Manju Warrier: ದುಬಾರಿ BMW ಬೈಕ್ ಖರೀದಿಸಿದ ಮಂಜು ವಾರಿಯರ್; ಅಡ್ಡಾದಿಡ್ಡಿಯಾಗಿ ಬೈಕ್ ಓಡಿಸಿದ್ರೆ ಸ್ವಲ್ಪ ಸಹಿಸಿಕೊಳ್ಳಿ ಎಂದ ನಟಿ

ಮಂಜು ವಾರಿಯರ್ ಕೊಚ್ಚಿಯಲ್ಲಿ BMW GS1250 ಖರೀದಿಸಿದ್ದಾರೆ. ಈ ಬಗ್ಗೆ ಸ್ವತಃ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಶೇರ್ ಮಾಡಿದ್ದಾರೆ. ಫೋಟೋಗಳ ಜೊತೆಗೆ ಸೌತ್ ನಟ ಅಜಿತ್ ಕುಮಾರ್ ಅವರ ಬೈಕ್ ಪ್ರೀತಿಯಿಂದ ಸ್ಫೂರ್ತಿ ಪಡೆದಿದ್ದೇನೆ ಎಂದು ನಟಿ ಬರೆದುಕೊಂಡಿದ್ದಾರೆ.

ಮಂಜು ಅವರು ಅಜಿತ್ ಕುಮಾರ್ ಅವರೊಂದಿಗಿನ ಫೋಟೋವನ್ನು ಇನ್ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಎಲ್ಲರೂ ಸ್ಪೋರ್ಟ್ ಬೈಕ್​ಗಳೊಂದಿಗೆ ಪೋಸ್ ಕೊಟ್ಟಿದ್ದಾರೆ. ನಟಿ ಅಜಿತ್ ಜೊತೆ ಬೈಕ್ ಟೂರ್ ಹೋಗಿದ್ದರು. ಫೋಟೋಗಳನ್ನು ಇನ್ಸ್ಟಾಗ್ರಾಮ್​ನಲ್ಲಿಯೂ ಹಂಚಿಕೊಂಡಿದ್ದಾರೆ.

ಬೈಕ್ ಖರೀದಿ ಮಾಡಿದ ವಿಡಿಯೋನ ಪೋಸ್ಟ್ ಮಾಡಿರುವ ಮಂಜು ವಾರಿಯರ್ ಅವರು ವಿಶೇಷ ಸಾಲುಗಳನ್ನು ಬರೆದುಕೊಂಡಿದ್ದಾರೆ. ‘ಒಳ್ಳೆಯ ರೈಡರ್ ಆಗೋಕೆ ಇನ್ನೂ ಸಾಕಷ್ಟು ಸಮಯ ಬೇಕಿದೆ. ರಸ್ತೆಯಲ್ಲಿ ಅಡ್ಡಾದಿಡ್ಡಿ ಬೈಕ್ ಓಡಿಸಿದರೆ ದಯವಿಟ್ಟು ಸಹಿಸಿಕೊಳ್ಳಿ. ನನ್ನಂತೆ ಅನೇಕರಿಗೆ ಸ್ಫೂರ್ತಿಯಾದ ಅಜಿತ್ ಕುಮಾರ್ ಅವರಿಗೆ ಧನ್ಯವಾದ’ ಎಂದು ಮಂಜು ಬರೆದುಕೊಂಡಿದ್ದಾರೆ.

ನಟ ಆರ್ ಮಾಧವನ್ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಕೂಡ ಹೊಸ ಬೈಕ್ ಖರೀದಿಸಿದ್ದಕ್ಕೆ ನಟಿ ಮಂಜು ವಾರಿಯರ್ ಅವರಿಗೆ ಶುಭ ಹಾರೈಸಿದ್ದಾರೆ. ಅಭಿಮಾನಿಗಳು ಕೂಡ ಬೈಕ್ ಖರೀಸಿದ ನಟಿ ಫೋಟೋಗಳಿಗೆ ಲೈಕ್​ಗ  ಸುರಿಮಳೆಗೈದಿದ್ದಾರೆ.

ಮಂಜು ಕೂಡ ಅಜಿತ್ ಕುಮಾರ್ ಅವರಂತೆ ವಾಹನಗಳ ಬಗ್ಗೆ ಭಾರೀ ಕ್ರೇಜ್ ಹೊಂದಿದ್ರು. ಆಕೆಗೆ ಐಷಾರಾಮಿ ವಾಹನಗಳೆಂದರೆ ಹೆಚ್ಚು ಇಷ್ಟವಂತೆ. ಮಂಜು ಎಲೆಕ್ಟ್ರಿಕ್ ಹ್ಯಾಚ್ ಬ್ಯಾಕ್ ಹೊಂದಿರುವ ಭಾರತದ ಮೊದಲ ಸೆಲೆಬ್ರಿಟಿ ಕೂಡ ಆಗಿದ್ದಾರೆ. ಈ ವಿಚಾರದಲ್ಲಿ ಬಾಲಿವುಡ್ ನಟಿಯರಿಗಿಂತ ಮುಂದಿದ್ದಾರೆ.

ದಕ್ಷಿಣ ನಟಿ ಮಂಜು ವಾರಿಯರ್ ಮಿನಿ ಕೂಪರ್ ಎಸ್ಇ ಹ್ಯಾಚ್ ಬ್ಯಾಕ್ ಅನ್ನು ಕಳೆದ ವರ್ಷ ಫೆಬ್ರವರಿಯಲ್ಲಿ ಖರೀದಿಸಿದ್ದರು. ಅವರ ಐಷಾರಾಮಿ ಕಾರಿನ ಫೋಟೋ ಕೂಡ ವೈರಲ್ ಆಗಿತ್ತು. ಕೊಚ್ಚಿಯಲ್ಲಿ ಈ ಕಾರನ್ನು ಸಹ ಖರೀದಿಸಿದ್ದಾರೆ.

ಮಂಜು ಅವರ ಕಾರಿನ ಎಕ್ಸ್ ಶೋ ರೂಂ ಬೆಲೆ ಸುಮಾರು 47.20 ಲಕ್ಷ ರೂಪಾಯಿ ಎನ್ನಲಾಗಿದೆ. ಕಾರಿನ ಚಿತ್ರಗಳನ್ನು ನಟಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ನೆಚ್ಚಿನ ಕಾರಿನ ಜೊತೆಗೆ ನಟಿ ಪೋಸ್ ಕೊಟ್ಟಿದ್ದಾರೆ.

ಮಲಯಾಳಂ ನಟಿಯಾಗಿರುವ ಮಂಜು ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಅಜಿತ್ ಕುಮಾರ್ ಅವರಿಗೆ ಜೋಡಿಯಾಗಿ ನಟಿಸಿದ 'ತುನಿವು' ಚಿತ್ರ ಸೂಪರ್ ಹಿಟ್ ಆಗಿದೆ. ತೆರೆ ಮೇಲೆ ಇಬ್ಬರ ಜೋಡಿ ಅಭಿಮಾನಿಗಳಿಗೆ ಸಖತ್ ಇಷ್ಟವಾಗಿತ್ತು.