Bollywood: ಫಿಟ್ನೆಸ್ ಹಾಗೂ ಬ್ಯೂಟಿಯಲ್ಲಿ ಆಲಿಯಾ-ದೀಪಿಕಾರನ್ನು ಮೀರಿಸ್ತಾರೆ ಈ ಐವರು ನಟಿಯರು!

ಈ ನಟಿಯರ ವಯಸ್ಸು 50 ವರ್ಷಕ್ಕಿಂತ ಹೆಚ್ಚಿದ್ದರೂ, ಫಿಟ್ನೆಸ್ ಎಷ್ಟು ಅದ್ಭುತವಾಗಿದೆ ಎಂದರೆ ಇಂದಿನ ನಾಯಕಿಯರಿಗೆ ಪೈಪೋಟಿ ನೀಡುವಂತಿದೆ. ಇಂದಿಗೂ ಈ ನಟಿಯರು ಸಖತ್ ಫೋಟೋಶೂಟ್ಗಳ ಮೂಲಕ ಸುದ್ದಿ ಆಗ್ತಾರೆ.

ಮನೀಶಾ ಕೊಯಿರಾಲಾ ಹಿಂದಿ ಚಿತ್ರರಂಗದ ಹಿರಿಯ ನಟಿಯರಲ್ಲಿ ಒಬ್ಬರಾಗಿದ್ದಾರೆ. ಈ ನಟಿ ತನ್ನ ಸುದೀರ್ಘ ಸಿನಿ ಕೆರಿಯರ್ನಲ್ಲಿ ಅನೇಕ ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ. 52ರ ಹರೆಯದ ನಟಿಯ 'ಶೆಹಜಾದಾ' ಚಿತ್ರ ಕಳೆದ ತಿಂಗಳು ಬಿಡುಗಡೆಯಾಗಿತ್ತು. ಈಗ ಮನಿಶಾ ಕೊಯಿರಾಲಾ ಅವರ 'ಹಿರಾಮಾಂಡಿ' ಶೀಘ್ರದಲ್ಲೇ ನೆಟ್​ಫ್ಲಿಕ್ಸ್​​ನಲ್ಲಿ ಬಿಡುಗಡೆಯಾಗಲಿದೆ. (ಫೋಟೋ ಕೃಪೆ-instagram @m_koirala)

ನೀನಾ ಗುಪ್ತಾಗೆ ಅವರಿಗೆ 63 ವರ್ಷ ವಯಸ್ಸಾಗಿದ್ರು ಈ ನಟಿ ಇನ್ನೂ ಚಲನಚಿತ್ರಗಳಲ್ಲಿ ಸಂಪೂರ್ಣವಾಗಿ ಸಕ್ರಿಯರಾಗಿದ್ದಾರೆ. ಕಳೆದ ವರ್ಷ ಡಿಸೆಂಬರ್​ನಲ್ಲಿ ನಟಿಯ 'ವಧ್' ಚಿತ್ರ ರಿಲೀಸ್ ಆಗಿತ್ತು. ಕಳೆದ ತಿಂಗಳು ಅವರ ಚಿತ್ರ 'ಶಿವ ಶಾಸ್ತ್ರಿ ಬಲ್ಬೋವಾ' ಬಿಡುಗಡೆ ಆಗಿದೆ. ಈ ನಟಿ ಬ್ಯಾಕ್-ಟು-ಬ್ಯಾಕ್ ಸಿನಿಮಾಗಳು ಹಾಗೂ ವೆಬ್ ಸೀರಿಸ್ನಲ್ಲಿ ಮಾಡುತ್ತಿದ್ದಾರೆ. ನೀನಾ ಗುಪ್ತಾ ಇನ್ನೂ ಫಿಟ್ ಆಗಿದ್ದಾರೆ. (ಫೋಟೋ ಕೃಪೆ-instagram @neena_gupta)

ಕಳೆದ ವರ್ಷ 2 ಸೂಪರ್ ಹಿಟ್ ಚಿತ್ರಗಳನ್ನು ನೀಡಿದ ನಟಿ ಟಬು ಈ ವರ್ಷವೂ ಹಲವು ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಟಬು ಅವರ ಇತ್ತೀಚಿನ ಚಿತ್ರ 'ಕುಟ್ಟೆ'ಯಲ್ಲೂ ನಟಿಯ ಅಭಿನಯಕ್ಕೆ ಅಭಿಮಾನಿಗಳು ಫಿದಾ ಆಗಿದ್ರು. 52ರ ಹರೆಯದ ಟಬು ಅವರ ಫಿಟ್ನೆಸ್ ಮತ್ತು ಸೌಂದರ್ಯವನ್ನು ನೋಡಿದರೆ ಅವರ ವಯಸ್ಸನ್ನು ಊಹಿಸುವುದು ಕಷ್ಟ. (ಫೋಟೋ ಕೃಪೆ-instagram @tabutiful)

ಸೌಂದರ್ಯ ಮತ್ತು ನೃತ್ಯಕ್ಕೆ ಹೆಸರುವಾಸಿಯಾಗಿರುವ ಮಾಧುರಿ ದೀಕ್ಷಿತ್ ಇಂದಿಗೂ ಅಷ್ಟೇ ಫಿಟ್ ಆಗಿದ್ದಾರೆ. 55ರ ಹರೆಯದಲ್ಲೂ ಮಾಧುರಿ ತಮ್ಮ ಡ್ಯಾನ್ಸ್ ನಿಂದ ಈಗಾಲೂ ಅಭಿಮಾನಿಗಳ ಮನಗೆದ್ದಿದ್ದಾರೆ. ಕಳೆದ ವರ್ಷ ಅಮೆಜಾನ್ ಪ್ರೈಮ್​ನಲ್ಲಿ ಬಿಡುಗಡೆಯಾದ 'ಮಜಾ ಮಾ' ಚಿತ್ರದಲ್ಲಿ ನಟಿ ಕಾಣಿಸಿಕೊಂಡಿದ್ದರು. (ಫೋಟೋ ಕೃಪೆ-instagram @madhuridixitnene)

ಹಲವು ದಶಕಗಳ ಬಾಲಿವುಡ್ನಲ್ಲಿ ನಂಬರ್ ಒನ್ ನಟಿಯಾಗಿ ಮಾಧುರಿ ದೀಕ್ಷಿತ್ ಮಿಂಚುತ್ತಿದ್ದಾರೆ. ಈಗಲೂ ಅನೇಕ ಅಭಿಮಾನಿಗಳ ಹೃದಯದಲ್ಲಿ ಮಾಧುರಿ ದೀಕ್ಷಿತ್ ಇದ್ದಾರೆ. ಡ್ರೀಮ್ ಗರ್ಲ್ಗೆ ವಯಸ್ಸೇ ಆಗೋದಿಲ್ಲ ಅಂತಿದ್ದಾರೆ ಅಭಿಮಾನಿಗಳು.

55 ವರ್ಷ ವಯಸ್ಸಿನಲ್ಲೂ ಜೂಹಿ ಚಾವ್ಲಾ ತಮ್ಮ ಫಿಟ್ನೆಸ್ ಬಗ್ಗೆ ಸಂಪೂರ್ಣ ಕಾಳಜಿ ವಹಿಸುತ್ತಾರೆ. ಇಂದಿಗೂ ಈ ನಟಿ ತನ್ನ ಫ್ಯಾಶನ್ ಸೆನ್ಸ್ ಮತ್ತು ಸ್ಟೈಲ್ ನಿಂದ ಸ್ಪರ್ಧೆ ನೀಡಿದ್ದಾರೆ. ಕಳೆದ ವರ್ಷ ಬಿಡುಗಡೆಯಾದ ಅಮೆಜಾನ್ ಪ್ರೈಮ್ನ ವೆಬ್ ಸರಣಿ 'ಹಶ್ ಹುಶ್' ನಲ್ಲಿ ಕಾಣಿಸಿಕೊಂಡಿದ್ದರು. (ಫೋಟೋ ಕೃಪೆ-instagram @iamjuhichawla)