Sandalwood Actor: 300 ರೂಪಾಯಿ ಹಿಡಿದು ಮನೆ ಬಿಟ್ಟ ಯಶ್ ಇದೀಗ ಕೋಟಿ ಕೋಟಿ ಒಡೆಯ! ಇದು ರಾಕಿ ಭಾಯ್ ರಿಯಲ್ ದುನಿಯಾ

ಸ್ಟೆಪ್ ಬೈ ಸ್ಟೆಪ್ ಆಗಿ ಗೆಲುವಿನ ಕುದುರೆ ಏರಿದ ಕಥೆಯನ್ನು ನಟ ಯಶ್ ಬಿಚ್ಚಿಟ್ಟಿದ್ದಾರೆ. ರಾಕಿಂಗ್ ಸ್ಟಾರ್ ಹುಟ್ಟಿದ್ದು ಕರ್ನಾಟಕದ ಬೂವನಹಳ್ಳಿ ಗ್ರಾಮದಲ್ಲಿ. ಯಶ್ ತಾಯಿ ಗೃಹಿಣಿಯಾಗಿದ್ರು, ತಂದೆ ಬಸ್ ಡ್ರೈವರ್ ಆಗಿ ಕೆಲಸ ಮಾಡ್ತಿದ್ದರು. ಇದೀಗ ಮಗ ಯಶ್ ತಂದೆ ಹಳ್ಳಿಯಲ್ಲಿ ಕೃಷಿ ಮಾಡ್ತಾ ನೆಮ್ಮದಿಯ ಬದುಕು ಬದುಕ್ತಿದ್ದಾರೆ.

ನಟ ಯಶ್ ಓದಿಗಿಂತ ನಟನೆ ಬಗ್ಗೆಯೇ ಹೆಚ್ಚು ಆಸಕ್ತಿ ಹೊಂದಿದ್ದರು. 10ನೇ ಕ್ಲಾಸ್​ನಲ್ಲೇ ಶಾಲೆ ಬಿಡೋ ನಿರ್ಧಾರ ಮಾಡಿದ್ದ ಯಶ್ ಅವರನ್ನು ಪೋಷಕರು ಕಾಲೇಜು ಮೆಟ್ಟಿಲು ಹತ್ತಿಸಿದ್ರು. ಬಳಿಕ ಯಶ್ ನಟನೆಯತ್ತ ಮನಸ್ಸು ಮಾಡಿದ್ರು.

ಸಂದರ್ಶನದಲ್ಲಿ ಮಾತಾಡಿದ್ದ ಯಶ್, 'ನನಗೆ ಯಾವಾಗಲೂ ನಟನಾಗಬೇಕೆಂಬ ಕನಸಿತ್ತು. ನನಗೆ ಬಾಲ್ಯದಿಂದಲೂ ಸೂಪರ್ ಸ್ಟಾರ್ ಆಗಬೇಕೆಂಬ ಆಸೆ ಇತ್ತು. ಶಾಲಾ ದಿನಗಳಲ್ಲಿ ನೃತ್ಯ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಿದ್ದೆ ಮತ್ತು ನಟಿಸುತ್ತಿದ್ದೆ. ಆದರೆ, ಆಗ ನನಗೆ ಸ್ಟಾರ್​ ಡಮ್ ಏನೆಂದು ತಿಳಿದಿರಲಿಲ್ಲ. ನಾನು ನನ್ನ ಕನಸಿನ ಹಿಂದೆ ಓಡುತ್ತಿದ್ದೆ. ಅಷ್ಟೇ ಅಲ್ಲದೇ ನನ್ನ ಕನಸು ಹಾಗೂ ನನ್ನ ಮೇಲೆ ನನಗೆ ಸಂಪೂರ್ಣ ನಂಬಿಕೆ ಇತ್ತು.

ನಾನು ನಟನಾಗುವುದು ನನ್ನ ಪೋಷಕರಿಗೆ ಇಷ್ಟವಿರಲಿಲ್ಲ ಎಂದು ಯಶ್ ಹೇಳಿದ್ದಾರೆ. ನನ್ನ ತಂದೆ-ತಾಯಿಗೆ ನಾನು ಚೆನ್ನಾಗಿ ಓದ್ಬೇಕು ಎನ್ನುವ ಕನಸಿತ್ತು. ಆದರೆ ನಾನು ನಟನೆ ಬಗ್ಗೆ ಆಸಕ್ತಿ ತೋರಿಸಿದೆ. ಪ್ರಿ-ಯೂನಿವರ್ಸಿಟಿ ಅಧ್ಯಯನ ಮಾಡಿದ ನಂತರ, ನಾನು ಹೀರೋ ಆಗ್ಬೇಕು ಎಂದು ಹೊರಟೆ ಇದಕ್ಕೆ ಮೊದಲು ನನ್ನ ತಂದೆ-ತಾಯಿಯ ವಿರೋಧ ಕೂಡ ಇತ್ತು.

300 ರೂಪಾಯಿ ಜೇಬಿನಲ್ಲಿ ಇಟ್ಟುಕೊಂಡು ಸೂಪರ್ ಸ್ಟಾರ್ ಆಗುವ ಆಸೆಯಿಂದ ಬೆಂಗಳೂರಿಗೆ ಬಂದಿದ್ದೆ ಎಂದು ಯಶ್ ಹೇಳಿದ್ದಾರೆ. ಇದೆಲ್ಲಾ ತುಂಬಾ ಕಷ್ಟ ಅನ್ನೋದು ನನಗೆ ಆಗ ಅರ್ಥವಾಯಿತು. ನಾನು ರಂಗಭೂಮಿಗೆ ಸೇರಿಕೊಂಡ ಬಗ್ಗೆ ನನಗೆ ಸಂತೋಷವಿದೆ. ಅದು ನನಗೆ ನಟನೆ ಬಗ್ಗೆ ಅನೇಕ ವಿಚಾರ ಕಲಿಸಿಕೊಟ್ಟಿದೆ. ನಾನು ವಾಪಸ್ ಮನೆಗೆ ಹೋದ್ರೆ ನನ್ನ ಮನೆಯವರು ನನ್ನನ್ನು ಇಲ್ಲಿಗೆ ಕಳುಹಿಸಲ್ಲ ಅನ್ನೋದು ಗೊತ್ತಿತ್ತು.

ನಂತರ ಬೆನಕ ನಾಟಕ ತಂಡಕ್ಕೆ ಸೇರಿ 50 ರೂಪಾಯಿ ಸಂಬಳಕ್ಕೆ ತೆರೆಮರೆಯಲ್ಲಿ ಕೆಲಸ ಮಾಡ್ತಿದೆ ಎಂದು ಯಶ್ ಹೇಳಿದ್ದಾರೆ. ಈ ಸಮಯದಲ್ಲಿ, ನಾನು ಟೀ ಕೊಡುವುದು ಸೇರಿದಂತೆ ಅನೇಕ ಪ್ರೊಡಕ್ಷನ್ ಕೆಲಸವನ್ನು ಕೂಡ ಮಾಡಿದ್ದೇನೆ. ಜೊತೆಗೆ ಅಲ್ಲಿ ಬಹಳಷ್ಟು ಕಲಿತಿದ್ದೇನೆ ಎಂದ್ರು. 2004 ರಲ್ಲಿ ಅವರು ನಾಟಕದಲ್ಲಿ ಬಲರಾಮನ ಪಾತ್ರವನ್ನು ನಿರ್ವಹಿಸಿದ್ರು, ಇದು ಯಶ್ ನಟನೆ ಗುರುತಿಸಿತು.

ಇನ್ನು ಯಶ್ ನನಗೆ ಟಿವಿಯಲ್ಲಿ ಕೆಲಸ ಮಾಡುವ ಆಸೆ ಇರಲಿಲ್ಲ. ನಾನು ತಕ್ಷಣ ಹೀರೋ ಆಗುತ್ತೇನೆ ಎಂದು ಭಾವಿಸಿದ್ದೆ. ಆದರೆ ಜೀವನವು ಪ್ರತಿ ಕ್ಷಣವೂ ಹೊಸ ಪಾಠಗಳನ್ನು ಕಲಿಸುತ್ತಿತ್ತು. ನಂತರ ನನ್ನ ಮನೆಯವರೂ ಕೂಡ ಬೆಂಗಳೂರಿಗೆ ಬಂದರು. ನಾನು ಮನೆಗೂ ಹಣ ಕೊಡ್ಬೇಕಿತ್ತು. ರಂಗಭೂಮಿ ಹೆಚ್ಚು ಹಣ ಸಂಪಾದಿಸಲು ಆಗದೆ. ನಾನು ಟಿವಿಯಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದೆ. ನನ್ನ ಸಂಪಾದನೆಯ 1 ಭಾಗವನ್ನು ಕುಟುಂಬಕ್ಕೆ ನೀಡುತ್ತಿದ್ದೆ. ನನ್ನ ಬಟ್ಟೆ ಮತ್ತು ಇತರ ವಸ್ತುಗಳನ್ನು ಖರೀದಿಸಲು ಬಳಸುತ್ತಿದ್ದೆ. ಈ ಮಧ್ಯೆ, ಸಿನಿಮಾ ಆಫರ್ಗಳು ಬರಲಾರಂಭಿಸಿದವು. ಇಲ್ಲಿಂದ ನನ್ನ ಪ್ರಯಾಣ ಪ್ರಾರಂಭವಾಯಿತು

300 ರೂಪಾಯಿ ಇಡಿದು ಮನೆಬಿಟ್ಟ ಯಶ್ ಇದೀಗ ಕೋಟಿ ಕೋಟಿ ಹಣ ಗಳಿಸುವ ಮಟ್ಟಕ್ಕೆ ಬೆಳೆದಿದ್ದಾರೆ. ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ಯಶ್ ಕೋಟಿಗಟ್ಟಲೆ ಆಸ್ತಿಯ ಒಡೆಯನಾಗಿದ್ದು, ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ.