South Stars: ಪಬ್, ಪಾರ್ಟಿಗೆ ಹೋದ್ರು ಮುಟ್ಟಲ್ಲ ಗುಂಡು! ಎಣ್ಣೆ ಸಹವಾಸವೇ ಬೇಡಪ್ಪಾ ಅಂತಿದ್ದಾರೆ ಈ ನಟ-ನಟಿಯರು!

ಆಲ್ಕೋಹಾಲ್ ಮತ್ತು ಸಿಗರೇಟ್ ನಂತಹ ಮಾದಕ ದ್ರವ್ಯಗಳಿಂದ ದೂರ ಸರಿದು ಆರೋಗ್ಯಕರ ಜೀವನ ನಡೆಸುತ್ತಿರುವ ದಕ್ಷಿಣದ 8 ಪ್ರಸಿದ್ಧ ಸ್ಟಾರ್​ಗಳ ಬಗ್ಗೆ ಹೇಳಲಿದ್ದೇವೆ. ಈ ಪಟ್ಟಿಯಲ್ಲಿ 'ಬಾಹುಬಲಿ' ಖ್ಯಾತಿಯ ಪ್ರಭಾಸ್, ಪುಷ್ಪ ಖ್ಯಾತಿಯ ಅಲ್ಲು ಅರ್ಜುನ್ , ಮಹೇಶ್ ಬಾಬು ಸಮಂತಾ ಹೆಸರು ಕೂಡ ಸೇರಿದೆ.

ಮಹೇಶ್ ಬಾಬು ದಕ್ಷಿಣದ ಸೂಪರ್ ಸ್ಟಾರ್ ಆಗಿದ್ದಾರೆ. 25ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 8 ನಂದಿ ಪ್ರಶಸ್ತಿಗಳು, 5 ಫಿಲ್ಮ್ಫೇರ್ ತೆಲುಗು ಪ್ರಶಸ್ತಿಗಳು, 4 SIIMA ಪ್ರಶಸ್ತಿಗಳು, 3 CineMAA ಪ್ರಶಸ್ತಿಗಳು ಮತ್ತು IIFA ಉತ್ಸವಮ್ ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಪ್ರೊಡಕ್ಷನ್ ಹೌಸ್ ಜಿ. ಮಹೇಶ್ ಬಾಬು ಎಂಟರ್ ಟೈನ್ ಮೆಂಟ್ ಮಾಲೀಕರೂ ಆಗಿದ್ದು, ಮಹೇಶ್ ಬಾಬು ಮದ್ಯವನ್ನು ಮುಟ್ಟುವುದಿಲ್ಲ ಎಂದು ವರದಿಯಾಗಿದೆ.

ಸೌತ್ ಸೂಪರ್ಸ್ಟಾರ್ ಪ್ರಭಾಸ್ ಟಾಲಿವುಡ್ನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ನಟರಲ್ಲಿ ಒಬ್ಬರಾಗಿದ್ದಾರೆ. ಪ್ರಭಾಸ್ 2015 ರಿಂದ ಮೂರು ಬಾರಿ ಫೋರ್ಬ್ಸ್ ಇಂಡಿಯಾದ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ. ಅವರು 7 ಫಿಲ್ಮ್​​ಫೇರ್ ಪ್ರಶಸ್ತಿ ಸೌತ್ ನಾಮನಿರ್ದೇಶನಗಳನ್ನು ಪಡೆದಿದ್ದಾರೆ ನಂದಿ ಪ್ರಶಸ್ತಿಗಳು ಮತ್ತು SIIMA ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಮಾಧ್ಯಮಗಳ ವರದಿ ಪ್ರಕಾರ, ಪ್ರಭಾಸ್ ಮದ್ಯಪಾನ ಅಷ್ಟೇ ಅಲ್ಲ ಸಿಗರೇಟ್ ಕೂಡ ಮುಟ್ಟುವುದಿಲ್ಲವಂತೆ. ಆರೋಗ್ಯಕರ ಜೀವನ ಶೈಲಿ ಅನುಸರಿಸುತ್ತಿದ್ದಾರೆ.

ಈ ಪಟ್ಟಿಯಲ್ಲಿ ದಕ್ಷಿಣದ ಸೂಪರ್ ಸ್ಟಾರ್ ಅಲ್ಲು ಅರ್ಜುನ್ ಹೆಸರೂ ಸೇರಿದೆ. ನಟನೆಯ ಜೊತೆಗೆ ಅಲ್ಲು ಅರ್ಜುನ್ ಡ್ಯಾನ್ಸ್ ಮೂಲಕವೂ ಜನಪ್ರಿಯರಾಗಿದ್ದಾರೆ. 6 ಫಿಲ್ಮ್​ಫೇರ್ ಪ್ರಶಸ್ತಿಗಳು ಮತ್ತು 3 ನಂದಿ ಪ್ರಶಸ್ತಿಗಳು ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಅಲ್ಲು ಅರ್ಜುನ್ ಕೂಡ ಮದ್ಯಪಾನದಿಂದ ದೂರ ಉಳಿದಿದ್ದಾರೆ.

ಈ ಪಟ್ಟಿಯಲ್ಲಿ ನಾಲ್ಕನೇ ಹೆಸರು ತಮಿಳು ಸ್ಟಾರ್ ನಟ ಸೂರ್ಯ, ಕಾಲಿವುಡ್​ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಸೂರ್ಯ ಕೂಡ ಒಬ್ಬರಾಗಿದ್ದಾರೆ. 2 ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು, 6 ಫಿಲ್ಮ್​ಫೇರ್​ ಪ್ರಶಸ್ತಿಗಳು ಪಡೆದಿದ್ದಾರೆ. ಫೋರ್ಬ್ಸ್ ಇಂಡಿಯಾದ 100 ಸೆಲೆಬ್ರಿಟಿ ಪಟ್ಟಿಯಲ್ಲಿ ಸೂರ್ಯ 6 ಬಾರಿ ಕಾಣಿಸಿಕೊಂಡಿದ್ದಾರೆ. ಸೂರ್ಯ ಕೂಡ ಮದ್ಯವನ್ನು ಮುಟ್ಟುವುದಿಲ್ಲ. ಕುಡಿತದ ಚಟದಿಂದ ದೂರವಿದ್ದಾರೆ.

ದಕ್ಷಿಣದ ಪ್ರಸಿದ್ಧ ನಟಿ ಸಮಂತಾ ರುತ್ ಪ್ರಭು ಇದೀಗ ಬಾಲಿವುಡ್, ಟಾಲಿವುಡ್​ನಲ್ಲಿ ಬ್ಯುಸಿ ಆಗಿದ್ದಾರೆ. ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಸಮಂತಾ ಕೂಡ ಒಬ್ಬರಾಗಿದ್ದಾರೆ. ಸಮಂತಾ ಕೂಡ ಆಲ್ಕೋಹಾಲ್ ನಿಂದ ದೂರ ಉಳಿದಿದ್ದಾರೆ ಆರೋಗ್ಯಕರ ಲೈಫ್ ಸ್ಟೈಲ್ ಬಗ್ಗೆ ಹೆಚ್ಚು ಗಮನಹರಿಸುತ್ತಾರೆ.

ಸೌತ್ ಮಾತ್ರವಲ್ಲ, ಬಾಲಿವುಡ್​ನಲ್ಲಿಯೂ ಅದ್ಭುತ ಛಾಪು ಮೂಡಿಸಿರುವ ಕಾಜಲ್ ಅಗರ್ವಾಲ್ ಮದ್ಯಪಾನ ಮಾಡುವುದಿಲ್ಲ. ಇವೆಲ್ಲವುಗಳಿಂದ ದೂರವಿದ್ದಾರೆ. ಇಲ್ಲಿಯವರೆಗೆ 50 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. 2 ಸೌತ್ ಇಂಡಿಯನ್ ಇಂಟರ್ನ್ಯಾ ಷನಲ್ ಮೂವೀ ಅವಾರ್ಡ್ಸ್ ಪಡೆದಿದ್ದಾರೆ.