Lata Mangeshkar: ಲತಾ ಮಂಗೇಶ್ಕರ್ ರಾಜಮನೆತನದ ಓರ್ವನನ್ನ ಮದುವೆಯಾಗಲು ಒಪ್ಪಿದ್ದರಂತೆ: ಯಾಕೆ ಈ ವಿವಾಹ ನಡೆಯಲಿಲ್ಲ ಗೊತ್ತಾ?

ಭಾರತ ರತ್ನ, ದಾದಾ ಸಾಹೇಬ್ ಪಾಲ್ಕೆ ಪ್ರಶಸ್ತಿ ಪಡೆದಿರುವ ಲತಾ ಅವರ ಜೀವನದಲ್ಲಿ ಏಕಾಂಗಿಯಾಗಿಯೇ ಇದ್ದರು. ಸಂಗೀತ ಸೇವೆಗೆ ತಮ್ಮನ್ನು ಮುಡುಪಾಗಿಟ್ಟುಕೊಂಡಿದ್ದ ಲತಾ ಅವರು ಮದುವೆ ಯಾಕೆ ಆಗಿಲ್ಲ ಅನ್ನೋದರ ಕುರಿತು ಹಲವರು ಹಲವು ವಿಧವಾಗಿ ಹೇಳುತ್ತಾರೆ. ಅಂತರ್ಜಾಲದಲ್ಲಿ ವಿವಿಧ ಲೇಖನಗಳನ್ನು ನೀವು ನೋಡಬಹುದಾಗಿದೆ.

13ನೇ ವಯಸ್ಸಿನಲ್ಲಿಯೇ ತಂದೆಯನ್ನು ಕಳೆದುಕೊಂಡಾಗ ಇಡೀ ಮನೆ ಜವಾಬ್ದಾರಿ ಲತಾ ಅವರ ಹೆಗಲ ಮೇಲಿತ್ತು. ಇವರ ಸೋದರ, ಸೋದರಿಯರು ಮದುವೆಯಾಗಿದ್ದಾರೆ. ಕುಟುಂಬದ ಜವಾಬ್ದಾರಿ ಹೊತ್ತಿದ್ದ ಲತಾ ಅವರಿಗೆ ತಮ್ಮ ಬಗ್ಗೆ ಯೋಚನೆ ಮಾಡಲಿಲ್ಲ ಎಂದು ಹಲವು ವರದಿಗಳು ಪ್ರಕಟವಾಗಿವೆ.

ಕುಟುಂಬದ ನಿರ್ವಹಣೆ ಮತ್ತು ಸಂಗೀತ ಸೇವೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದ ಲತಾ ಮಂಗೇಶ್ಕರ್, ವೈಯಕ್ತಿಯ ಜೀವನ, ಮದುವೆ, ಮಕ್ಕಳ ಬಗ್ಗೆ ಹೆಚ್ಚು ಆಸಕ್ತಿ ಹೊಂದಿರಲಿಲ್ಲ ಎಂದು ಹೇಳಲಾಗುತ್ತದೆ.  ಹಲವು ವರ್ಷಗಳವರೆಗೆ ಸೋದರ, ಸೋದರಿ ಮಕ್ಕಳ ಲಾಲನೆ ಪಾಲನೆಯಲ್ಲಿ ಲತಾ  ಮಂಗೇಶ್ಕರ್ ಬ್ಯುಸಿಯಾಗಿದ್ದರು.

ಇನ್ನೂ Patrika.com ಲತಾ ಅವರ ಮದುವೆ ಕುರಿತು ಲೇಖನವೊಂದು ಪ್ರಕಟಿಸಿತ್ತು. ಭಾರತದಲ್ಲಿ ಕ್ರಿಕೆಟ್ ಮಾಜಿ ಅಧ್ಯಕ್ಷರಾಗಿ (ಬಿಸಿಸಿಐ), ರಾಜ್ ಸಿಂಗ್ ದುಂಗಾರ್ಪುರ ಅವರು ಲತಾ ಅವರನ್ನ ಮದುವೆಯಾಗಲು ಮುಂದಾಗಿದ್ದಾರಂತೆ. ಆದ್ರೆ ಇಬ್ಬರು ಒಮ್ಮೆಯೂ ಸಾರ್ವಜನಿಕವಾಗಿ ಕಾಣಿಸಿಕೊಂಡಿರಲಿಲ್ಲ.

ರಾಜ್ ಸಿಂಗ್ ರಾಜಸ್ಥಾನದ ರಾಜಮನೆತನದ ಹಿನ್ನೆಲೆ ಹೊಂದಿದ್ದರು. ಇವರ ತಂದೆ ಮಹೋರಾವಾಲ್ ಲಕ್ಷ್ಮಣ್ ಸಿಂಗಾಜಿಯವರ ಪುತ್ರನಿಗೆ ರಾಜಮನೆತನ ಯುವತಿ ಜೊತೆ ಮದುವೆ ಮಾಡಲು ಮುಂದಾಗಿದ್ದರು. ಆದ್ರೆ ಮಧ್ಯಮ ವರ್ಗದ ಲತಾ ಅವರನ್ನು ಸೊಸೆಯಾಗಿ ಮಾಡಿಕೊಳ್ಳಲು ಇಷ್ಟವಿರಲಿಲ್ಲ.

ರಾಜಾ ಸಿಂಗ್, ಲತಾ ಸೋದರ ಹರಿಂಜನಾಥ್ ಅವರ ಗೆಳೆಯರಾಗಿದ್ದರು. ಲತಾ ಅವರನ್ನು ಮಿಥೂ ಸಹ ಎಂದು ಕರೆಯುತ್ತಿದ್ದರು. ಆದ್ರೆ ಮದುವೆಗೆ ತಂದೆ ಮಹೋರಾವಾಲ್ ಲಕ್ಷ್ಮಣ್ ಸಿಂಗಾಜಿ ಒಪ್ಪಿಗೆ ನೀಡಿರಲಿಲ್ಲ.

ತಂದೆ ಮೇಲಿನ ಗೌರವದಿಂದ ರಾಜಾ ಸಿಂಗ್ ರಾಜಮನೆತನದ ಯುವತಿಯನ್ನು ವರಿಸಿದ್ದರು ಎಂದು ಪತ್ರಿಕಾ ಲೇಖನದಲ್ಲಿ ಹೇಳಲಾಗಿದೆ. ಆದ್ರೆ ಲತಾ ಮಂಗೇಶ್ಕರ್ ಅವಿವಾಹಿತರಾಗಿ ಉಳಿದರು ಎಂದು ಲೇಖನದಲ್ಲಿ ಹೇಳಲಾಗಿದೆ.

ಒಮ್ಮೆ ಸಂದರ್ಶನದಲ್ಲಿ ಲತಾ ಅವರ ವೈಯಕ್ತಿಯ ಜೀವನದ ಕುರಿತು ಕೇಳಲಾಗಿತ್ತು. ಆ ಪತ್ರಕತ್ರ ಕೇಳಿದ ಪ್ರಶ್ನೆ ನೀವು ಯಾಕೆ ಇನ್ನೂ ಮದುವೆ ಆಗಿಲ್ಲ? ಎಂದಾಗಿತ್ತು. ಅತ್ಯಂತ ಶಾಂತಿಯಿಂದಾಗಿ ಲತಾ ಅವರು ಉತ್ತರಿಸಿದ್ರು. ಅಪ್ಪನನ್ನು ಕಳೆದುಕೊಂಡಾಗ ನನಗೆ 13 ವರ್ಷ. ಅಮ್ಮ, ಚಿಕ್ಕಮ್ಮ, ಐವರು ಒಡಹುಟ್ಟಿದವರು. ಇವರೆಲ್ಲರ ಜವಾಬ್ದಾರಿಯನ್ನ ನಿಭಾಯಿಸುವ ವೇಳೆಗೆ ನನ್ನ ಮದುವೆ ವಯಸ್ಸು ಮುಗಿದಿತ್ತು ಎಂದು ಹೇಳಿದ್ದಾರೆ.