ಮದುವೆಯಾದ ಒಂದೇ ತಿಂಗಳಲ್ಲಿ ಕ್ಯಾನ್ಸರ್ ಇರುವ ವಿಷಯ ತಿಳಿಯಿತು: ಯುವರಾಜ ಚಿತ್ರದ ನಾಯಕಿಯ ಕಹಾನಿ

ಲೀಸಾ ರೇ ಈ ಹೆಸರು ಕನ್ನಡಿಗರಿಗಂತು ಚಿರಪರಿಚಿತ. ಏಕೆಂದರೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಯುವರಾಜ ಚಿತ್ರದಲ್ಲಿ ಯುವರಾಣಿಯಾಗಿ ಕಾಣಿಸಿಕೊಂಡಿದ್ದರು.

ಆ ಬಳಿಕ ಕಾಲಿವುಡ್, ಟಾಲಿವುಡ್​ ಮತ್ತು ಬಾಲಿವುಡ್​ನತ್ತ ಮುಖ ಮಾಡಿದ ಚೆಲುವೆ ಮತ್ತೆ ಸುದ್ದಿಯಾಗಿದ್ದು ಕ್ಯಾನ್ಸರ್ ಎಂಬ ಮಾರಕ ಕಾಯಿಲೆಯ ಮೂಲಕ.

ಹೌದು, ಬಣ್ಣದ ಲೋಕದಲ್ಲಿ ಮಿಂಚುವ ತಾರೆಯಾಗಿ ಕಂಗೊಳಿಸುತ್ತಿದ್ದ ಲೀಸಾ ರೇ ಬೆನ್ನ ಹಿಂದೆ ಕಗ್ಗತ್ತಲಿನ ಕಾರ್ಮೋಡವೊಂದು ಅಡಗಿ ಕೂತಿತ್ತು. ಆರಂಭದಲ್ಲಿ ಉಂಟಾಗಿದ್ದ ಅನಾರೋಗ್ಯದ ಬಗ್ಗೆ ವೈದ್ಯರಲ್ಲಿ ಪರೀಕ್ಷಿಸಿದಾಗ ಸಾಮಾನ್ಯ ಕ್ಯಾನ್ಸರ್ ಆಗಿತ್ತು. ಚಿಕಿತ್ಸೆ ಮೂಲಕ ಈ ಕಾಯಿಲೆಯಿಂದ ಪಾರಾಗಿದ್ದೆ.

ಆದರೆ ವಿವಾಹವಾಗಿ ಒಂದು ತಿಂಗಳಲ್ಲೇ  ಮತ್ತೆ ಮಾರಕ ಮಹಾಮಾರಿ ಮರುಕಳಿಸಿತು. ಇನಿಯನೊಂದಿಗೆ ದಾಂಪತ್ಯ ಜೀವನದ ರಸ ನಿಮಿಷಗಳನ್ನು ಆರಂಭಿಸುವ ಮೊದಲೇ ಕ್ಯಾನ್ಸರ್ ಎದುರಿಗೆ ಬಂದು ನಿಂತಿತು.

ಏಕೆಂದರೆ ನನಗೆ ಕ್ಯಾನ್ಸರ್ ಫಸ್ಟ್ ಸ್ಟೇಜ್​ನಲ್ಲಿದೆ ಎಂದು ತಿಳಿದಾಗ ನಾನು ಸಿಂಗಲ್ ಆಗಿದ್ದೆ. ಚಿಕಿತ್ಸೆಯ ಮೂಲಕ ಗುಣಮುಖಳಾಗಿದ್ದೆ. ಹೀಗಾಗಿ ದಾಂಪತ್ಯ ಜೀವನಕ್ಕೆ ಕಾಲಿಡಲು ನಿರ್ಧರಿಸಿದೆ.

ಈ ವೇಳೆ ನನಗೆ ಏನು ಮಾಡಬೇಕು ಎಂಬುದೇ ತೋಚಲಿಲ್ಲ. ಕ್ಯಾನ್ಸರ್ ವಿಷಯ ಹೇಳಿದ್ರೆ ಅದು ನಮ್ಮ ವೈವಾಹಿಕ ಜೀವನದ ಮೇಲೆ ಪ್ರಭಾವ ಬೀರಬಹುದು ಎಂದು ನಾನು ಗೆಳೆಯನಿಂದ ಈ ವಿಷಯ ಮುಚ್ಚಿಟ್ಟಿದ್ದೆ.

ಒಂದೆಡೆ ಜೊತೆಗಾರನಿದ್ದರೂ ನನಗೆ ಏಕಾಂಗಿಯಾದ ಅನುಭವ. ಏನು ಮಾಡಬೇಕೆಂದು ಅರ್ಥವಾಗುತ್ತಿರಲಿಲ್ಲ. ನಮ್ಮ ಪ್ರೀತಿ ಪಾತ್ರರಿಗೆ ದುಃಖದ ವಿಷಯ ಹೇಳಿದ್ರೆ ಎಲ್ಲಿ ನೋವಾಗುತ್ತೋ ಎಂಬ ಭಯ ನನ್ನಲ್ಲಿ.

ಜೀವನದಲ್ಲಿ ಅನೇಕ ಏರಿಳಿತವನ್ನು ನೋಡಿದ್ದ ಲೀಸಾ ರೇ ಅವರು ಅತ್ತ ಕ್ಯಾನ್ಸರ್ ವಿರುದ್ಧ ಕೂಡ ಹೋರಾಡುವ ದೃಢ ಸಂಕಲ್ಪ ಮಾಡಿಕೊಂಡಿದ್ದರು. ಆದರೆ

ಎರಡನೇ ಸುತ್ತಿನ ಕ್ಯಾನ್ಸರ್ ನನ್ನ ಜೀವ ಹಿಂಡಿದಂತಿತ್ತು. ಪತಿ ನನ್ನ ಬೆಂಬಲಕ್ಕೆ ನಿಂತಿದ್ದ. ಅಂತಹ ವ್ಯಕ್ತಿಯೊಬ್ಬರು ನನಗೆ ಸಿಕ್ಕಿದ್ದ. ಮಾರಕ ಕಾಯಿಲೆಯ ನಡುವೆ ನನ್ನನ್ನು ಪ್ರೀತಿಸಿದ. .

ಕ್ಯಾನ್ಸರ್​ ವಿರುದ್ಧ ಹೋರಾಡಲು ಆರಂಭಿಸಿದೆ. ಚಿಕಿತ್ಸೆಗಾಗಿ ಆಸ್ಪತ್ರೆ ಸೇರಿಕೊಂಡೆ. ದಿನಗಳು ಕಳೆದಂತೆ ನಾನು ಬಳಲುತ್ತಿದ್ದೆ. ನನ್ನ ದೇಹ ನನ್ನ ಕಂಟ್ರೋಲ್​ನಲ್ಲಿ ಇರಲಿಲ್ಲ. ಆದರೂ ಸೋಲಲು ನಾನು ತಯಾರಿರಲಿಲ್ಲ.

ಅಂತಿಮವಾಗಿ ನನ್ನನ್ನು ಪರೀಕ್ಷೆಗೆ ಒಳಪಡಿಸಿದಾಗ ವೈದ್ಯರು ಆಶ್ಚರ್ಯಚಕಿತರಾದರು. ಏಕೆಂದರೆ ನಾನು ಮಹಾಮಾರಿಯನ್ನು ಗೆದ್ದಿದ್ದೆ ಎಂದು ಲೀಸಾ ರೇ ತಿಳಿಸಿದರು.

ಅಂತಿಮವಾಗಿ ನನ್ನನ್ನು ಪರೀಕ್ಷೆಗೆ ಒಳಪಡಿಸಿದಾಗ ವೈದ್ಯರು ಆಶ್ಚರ್ಯಚಕಿತರಾದರು. ಏಕೆಂದರೆ ನಾನು ಮಹಾಮಾರಿಯನ್ನು ಗೆದ್ದಿದ್ದೆ ಎಂದು ಲೀಸಾ ರೇ ತಿಳಿಸಿದರು.

ಬಾಲಿವುಡ್ ನಟಿ ಕರೀನಾ ಕಪೂರ್ ಅವರ ರೇಡಿಯೋ ಶೋನಲ್ಲಿ ಮಾತನಾಡಿದ  ಯುವರಾಜ ಚಿತ್ರದ ನಾಯಕಿ ತಮ್ಮ ಕ್ಯಾನ್ಸರ್ ವಿರುದ್ಧ ಹೋರಾಟವನ್ನು ನೆನಪಿಸಿಕೊಂಡರು.