Maari 2: ಟಾಪ್​​ ಟ್ರೆಂಡಿಂಗ್ ಹಾಡುಗಳಲ್ಲಿ ನಂ.1 ಸ್ಥಾನದಲ್ಲಿದೆ ‘ರೌಡಿ ಬೇಬಿ‘

ತಮಿಳು ಸ್ಟಾರ್ ನಟ ಧನುಷ್ ಮತ್ತು ನಟಿ ಸಾಯಿ ಪಲ್ಲವಿ ನಟಿಸಿರುವ  ಮಾರಿ-2 ಸಿನಿಮಾದ ‘ರೌಡಿ ಬೇಬಿ‘ ಹಾಡಿದೆ ಮತ್ತೊಂದು ಗರಿ ಸಿಕ್ಕಿದೆ.

ಇತ್ತೀಚೆಗೆ ಯ್ಯೂಟೂಬ್​​ನಲ್ಲಿ 500 ಮಿಲಿಯನ್​ಗೂ ಹೆಚ್ಚು ವೀಕ್ಷಣೆ ಪಡೆದು ಅತಿ ಹೆಚ್ಚು ವೀಕ್ಷಣೆ ಕಂಡ ಹಾಡು ಎಂಬ ದಾಖಲೆ ಬರೆದಿತ್ತು. ಈಗ  ‘ರೌಡಿ ಬೇಬಿ‘ ಹಾಡು ದೇಶದಲ್ಲೇ ಈ ವರ್ಷ ಟಾಪ್ ಒನ್ ಟ್ರೆಂಡಿಂಗ್ ಹಾಡು ಎನ್ನು ಖ್ಯಾತಿಗಳಿಸಿದೆ.

ಯ್ಯೂಟೂಬ್ ಸಂಸ್ಥೆ ಇತ್ತೀಚೆಗೆ 2019ರ ಟಾಪ್ ಟ್ರೆಂಡಿಂಗ್ ಹಾಡುಗಳ ಪಟ್ಟಿಯನ್ನು ರಿಲೀಸ್ ಮಾಡಿದೆ. ಇದರಲ್ಲಿ ರೌಡಿ ಬೇಬಿ ಹಾಡು ಮೊದಲ ಸ್ಥಾನ ಪಡೆದುಕೊಂಡಿದೆ

ಎರಡನೇ ಸ್ಥಾನದಲ್ಲಿ ತನೀಶ್ ಬಾಗ್ಚಿ ಸಂಗೀತ ಸಂಯೋಜನೆಯ ಮಾಡಿರುವ ಧ್ವಾನಿ ಭಾನುಶಾಲಿ ಮತ್ತು ನಿಖಿಲ್ ಡಿ ಅಭಿನಯದ ‘ವಾಸ್ತೆ‘ ಹಾಡು ಪಡೆದುಕೊಂಡಿದೆ.

3ನೇ ಸ್ಥಾನದಲ್ಲಿ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ನಟನೆಯ ‘ಕೇಸರಿ‘ ಸಿನಿಮಾ ಹಾಡು ಇದೆ.

ರೌಡಿ ಬೇಬಿ ಹಾಡು ಹೆಚ್ಚು ಜನಪ್ರೀಯತೆ ಪಡೆಯಲು ಹಾಡಿನ ಮ್ಯೂಸಿಕ್ ಹಾಗೂ ಡಾನ್ಸ್ ಬಹಳ ಮುಖ್ಯವಾಗಿದೆ.

ಇಳಯರಾಜ ಪುತ್ರ ಯುವನ್ ಶಂಕರ್ ರಾಜ ಈ ಹಾಡಿಗೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಪ್ರಭುದೇಶ ನೃತ್ಯ ಸಂಯೋಜಿಸಿದ್ದಾರೆ. ವಿಶೇಷವೆಂದರೆ ಈ ಹಾಡನ್ನು ನಟ ಧನುಷ್ ಅವರೇ ಬರೆದು ಹಾಡಿದ್ದಾರೆ.