Mahalakshmi-Ravinder: ನೀನೂ ಚಂದ, ಲೈಫೂ ಚಂದ! ಗಂಡನ ಬಾಯ್ತುಂಬ ಹೊಗಳಿದ ಮಹಾಲಕ್ಷ್ಮಿ

ಕಾಲಿವುಡ್ ಜೋಡಿ ಮಹಾಲಕ್ಷ್ಮೀ ಹಾಗೂ ರವೀಂದ್ರನ್ ಅವರು ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಜೋಡಿ ಮದುವೆಯಾದಾಗ ದೇಶಾದ್ಯಂತ ಸುದ್ದಿಯಾಗಿದ್ದರು.

ಬ್ಯಾಕ್ ಟು ಬ್ಯಾಕ್ ಟ್ರೋಲಿಂಗ್ ನಂತರವೂ ಈ ಜೋಡಿ ದೃಢವಾಗಿ ಜೊತೆಗೆ ನಿಂತರು. ಈಗಲೂ ಇಬ್ಬರೂ ಹಲವು ಬಾರಿ ಟ್ರೋಲ್ ಆಗುತ್ತಲೇ ಇರುತ್ತಾರೆ.

ಈಗ ಮಹಾಲಕ್ಷ್ಮಿ ಅವರು ಪತಿಯೊಂದಿಗೆ ಚೆನ್ನೈನಲ್ಲಿರುವ ಫೋಟೋ ಒಂದನ್ನು ಶೇರ್ ಮಾಡಿದ್ದಾರೆ. ಇದರೊಂದಿಗೆ ವಿಶೇಷವಾದ ಒಂದು ಕ್ಯಾಪ್ಶನ್ ಕೂಡಾ ಕೊಟ್ಟಿದ್ದಾರೆ.

ಬದುಕು ನಿಮ್ಮ ಹಾಗೆಯೇ ಸುಂದರ ಎಂದು ಗಂಡನ ಬಾಯ್ತುಂಬ ಹೊಗಳಿದ್ದಾರೆ ನಟಿ. ಆದರೆ ನೆಟ್ಟಿಗರು ಯಾರು ಚಂದ? ಲೈಫೋ ಗಂಡನೋ ಎಂದು ನಟಿಯ ಕಾಲೆಳೆಯುತ್ತಿದ್ದಾರೆ.

ಫೋಟೋದಲ್ಲಿ ಮಹಾಲಕ್ಷ್ಮಿ ಹಾಗೂ ರವೀಂದ್ರ ಇಬ್ಬರೂ ಬ್ಲ್ಯಾಕ್ ಔಟ್​ಫಿಟ್​ನಲ್ಲಿ ಕಂಡು ಬಂದಿದ್ದಾರೆ. ಮ್ಯಾಚಿಂಗ್ ಡ್ರೆಸ್ ಧರಿಸಿ ಪೋಸ್ ಕೊಟ್ಟಿದ್ದಾರೆ.

ರವೀಂದ್ರ ಅವರೂ ಕೂಡಾ ಪತ್ನಿಯ ಶೂಟಿಂಗ್ ಸೆಟ್​ಗೆ ಅವರಿಗೆ ಆಹಾರ ತೆಗೆದುಕೊಂಡು ಹೋಗುವುದು, ಡಿನ್ನರ್​ಗೆ ಕರೆದೊಯ್ಯುತ್ತಾ ಜಾಲಿಯಾಗಿದ್ದಾರೆ.

ಈ ಜೋಡಿ ಹಬ್ಬಗಳನ್ನೂ ಜೊತೆಯಾಗಿ ಆಚರಿಸುತ್ತಾರೆ. ತಡರಾತ್ರಿ ಡಿನ್ನರ್, ಬಿರಿಯಾನಿ ತಿನ್ನುವ ಫೋಟೋಸ್ ಇವೆಲ್ಲವನ್ನೂ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಳ್ಳುತ್ತಾರೆ.

ಮಹಾಲಕ್ಷ್ಮಿ ಕಿರುತೆರೆ ನಟಿಯಾಗಿದ್ದು ಈಗಾಗಲೇ ಮದುವೆಯಾಗಿ ಒಬ್ಬ ಮಗನೂ ಇದ್ದಾನೆ. ಇದು ಅವರಿಗೆ ಎರಡನೇ ಮದುವೆ ಆಗಿದೆ.