದೆ.