Maha Shivaratri 2023: ಶಿವರಾತ್ರಿ ಆಚರಣೆ ಮಿಸ್ ಮಾಡೋದಿಲ್ಲ ಶಿವ ಭಕ್ತೆ ಸಮಂತಾ; ಹಬ್ಬಕ್ಕೆ ಶುಭಕೋರಿದ ಸೌತ್ ಸ್ಟಾರ್ಸ್

ಸಮಂತಾ ರುತ್ ಪ್ರಭು ಅವರು ತಮ್ಮ ಮುಂಬರುವ ಪೌರಾಣಿಕ ಚಿತ್ರ ಶಾಕುಂತಲಂ ಸೆಟ್ನಲ್ಲಿ ತೆಗೆದ ಫೋಟೋವನ್ನು Instagramನಲ್ಲಿ ಹಂಚಿಕೊಂಡಿದ್ದು, ಈ ಮೂಲಕ ಅಭಿಮಾನಿಗಳಿಗೆ ಶುಭ ಕೋರಿದ್ದಾರೆ. ಎಲ್ಲರಿಗೂ ಮಹಾ ಶಿವರಾತ್ರಿಯ ಶುಭಾಶಯಗಳು 'ಓಂ ನಮಃ ಶಿವಾಯ! ದೇವರ ಅನುಗ್ರಹ ನಿಮ್ಮೊಂದಿಗೆ ಇರಲಿ. ಶಿವನು ಜೀವಮಾನವಿಡೀ ಜೊತೆಗಿರಲಿ ಎಂದು ಬರೆದಿದ್ದಾರೆ.

ಸಮಂತಾ ಶಿವನ ಭಕ್ತೆಯಾಗಿದ್ದಾರೆ. ಈ ಹಬ್ಬವನ್ನು ಆಚರಿಸಲು ಪ್ರತಿ ವರ್ಷ ಕೊಯಮತ್ತೂರ್ಗೆ ಹೋಗುತ್ತಾರಂತೆ. ಅಷ್ಟೇ ಅಲ್ಲದೇ ದಕ್ಷಿಣದ ಅನೇಕ ತಾರೆಯರು ಸಹ ಸದ್ಗುರು ಸ್ಥಾಪಿಸಲ್ಪಟ್ಟ ಆದಿಯೋಗಿಯಲ್ಲಿ ನಂಬಿಕೆಯನ್ನು ಹೊಂದಿದ್ದಾರೆ. ಸಮಂತಾ ಅವರು ಲಕ್ಷ್ಮಿ ಮಂಚು, ಫ್ಯಾಷನ್ ಡಿಸೈನರ್ ಮತ್ತು BFF ಗಳಾದ ಶಿಲ್ಪಾ ರೆಡ್ಡಿ ಮತ್ತು ರಾಕುಲ್ ಪ್ರೀತ್ ಸಿಂಗ್ ಅವರೊಂದಿಗೆ . 2021ರಲ್ಲಿ ಕೊಯಮತ್ತೂರಿನಲ್ಲಿ ಶಿವರಾತ್ರಿ ಆಚರಿಸಿದ್ರು.

ಕಂಗನ್ ರನೌತ್ ಕೂಡ ಶಿವನ ಭಕ್ತೆ ಆಗಿದ್ದಾರೆ. ಕಂಗನಾ ಆಗಾಗ್ಗೆ ಉಜ್ಜಯಿನಿಯ ಮಹಾಕಾಲ್ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ. ಅಲ್ಲಿ ಅವರು ಪ್ರತಿದಿನ ಮುಂಜಾನೆ 4 ಗಂಟೆಗೆ ನಡೆಯುವ ಭಸ್ಮ ಆರತಿಯಲ್ಲಿ ಪಾಲ್ಗೊಳ್ಳುತ್ತಾರೆ. ಕೆಲವು ವರ್ಷಗಳ ಹಿಂದೆ ಕಂಗನಾ ಉಜ್ಜಯಿನಿಯ ಮಂಗಳನಾಥ ದೇವಸ್ಥಾನದಲ್ಲಿ ಭಾತ್ ಪೂಜೆ ನಡೆಸಿದ್ದರು. ಜೊತೆಗೆ 112 ಎತ್ತರದ ಆದಿಯೋಗಿ ದೇಗುಲಕ್ಕೂ ಭೇಟಿ ನೀಡಿದ್ರು. ಕಳೆದ ವರ್ಷ ಅವರು ಸದ್ಗುರುಗಳ ಇಶಾ ಸೆಂಟರ್ ಆಯೋಜಿಸಿದ್ದ ಮಹಾ ಶಿವರಾತ್ರಿಯ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಶಿವ ಭಕ್ತೆಯಲ್ಲಿ ತಮನ್ನಾ ಭಾಟಿಯಾ ಕೂಡ ಒಬ್ಬರಾಗಿದ್ದಾರೆ. ಆಗಾಗೇ ಆದಿಯೋಗಿಯ ದರ್ಶನ ಪಡೆಯುತ್ತಾರೆ. ನಟಿ ಸದ್ಗುರುಗಳೊಂದಿಗೆ ಹಲವಾರು ಬಾರಿ ಕಾಣಿಸಿಕೊಂಡಿದ್ದಾರೆ.

ಕಾಜಲ್ ಅಗರ್ವಾಲ್ ಕೂಡ ಭೋಲಶಂಕರನ ಭಕ್ತೆ ಆಗಿದ್ದಾರೆ. ದೇಗುಲಗಳಿಗೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ ಫೋಟೋಗಳನ್ನು ಇನ್ಸ್ಟಾಗ್ರಾಮ್​ನಲ್ಲಿ ನಟಿ ಆಗಾಗೆ ಹಂಚಿಕೊಳ್ತಾರೆ. ಮಹಾ ಶಿವರಾತ್ರಿ ದಿನ ಅಭಿಮಾನಿಗಳಿಗೆ ಶುಭಕೋರಿದ್ದಾರೆ.

ನಟಿ ಇಶಾ ಕೊಪ್ಪಿಕರ್ ಕೂಡ ಶಿವನ ಆರಾಧಕರಾಗಿದ್ದು, ಶಿವನಿಗೆ ರುದ್ರಾಭಿಷೇಕ ಮಾಡಿದರು. ಫೋಟೋಗಳನ್ನು ಶೇರ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಶಿವರಾತ್ರಿಯ ಶುಭಾಶಯಗಳನ್ನು ತಿಳಿಸಿದ್ದಾರೆ.

ಪ್ರಜ್ಞಾ ಜೈಸ್ವಾಲ್  ಕೂಡ ಮಹಾ ಶಿವರಾತ್ರಿಯಂದು ಅಭಿಮಾನಿಗಳಿಗೆ ಶುಭ ಹಾರೈಸಿದ್ದಾರೆ. ಆದಿಯೋಗಿ ಸನ್ನಿಧಿಯಲ್ಲಿ ತೆಗೆದ ಫೋಟೋ ಹಂಚಿಕೊಂಡ ಪ್ರಜ್ಞಾ ಜೈಸ್ವಾಲ್  ಮಹಾಶಿವರಾತ್ರಿಯ ಶುಭಾಶಯಗಳು ಎಂದು ಬರೆದಿದ್ದಾರೆ.

ಸೂಪರ್ ಸ್ಟಾರ್ ಮಹೇಶ್ ಬಾಬು ಕೂಡ ಮಹಾ ಶಿವರಾತ್ರಿಯ ಸಂದರ್ಭದಲ್ಲಿ ತಮ್ಮ ಅಭಿಮಾನಿಗಳಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಶುಭ ಹಾರೈಸಿದ್ದಾರೆ. 'ನಿಮ್ಮೆಲ್ಲರಿಗೂ #ಮಹಾಶಿವರಾತ್ರಿಯ ಶುಭಾಶಯಗಳು! ಬೆಳಕು ಯಾವಾಗಲೂ ನಿಮಗೆ ಮಾರ್ಗದರ್ಶನ ನೀಡಲಿ ಎಂದು ಮಹೇಶ್ ಬಾಬು ಬರೆದುಕೊಂಡಿದ್ದಾರೆ.