Anil Kapoor: ಅನಿಲ್​ ಕಪೂರ್​ ಜೊತೆ ನಟಿಸಲು ಮಾಧುರಿ ಹಿಂದೇಟು ಹಾಕಿದ್ಯಾಕೆ?; ಇದರ ಹಿಂದಿತ್ತು ಬಲವಾದ ಕಾರಣ!

90ರ ದಶಕದಲ್ಲಿ ನಟಿ ಮಾಧುರಿ ದೀಕ್ಷಿತ್ ಮತ್ತು ನಟ ಅನಿಲ್ ಕಪೂರ್ ಹಿಟ್ ಸಿನಿಮಾ ನೀಡಿದಂತಹ ತಾರೆಗಳು. ತೇಜಾಬ್, ಖೇಲ್, ರಾಜಕುಮಾರ್ ಹೀಗೆ ಸಾಕಷ್ಟು ಹಿಟ್ ಸಿನಿಮಾಗಳನ್ನು ನೀಡಿದ್ದಾರೆ ಈ ಜೋಡಿ.

ಆದರೆ ಇಂತಹ ಜನಪ್ರಿಯತೆಯ ಸಂದರ್ಭದಲ್ಲಿ ನಟಿ ಮಾಧುರಿ ದೀಕ್ಷಿತ್ ಏಕಾಏಕಿ ಅನಿಲ್ ಕಪೂರ್ ಸಿನಿಮಾದಲ್ಲಿ ಅಭಿನಯಿಸಲು ಹಿಂದೇಟು ಹಾಕುತ್ತಾರೆ. ಆದರೆ ಯಾಕೆ ಈ ರೀತಿ ಮಾಡುತ್ತಾರೆ? ಕಾರಣವೇನು? ಇಲ್ಲಿದೆ ಮಾಹಿತಿ.

ಅನಿಲ್ ಕಫೂರ್ ಮತ್ತು ಮಾಧುರಿ ದೀಕ್ಷಿತ್ ಮೊದಲ ಬಾರಿ ನಟಿಸಿದ್ದ ಸಿನಿಮಾ ‘ತೇಜಬ್‘ ಈ ಸಿನಿಮಾ ಇವರಿಬ್ಬರಿಗೆ ಭಾರೀ ಹೆಸರು ತಂದು ಕೊಟ್ಟಿತ್ತು.

ನಂತರ ವರ್ಷದಲ್ಲಿ ರಾಮ್ ಲಖನ್, ಬೇಟ, ಖೇಲ್, ರಾಜ ಕುಮಾರ್, ಜಿಂದಗಿ ಏಕ್ ಜುವಾ, ಜಮಾಯಿ ರಾಜ, ಪುಕಾರ್ ಸಿನಿಮಾದಲ್ಲಿ ಇವರಿಬ್ಬರು ನಟಿಸಿದ್ದರು.

ಹೀಗೆ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದ ಅನಿಲ್ ಕಫೂರ್ ಮತ್ತು ಮಾಧುರಿ ದೀಕ್ಷಿತ್ ಅಂದಿಗೆ ಸಾಕಷ್ಟು ಜನಪ್ರಿಯತೆ ಗಳಿಸಿದ್ದರು. ಆನಂತರದಿಂದ ಮಾಧುರಿ ಅವರು ಅನಿಲ್ ಕಪೂರ್ ಜೊತೆ ಯಾವುದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿಲ್ಲ. ರಾಜ ಕುಮಾರ್ ಸಂತೋಷಿ ನಿರ್ದೇಶನದ ‘ಪುಕಾರ್‘ ಸಿನಿಮಾ ಇವರಿಬ್ಬರು ಒಟ್ಟಿಗೆ ನಟಿಸಿದ ಕೊನೆಯ ಸಿನಿಮಾವಾಗಿದೆ.

90ರ ದಶಕದಲ್ಲಿ ಮಾಧುರಿ ಮತ್ತು ಅನಿಲ್ ಕಪೂರ್ ಜನಪ್ರಿಯತೆ ಹೊಂದುತ್ತಿರುವ ಸಂದರ್ಭದಲ್ಲಿ ಇವರಿಬ್ಬರ ಬಗ್ಗೆ ಗಾಳಿ ಸುದ್ದಿಯೊಂದು ಹರಿದಾಡುತ್ತಿರುತ್ತದೆ. ರೀಲ್ ಜೋಡಿಗಳು ರಿಯಲ್ ಜೋಡಿಗಳಾಗಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತದೆ.

ಹೀಗಿರುವಾಗ ಅನಿಲ್ ಕಫೂರ್ ಅಭಿನಯದ ಸಿನಿಮಾವೊಂದಕ್ಕೆ ಅವರ ಪತ್ನಿ ಸುನೀತಾ ಮಕ್ಕಳನ್ನು ಕರೆದುಕೊಂಡು ಬಂದಿದ್ದರಂತೆ. ಆ ಸಂದರ್ಭದಲ್ಲಿ ಅನಿಲ್ ಕಪೂರ್ ಕುಟುಂಬವನ್ನು ನೋಡಿ ಮಾಧುರಿ ನಿರ್ಧಾರವೊಂದನ್ನು ಕೈಗೆತ್ತಿಕೊಂಡರು.

ತನ್ನಿಂದಾಗಿ ಅವರ ಮನೆ ಒಡೆಯಬಾರದು ಎಂಬ ನಿರ್ಧಾರಕ್ಕೆ ಬಂದರು ಮಾಧುರಿ ದೀಕ್ಷಿತ್. ಅನಂತರದಿಂದ ಅನಿಲ್ ಕಪೂರ್ ಅಭಿನಯದ ಸಿನಿಮಾದಲ್ಲಿ ನಟಿಸುವುದಕ್ಕೆ ಹಿಂದೇಟು ಹಾಕಿದರು.

ಅಂದಿನಿಂದ ಮಾಧುರಿ ದೀಕ್ಷಿತ್ ಅವರು ಅನಿಲ್ ಕಪೂರ್ ಜೊತೆಗೆ ನಟಿಸದೆ  17 ವರ್ಷಗಳ ಕಾಲ ದೂರವಿದ್ದರು. ಆದರೆ ಕಳೆದ ವರ್ಷ ‘ಟೋಟಲ್ ಧಮಾಲ್‘ ಸಿನಿಮಾದಲ್ಲಿ ನಟಿಸುವ ಮೂಲಕ ಮತ್ತೆ ಸ್ಕ್ರೀನ್ ಹಂಚಿಕೊಂಡಿರು.