Raghavendra: ಕೃಷ್ಣನ ವೇಷದಲ್ಲಿ ಮಿಂಚಿದ ಮಜಾ ಭಾರತದ ಅದ್ಭುತ ಪ್ರತಿಭೆ ರಾಗಿಣಿ

ಮಜಾ ಭಾರತ ಕಾರ್ಯಕ್ರಮದಲ್ಲಿ ಹೆಚ್ಚಾಗಿ ಸ್ತ್ರೀ ಪಾತ್ರಗಳಲ್ಲೇ ಕಾಣಿಸಿಕೊಳ್ಳುವ ಪ್ರತಿಭೆ ರಾಘವೇಂದ್ರ. ಹೌದು, ಸ್ತ್ರೀ ಪಾತ್ರಗಳನ್ನು ಅದ್ಭುತವಾಗಿ ಮಾಡುವ ಈ ನಟ ಪುರುಷರ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವುದು ತೀರಾ ಕಡಿಮೆ.

ಮುದ್ದು ಮುದ್ದಾಗಿ ಬೆಣ್ಣೆ ಕದಿಯುತ್ತಿರುವ ರಾಘವೇಂದ್ರ ಅವರನ್ನು ಹೆಚ್ಚಾಗಿ ಜನರು ಹುಡುಗಿಯ ವೇಷದಲ್ಲೇ ನೋಡಿರುತ್ತೀರಾ..! ಈ ಸಲ ಕೃಷ್ಣ ಜನ್ಮಾಷ್ಟಮಿಗೆ ಅವರಿಗೆ ಕೃಷ್ಣನ ವೇಷ ಧರಿಸುವ ಅವಕಾಶ ಸಿಕ್ಕಿದ್ದು ವಿಶೇಷ.

ಪಿಯುಸಿ ಓದುವಾಗಲೇ ಚಿತ್ರಕಲೆಯಲ್ಲಿ ಆಸಕ್ತಿ ಬೆಳೆಸಿಕೊಂಡಿದ್ದ ಇವರಿಗೆ ಮಜಾ ಭಾರತದಲ್ಲಿ ಅವಕಾಶ ಸಿಕ್ಕಿದ್ದು ನಿಜಕ್ಕೂ ಆಕಸ್ಮಿಕವಾಗಿ.

ರಾಘವೇಂದ್ರ ಅವರಿಗೆ ಮಜಾ ಭಾರತ ಆಡಿಷನ್​ ಇರುವ ಬಗ್ಗೆ ಮಾಹಿತಿ ಸಿಕ್ಕ ಕೂಡಲೇ ಅಲ್ಲಿಗೆ ಹೋಗಿ, ಆಡಿಷನ್​ ಕೊಟ್ಟು ಬಂದಿದ್ದರಂತೆ. ಮೊದಲ ಸಲವೇ ಅವರಿಗೆ ಅವಕಾಶ ಸಿಕ್ಕಿತ್ತು.

ಅವಕಾಶ ಸಿಕ್ಕಿದ್ದಾದರೂ ಹೆಣ್ಣು ಪಾತ್ರಕ್ಕೆ. ಈ ಪಾತ್ರದಲ್ಲಿ ರಾಘವೇಂದ್ರ ಅವರ ಅಭಿನಯ ನೋಡಿದ ನಂತರ ಅವರಿಗೆ ಹೆಣ್ಣಿನ ಪಾತ್ರಗಳೇ ಹೆಚ್ಚಾಗಿ ಸಿಗಲಾರಂಭಿಸಿತು ಎನ್ನುತ್ತಾರೆ ರಾಘವೇಂದ್ರ.

ಮೇಕಪ್ ಆರ್ಟಿಸ್ಟ್​ ಭವ್ಯಾ ಸ್ವರೂಪ್​ ಅವರು ಕೃಷ್ಣ ಜನ್ಮಾಷ್ಟಮಿಗಾಗಿ ಈ ವಿಶೇಷ ಫೋಟೋಶೂಟ್​ ಮಾಡಿದ್ದು, ಅದರಲ್ಲಿ ರಾಘವೇಂದ್ರ ಅವರಿಗೆ ಕೃಷ್ಣನಾಗುವ ಅವಕಾಶ ನೀಡಿದ್ದಾರೆ.

ರಾಘವೇಂದ್ರ ಅವರ ಜೊತೆ ಕಿರುತೆರೆ ನಟಿ ಹಾಗೂ ಮಜಾ ಭಾರತದ ಕಲಾವಿದೆ ಸುಶ್ಮಿತಾ ಅವರು ರಾಧೆಯಾಗಿ ಕಾಣಿಸಿಕೊಂಡಿದ್ದಾರೆ.

17 ವರ್ಷಕ್ಕೆ ಮಜಾ ಭಾರತಕ್ಕೆ ಎಂಟ್ರಿ ಕೊಟ್ಟ ರಾಘವೇಂದ್ರ ಅವರಿಗೆ ಈಗ 21 ವರ್ಷ. ಮಜಾ ಭಾರತದ ಜತೆ ಸಿನಿಮಾಗಳಲ್ಲಿ ಹಾಸ್ಯ ಕಲಾವಿದನಾಗಿ ನಟಿಸುತ್ತಿದ್ದಾರೆ.  ಏನ್​ ಚಂದನೋ ತಕ್ಕೋ ಹಾಡಿ​ನಲ್ಲಿ ಹಾಗೂ ಮಾಯಾ ಬಜಾರ್​ ಸಿನಿಮಾದಲ್ಲಿ ದ್ರೌಪದಿ ಪಾತ್ರದಲ್ಲಿ ನಟಿಸಿದ್ದಾರೆ. ಇನ್ನೂ ರಿಲೀಸ್ ಆಗದ ಜರ್ಸಿ ನಂ 10 ಸಿನಿಮಾದಲ್ಲಿ ಮುಖ್ಯ ಹಾಸ್ಯ ನಟನಾಗಿ  ಅಭಿನಯಿಸಿದ್ದಾರೆ ರಾಘವೇಂದ್ರ.