Arjun Kapoor-Malaika: ಬ್ರೇಕಪ್​ ರೂಮರ್​ ಬಳಿಕ ಒಟ್ಟಿಗೆ ಕಾಣಿಸಿಕೊಂಡ ಮಲೈಕಾ-ಅರ್ಜುನ್​.. ಅಂತೆ-ಕಂತೆಗಳಿಗೆ ಫುಲ್​ಸ್ಟಾಪ್​!

ಬಾಲಿವುಡ್​(Bollywood)ಗೂ ಬ್ರೇಕ​ಪ್(Breakup)​ ಸ್ಟೋರಿಗೂ ದೊಡ್ಡ ನಂಟೇ ಇದೆ. ಇಲ್ಲಿ ಡೇಟಿಂಗ್ ಎಷ್ಟು ಸದ್ದಾಗುತ್ತೋ ಬ್ರೇಕಪ್​ ಕೂಡ ಅಷ್ಟೇ ಸುದ್ದಿಯಾಗುತ್ತೆ.

ಸದ್ಯ ಬ್ರೇಕಪ್ ಅನ್ನೋ ಸೌಂಡ್​ ಅರ್ಜುನ್ ಕಪೂರ್ (Arjun Kapoor) ಮತ್ತು ಮಲೈಕಾ ಅರೋರಾ(Malaika Arora) ಪ್ರೀತಿಯ ಬಂಗಲೆಯಿಂದ ಕೇಳಿ ಬರುತ್ತಿದೆ. ಇದೀಗ ಬ್ರೇಕಪ್​ ರೂಮರ್​ ಬಳಿಕ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಇದೆಲ್ಲಾ ಶುದ್ಧ ಸುಳ್ಳು, ನಾವ್ಯಾಕೆ ಬ್ರೇಕಪ್​ ಆಗೋಣ, ನಾವು ಯಾವಾಗ್ಲೂ ಸ್ವೀಟ್ ಕಪಲ್(Sweet Couple) ಅನ್ನೋ ರೀತಿ ಅರ್ಜುನ್​ ಕಪೂರ್ ತಮ್ಮ ಮನದನ್ನೆ ಮಲೈಕಾ ಜೊತೆಗಿನ ಫೋಟೋವನ್ನು ಇನ್​ಸ್ಟಾಗ್ರಾಂ(Instagram)ನಲ್ಲಿ ಪೋಸ್ಟ್ ಮಾಡಿದ್ದರು.

'ಇಲ್ಲಿ ಕ್ಷುಲ್ಲಕ ವದಂತಿಗಳಿಗೆ ಸ್ಥಾನವಿಲ್ಲ. ನೀವೆಲ್ಲರೂ ಸುರಕ್ಷಿತವಾಗಿರಿ, ದೇವರ ಆಶೀರ್ವಾದವಿರಲಿ, ಎಲ್ಲರಿಗೂ ಶುಭವನ್ನು ಹಾರೈಸಿ, ನಾನು ನಿಮ್ಮೆಲ್ಲರನ್ನು ಪ್ರೀತಿಸುತ್ತೇನೆ' ಎಂದು ಶೀರ್ಷಿಕೆ ನೀಡಿದ್ದರು ಅರ್ಜುನ್ ಕಪೂರ್. ಇನ್ನು ಮಲೈಕಾ ಅರೋರಾ ಈ ಪೋಸ್ಟ್​ಗೆ ಹೃದಯದ ಎಮೋಜಿ(Heart Emoji)ಯ ಮೂಲಕ ಪ್ರತಿಕ್ರಿಯೆ ನೀಡಿದ್ದರು.

ಕೊನೆಗೂ ಈ ಪೋಸ್ಟ್​​ನಿಂದ ತಮ್ಮ ಬ್ರೇಕಪ್ ಸ್ಟೋರಿಗೆ ತೆರೆ ಎಳೆದಿದ್ದರು ಬಾಲಿವುಡ್ ಜೋಡಿ ಹಕ್ಕಿಗಳು. ಅಂತೂ ಇಂತೂ ಬಾಲಿವುಡ್ ಸೇರಿದಂತೆ ಎಲ್ಲರ ಮೊಬೈಲ್​ಗಳನ್ನು ಹ್ಯಾಂಗ್ ಮಾಡಿದ್ದ ಮಲೈಕಾ ಮತ್ತು ಅರ್ಜುನ್ ಬ್ರೇಕ್​ ಅಪ್​ ಸ್ಟೋರಿ ಶುಭಂ ಕಂಡಿದೆ.

36ರ ಹರೆಯದ ಅರ್ಜುನ್ 48ರ ವಯಸ್ಸಿನ ಮಲೈಕಾ ಪ್ರೀತಿ ಇವತ್ತಿಗೂ ಚರ್ಚೆಯಲ್ಲಿಯೇ ಇದೆ. ಆದರೂ ಇದೆಲ್ಲರ ಮಧ್ಯೆ ಈ ಜೋಡಿಯ ಆತ್ಮೀಯತೆ, ಹೊಂದಾಣಿಕೆ ಕಪಲ್​ ಗೋಲ್ಸ್​​ ಸೆಟ್ ಮಾಡಿಕೊಟ್ಟಿದೆ.

2018ರಿಂದ ಈ ಇಬ್ಬರು ಡೇಟಿಂಗ್​ನಲ್ಲಿದ್ದಾರೆ. ಪ್ರತಿ ಬಾರಿ ತಮ್ಮ ಪ್ರೀತಿ, ಪ್ರವಾಸ, ಔತಣಕೂಟ ಸೇರಿದಂತೆ ಹಲವಾರು ಅದ್ಭುತ ಕ್ಷಣಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಿರುತ್ತಾರೆ. ಪ್ರತಿ ಪೋಸ್ಟ್​ಗಳು ಅದಕ್ಕೆ ನೀಡುವ ಶೀರ್ಷಿಕೆಗಳು ಇವರಿಬ್ಬರ ಪ್ರೀತಿಯ ಅಗಾಧತೆಗೆ ಸಾಕ್ಷಿಯಾಗಿವೆ.