Mahalakshmi-Ravindarchandrasekaran: ಮದುವೆಯಾಗಿ 100 ದಿನ! ಅಮ್ಮು ನಿನ್ನಿಂದಲೇ ನಾನು ಹ್ಯಾಪಿ ಎಂದ ರವೀಂದ್ರ

ಕಾಲಿವುಡ್ ನಟಿ ಮಹಾಲಕ್ಷ್ಮಿ ಹಾಗೂ ರವೀಂದ್ರ ಚಂದ್ರಶೇಖರ್ ಮದುವೆಯಾಗಿ 100 ದಿನಗಳು ಪೂರ್ತಿಯಾಗಿವೆ. ಈ ಜೋಡಿ ಸತಿಪತಿಯಾಗಿ ಜೊತೆಯಾಗಿ 100 ದಿನ ಮುಗಿಸಿದ್ದಾರೆ.

ಮದುವೆಯಿಂದ ಟ್ರೋಲ್ ಮೂಲಕವೇ ಸುದ್ದಿಯಾದ ಸೌತ್​ನ ಸೆಲೆಬ್ರಿಟಿ ಜೋಡಿ ಎಲ್ಲವನ್ನೂ ಮೀರಿ ಜೊತೆಯಾಗಿ ಸಂತೋಷದಿಂದ ಬದುಕುತ್ತಿದ್ದಾರೆ.

ಈ ಸಂದರ್ಭ ರವೀಂದ್ರ ಚಂದ್ರಶೇಖರ್ ಪತ್ನಿ ಮಹಾಲಕ್ಷ್ಮಿಗಾಗಿ ಸುಂದರವಾದ ಪೋಸ್ಟ್ ಒಂದನ್ನು ಶೇರ್ ಮಾಡಿ 100 ದಿನಗಳನ್ನು ಸಂಭ್ರಮಿಸಿದ್ದಾರೆ.

ರವೀಂದ್ರ ಅವರು ಪತ್ನಿಯ ಜೊತೆಗೆ ಹ್ಯಾಪಿ ಮೊಮೆಂಟ್ಸ್​ಗಳನ್ನು ಶೇರ್ ಮಾಡುತ್ತಲೇ ಇರುತ್ತಾರೆ. ಈಗ ರವೀಂದ್ರ ಪತ್ನಿಗೆ ವಿಶ್ ಮಾಡಿದ್ದಾರೆ.

100 ದಿನಗಳು ಮುಗಿಯಿತು. ಯಸ್. ಅಮ್ಮು ನಾನು 100 ದಿನಗಳನ್ನು ಮುಗಿಸಿದ ಹಿನ್ನೆಲೆ ಈ ಪೋಸ್ಟ್​ಗೆ ಚಂದದ ಕ್ಯಾಪ್ಶನ್ ಬರೆಯಲು ತುಂಬಾ ಪ್ರಯತ್ನಿಸಿದೆ. ಆದರೆ ನಾಟಕೀಯವಾಗಿ ಬರೆಯಲು ಸಾಧ್ಯವಾಗಲಿಲ್ಲ. ನಾನು ನನಗನಿಸಿದ್ದನ್ನು ಬರೆಯುತ್ತೇನೆ ಎಂದಿದದ್ದಾರೆ.

ಅಮ್ಮು 37 ವರ್ಷಗಳ ನಂತರ ನಾನು 100 ದಿನಗಳನ್ನು ಪ್ರತಿ ಕ್ಷಣ ಖುಷಿಯಾಗಿ ಕಳೆದೆ. ಹೆಚ್ಚು ಪ್ರೀತಿಯೊಂದಿಗೆ, ಕಾಳಜಿ, ಫನ್, ಫೈಟ್ ಜೊತೆ ನನ್ನೊಂದಿಗೆ ನಡೆಯುತ್ತಿರು. ಅಮ್ಮು ನಿನ್ನಿಂದಲೇ ಖುಷಿಯಾಗಿ ಬಾಳುತಿರುವೆ ಎಂದಿದ್ದಾರೆ.