Innocent Passes Away: ಖ್ಯಾತ ನಟ ಇನ್ನೋಸೆಂಟ್ ನಿಧನ; ಗಣ್ಯರ ಸಂತಾಪ

ಕನ್ನಡ, ಮಲಯಾಳಂ ಚಿತ್ರಗಳಲ್ಲಿ ನಟಿಸಿದ್ದ ಇನ್ನೋಸೆಂಟ್ ಅವರಿಗೆ 75 ವರ್ಷ ವಯಸ್ಸಾಗಿತ್ತು. ಮಾಲಿವುಡ್ನಲ್ಲಿ ನಟನಾಗಿ ಭಾರೀ ಮೆಚ್ಚುಗೆ ಗಳಿಸಿದ್ದ ನಟ ಇನ್ನೋಸೆಂಟ್ ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದರು.

ನಟ-ನಿರ್ಮಾಪಕರಾಗಿ ಅನೇಕ ಸಿನಿಮಾ ಮಾಡಿದ ಇನ್ನೋಸೆಂಟ್ ನಿಧನಕ್ಕೆ ಇಡೀ ಮಾಲಿವುಡ್ ಕಂಬನಿ ಮಿಂಡಿದೆ. ಅನೇಕ ಚಿತ್ರರಂಗದ ಗಣ್ಯರು ಹಾಗೂ ರಾಜಕಾರಣಿಗಳಿ ನಟನ ಸಾವಿಗೆ ಸಂತಾಪ ಸೂಚಿಸಿದ್ದಾರೆ.

ಉದ್ಯಮದಲ್ಲಿ ನಷ್ಟ ಅನುಭವಿಸಿದ ಬಳಿ ಇನ್ನೋಸೆಂಟ್ ಅವರು ಚಿತ್ರರಂಗಕ್ಕೆ ಕಾಲಿಟ್ಟರು. ಅವರು ಸುಮಾರು 75ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಐದು ದಶಕಗಳ ಕಾಲ ಅವರು ಚಿತ್ರರಂಗದಲ್ಲಿ ಸೇವೆ ಸಲ್ಲಿಸಿದ್ದಾರೆ.

2023ರ ಮಾರ್ಚ್ 3ರಂದು ಇನ್ನೋಸೆಂಟ್ ಅನಾರೋಗ್ಯಕ್ಕೆ ಒಳಗಾದರು. ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಿ ಚಿಕಿತ್ಸೆ ನೀಡಲಾಯಿತು. ಕಳೆದ ಮೂರು ವಾರಗಳಿಂದ ಅವರು ಆಸ್ಪತ್ರೆಯಲ್ಲೇ ಇದ್ದರು. ಚಿಕಿತ್ಸೆ ಫಲಕಾರಿಯಾಗದೆ ಮಾರ್ಚ್ 26ರಂದು ಅವರು ನಿಧನರಾಗಿದ್ದಾರೆ.

ನಟ ಇನ್ನೋಸೆಂಟ್ ಅವರು ಕ್ಯಾನ್ಸರ್ ಖಾಯಿಲೆಗೆ ತುತ್ತಾಗಿದ್ರು. ಚಿಕಿತ್ಸೆ ಪಡೆದು ಕ್ಯಾನ್ಸರ್ ಗೆದ್ದು ಬಂದಿದ್ದರು. ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರು, ಬಹು ಅಂಗಾಂಗ ವೈಫಲ್ಯದಿಂದ ಆಸ್ಪತ್ರೆ ಸೇರಿದ್ರು.

1972ರಲ್ಲಿ ಸಿನಿಮಾ ರಂಗಕ್ಕೆ ಇನ್ನೋಸೆಂಟ್ ಕಾಲಿಟ್ಟರು. ನಂತರ ಹಲವು ಸಿನಿಮಾಗಳಲ್ಲಿ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. 1986ರಲ್ಲಿ ಅವರು 30ಕ್ಕೂ ಅಧಿಕ ಚಿತ್ರಗಳಲ್ಲಿ ಕಾಣಿಸಿಕೊಂಡರು. 1989ರಲ್ಲಿ ತೆರೆಗೆ ಬಂದ ‘ರಾಮ್ಜಿ ರಾವ್ ಸ್ಪೀಕಿಂಗ್’ ಸಿನಿಮಾ ಸೂಪರ್ ಹಿಟ್ ಆಯಿತು. ಈ ಚಿತ್ರದ ಮೂಲಕ ಅವರಿಗೆ ಹೆಚ್ಚು ಜನಪ್ರಿಯತೆ ಪಡೆದರು.

2012ರಲ್ಲಿ ರಿಲೀಸ್ ಆದ ಕನ್ನಡ-ಮಲಯಾಳಂ ಸಿನಿಮಾ ‘ಶಿಕಾರಿ’ ಚಿತ್ರದ ಮೂಲಕ ಇನ್ನೋಸೆಂಟ್ ಕನ್ನಡಕ್ಕೂ ಸಿನಿಮಾ ರಂಗಕ್ಕೂ ಕಾಲಿಟ್ಟರು. ಹಿಂದಿ ಹಾಗೂ ತಮಿಳು ಭಾಷೆಯಲ್ಲೂ ಇನ್ನೋಸೆಂಟ್ ಅವರು ನಟಿಸಿದ್ದಾರೆ.

ಇನೋಸೆಂಟ್ ಕೇರಳದ ಚಾಲಕುಡಿ ಕ್ಷೇತ್ರದಿಂದ ಸ್ಪರ್ಧಿಸಿ 2014ರಲ್ಲಿ ಎಂಪಿ ಆಗಿದ್ದರು. ಬಳಿಕ 2019ರ ಚುನಾವಣೆಯಲ್ಲಿ ಸೋತರು. ಸಿನಿಮಾ ಹಾಗೂ ರಾಜಕೀಯ ಎರಡು ಕ್ಷೇತ್ರಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ರು.