Kiara Advani-Haunted Palace: ಕಿಯಾರ ಮದುವೆ ನಡೆದ ಅರಮನೆ ಪಕ್ಕವೇ ಇತ್ತು ದೆವ್ವದ ಗ್ರಾಮ

ಬಾಲಿವುಡ್ ನಟ ಸಿದ್ಧಾರ್ಥ್​ ಮಲ್ಹೋತ್ರಾ ಹಾಗೂ ನಟಿ ಕಿಯಾರಾ ಅಡ್ವಾಣಿ ಮದುವೆ ನಡೆದಿದೆ. ಜೈಸ್ಲಸ್ಮೇರ್ ಸೂರ್ಯಗಢ ಅರಮನೆಯಲ್ಲಿ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ರಾಜಸ್ಥಾನದ ಥಾರ್ ಮರುಭೂಮಿಯ ಹೃದಯಭಾಗದಲ್ಲಿರುವ ಸೂರ್ಯಗಢ ಅರಮನೆ ಪ್ರಾಚೀನ ಭಾರತದ ವೈಭವದ ಸಂಕೇತವಾಗಿ ಉಳಿದಿದೆ.

ಮರುಭೂಮಿಯ ಸುಂದರವಾದ ವ್ಯೂ ಒದಗಿಸುವಂತಹ ಸ್ಥಳದಲ್ಲಿ ಸೂರ್ಯಗಢ ಅರಮನೆ ಇದೆ. ಇದು ಮಾತ್ರವಲ್ಲ ಇದರ ಸುತ್ತಲೂ ಅನೇಕ ಸ್ಥಳಗಳಿವೆ. ಅದರಲ್ಲಿ ಪ್ರಮುಖವಾದದ್ದು ಕುಲಧಾರಾ.

ಜೈಸಲ್ಮೇರ್​ನಿಂದ 17 ಕಿಲೋ ಮೀಟರ್ ಪಶ್ಚಿಮದಲ್ಲಿ ದೆವ್ವದ ಗ್ರಾಮ ಕುಲಧಾರಾ ಇದೆ. ಈ ಗ್ರಾಮ ಅತ್ಯಂತ ಶ್ರೀಮಂತ ಗ್ರಾಮ. ಇದರಲ್ಲಿ ಪಲಿವಾಲ್ ಬ್ರಾಹ್ಮಣರು ವಾಸಿಸುತ್ತಿದ್ದರು.

ಆದರೆ ಆ ಗ್ರಾಮದ ಪ್ರಧಾನಿಯಾಗಿದ್ದ ಸಲೀಂ ಸಿಂಗ್ ಎಂಬವರು ಊರಿನ ಪ್ರಮುಖನ ಮಗಳನ್ನು ಬಲವಂತವಾಗಿ ಮದುವೆಯಾಗಲು ಬಯಸಿದಾಗ ಈ ಎಲ್ಲ ಸ್ಥಿತಿಗತಿ ಬದಲಾಯಿತು.

ಈ ರೀತಿ ಸಮಸ್ಯೆ ಎದುರಾದಾಗ ಗ್ರಾಮಸ್ಥರೆಲ್ಲ ಒಟ್ಟು ಸೇರಿ ಸಭೆ ಮಾಡುತ್ತಾರೆ. ಆ ಗ್ರಾಮವನ್ನೇ ತೊರೆದು ತಮ್ಮ ಮೂಲ ಊರುಗಳಿಗೆ ಹೋಗಲು ತೀರ್ಮಾನಿಸುತ್ತಾರೆ. ಹಾಗೆ ಹೋಗುವಾದ ಈ ಮಣ್ಣಿನಲ್ಲಿ ಯಾರೂ ನೆಲೆಯಾಗದಿರಲಿ ಎಂದು ಕುಲಧಾರಾವನ್ನು ಶಪಿಸಿ ಹೋಗುತ್ತಾರೆ.

ಅಂದಿನಿಂದ 300 ವರ್ಷಗಳಾದರೂ ಆ ಪ್ರದೇಶದಲ್ಲಿ ಯಾರೂ ವಾಸಿಸುತ್ತಿಲ್ಲ. ಕೆಲವರು ಅಲ್ಲಿ ಬಂದು ತಂಗಲು ಪ್ರಯತ್ನಿಸಿದರೂ ಅಲ್ಲಿ ನಡೆದ ಅಮಾನುಷ ವಿದ್ಯಾಮಾನಗಳಿಂದಾಗಿ ಅಲ್ಲಿಂದ ಬಲವಂತವಾಗಿ ಹೊರ ಬರಬೇಕಾಯಿತು.

ಅಂತೂ ಕಿಯಾರಾ ಹಾಗೂ ಸಿಡ್ ಮದುವೆ ಮೂಲಕ ಕುಲಧಾರಾ ಮತ್ತೊಮ್ಮೆ ದೊಡ್ಡಮಟ್ಟದಲ್ಲಿ ಸುದ್ದಿಯಾಯಿತು.