Mahesh Babu: ಮಹೇಶ್ ಬಾಬು SSMB 28 ಸಿನಿಮಾ ರಿಲೀಸ್ ಡೇಟ್ ಫಿಕ್ಸ್! ಹಬ್ಬ ಆಚರಿಸಲು ಸಜ್ಜಾದ ಪ್ರಿನ್ಸ್ ಫ್ಯಾನ್ಸ್

ಈ ಸಿನಿಮಾದ ಹೊಸ ಶೆಡ್ಯೂಲ್ ಇತ್ತೀಚೆಗೆ ಶುರುವಾಗಿದೆ. ಆ್ಯಕ್ಷನ್ ಜೊತೆಗೆ ಫ್ಯಾಮಿಲಿ ಎಂಟರ್ ಟೈನರ್ ಆಗಿ ತ್ರಿವಿಕ್ರಮ್ ಚಿತ್ರ ನಿರ್ಮಾಣ ಮಾಡ್ತಿದ್ದಾರೆ. ಅದ್ಧೂರಿ ಸೆಟ್ ಜೊತೆ ಈ ಸಿನಿಮಾದ ಹೊಸ ಶೆಡ್ಯೂಲ್ ಹೈದರಾಬಾದ್ ಸಾರಥಿ ಸ್ಟುಡಿಯೋದಲ್ಲಿ ಶುರುವಾಗಿದೆ.  ಫೋಟೋ: ಟ್ವಿಟರ್

ಸಿನಿಮಾ ತಂಡ ಇದೀಗ ರಿಲೀಸ್ ಡೇಟ್ ಅನೌನ್ಸ್ ಮಾಡಿದೆ. ಮಹೇಶ್ ಅವರ ಸಿನಿಮಾ ಸಂಕ್ರಾಂತಿಯಂದು ಬಿಡುಗಡೆಯಾಗಲಿದೆ. 2024 ಜನವರಿ 13 ರಂದು ಬಿಡುಗಡೆಯಾಗಲಿದೆ ಎಂದು ಘೋಷಿಸಲಾಗಿದೆ. ಈ ಹಿಂದೆಯೂ ಮಹೇಶ್ ಅಭಿನಯದ ಚಿತ್ರಗಳು ಸಂಕ್ರಾಂತಿಯಂದು ರಿಲೀಸ್ ಆಗಿ ಉತ್ತಮ ಯಶಸ್ಸು ಗಳಿಸಿತ್ತು. ಫೋಟೋ: ಟ್ವಿಟರ್

ಪ್ರಭಾಸ್ ಅವರ ಪ್ರಾಜೆಕ್ಟ್ ಕೆ ಸಿನಿಮಾ ಕೂಡ ಮುಂದಿನ ವರ್ಷ ಜನವರಿ 12 ರಂದು ಸಂಕ್ರಾಂತಿ ಗಿಫ್ಟ್ ಆಗಿ ರಿಲೀಸ್ ಆಗಲಿದೆ. ನಟ ರಾಮ್ ಚರಣ್ ಸಿನಿಮಾ RC15 ಸಹ ಸಂಕ್ರಾಂತಿಗೆ ಬರಲಿದೆ ಎಂದು ಘೋಷಿಸಲಾಗಿದೆ. ಒಟ್ಟಾರೆ ಮುಂದಿನ ವರ್ಷ ಸಿನಿ ಜೋರಾಗಲಿದೆ. ತೆರೆ ಮೇಲೆ ಟಾಪ್ ನಟರು ಭರ್ಜರಿಯಾಗಿ ಸದ್ದು ಮಾಡಲಿದ್ದಾರೆ.

ಮಹೇಶ್ ಬಾಬು SSMB 28 ಸಿನಿಮಾದಲ್ಲಿ ಇಡೀ ಕಥೆ ಸಹೋದರಿಯ ಪಾತ್ರದ ಸುತ್ತ ಸುತ್ತಲಿದೆಯಂತೆ. ಇದಲ್ಲದೆ ಸಿನಿಮಾದಲ್ಲಿಯೇ ಈ ತಂಗಿಯ ಪಾತ್ರಕ್ಕೆ ತುಂಬಾ ಪ್ರಾಮುಖ್ಯತೆ ಇದೆಯಂತೆ. ಹಾಗಾಗಿ ಚಿತ್ರತಂಡ ಸಾಯಿ ಪಲ್ಲವಿ ಅವರನ್ನು ಈ ಪಾತ್ರಕ್ಕೆ ಆಯ್ಕೆ ಮಾಡಿದೆ. ಆದರೆ ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬಂದಿಲ್ಲ.

ಈ ಚಿತ್ರವನ್ನು ಮೊದಲು ಆಗಸ್ಟ್ 11, 2023 ರಂದು ಸ್ವಾತಂತ್ರ್ಯ ದಿನಾಚರಣೆಯಂದು ಬಿಡುಗಡೆ ಮಾಡಲು ನಿರ್ದೇಶಕ-ನಿರ್ಮಾಪಕರು ಯೋಜಿಸಿದ್ದಾರೆ. ಆದರೆ ಚಿತ್ರೀಕರಣ ಇನ್ನೂ ಪೂರ್ಣಗೊಳ್ಳದ ಹಿನ್ನೆಲೆ ಸಿನಿಮಾ ರಿಲೀಸ್ ಡೇಟ್​ನನ್ನು ಚಿತ್ರತಂಡ ಮುಂದೂಡಿದೆ.

ಮಹೇಶ್ ಬಾಬು ಸಿನಿಮಾಗೆ ಡಿಮ್ಯಾಂಡ್ ಕೂಡ ಹೆಚ್ಚಾಗಿದ್ದು, ನೆಟ್​ಫ್ಲೆಕ್ಸ್ ಈ ಚಿತ್ರದ ಥಿಯೇಟ್ರಿಕಲ್ ನಂತರದ ಡಿಜಿಟಲ್ ಹಕ್ಕುಗಳನ್ನು ಪಡೆದುಕೊಂಡಿದೆ. ನೆಟ್​ಫ್ಲೆಕ್ಸ್​  ಈಗಾಗಲೇ ಈ ಕುರಿತು ಅನೌನ್ಸ್ ಕೂಡ ಮಾಡಿದೆ. ಭಾರೀ ಬೆಲೆಗೆ ಸಿನಿಮಾ ರೈಟ್ಸ್ ಮಾರಾಟವಾಗಿದೆ. ಫೋಟೋ: ಟ್ವಿಟರ್

ಈ ಚಿತ್ರದಲ್ಲಿ ಪೂಜಾ ಹೆಗ್ಡೆ ಜೊತೆಗೆ ಶ್ರೀಲೀಲಾ ಮತ್ತೊಬ್ಬ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಸುಮಾರು 12 ವರ್ಷಗಳ ನಂತರ ತ್ರಿವಿಕ್ರಮ್ ಹಾಗೂ ಮಹೇಶ್ ಬಾಬು ಕಾಂಬಿನೇಷನ್ನಲ್ಲಿ ಈ ಸಿನಿಮಾ ಬರುತ್ತಿದೆ ಅಭಿಮಾನಿಗಳಲ್ಲಿ ನಿರೀಕ್ಷೆ ಹೆಚ್ಚಿಸಿದೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಫ್ಯಾಮಿಲಿ ಎಂಟರ್ಟೈನರ್ ಸಿನಿಮಾ ರಿಲೀಸ್ ಆಗಲಿದೆ. ಈ ಸಿನಿಮಾದ ಮಾರ್ಕೆಟ್ ರೇಟ್ ಕೂಡ ಜೋರಾಗಿದೆ. ಈ ಚಿತ್ರಕ್ಕೆ ಸಂಬಂಧಿಸಿದಂತೆ ನಿರ್ಮಾಪಕರು ಓವರ್ಸೀಸ್ ರೈಟ್ಸ್​ಗಾಗಿ 23 ಕೋಟಿಗೆ ಬೇಡಿಕೆ ಇಟ್ಟಿದ್ದಾರೆ. ಫೋಟೋ: Instagram

ಈ ಸಿನಿಮಾ ಸುಮಾರು ಐದು ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆಯಂತೆ. ತೆಲುಗು ಜೊತೆಗೆ ತಮಿಳು, ಕನ್ನಡ, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಏಕಕಾಲಕ್ಕೆ ರಿಲೀಸ್ ಆಗಲಿದೆ. ಈ ಚಿತ್ರಕ್ಕೆ 'ಪಾರ್ಥು' ಎಂಬ ಟೈಟಲ್ ಇಡುವ ಬಗ್ಗೆ ಚರ್ಚೆ ನಡೆಯುತ್ತಿದೆ.