Karan Johar-Brahmastra: ಬ್ರಹ್ಮಾಸ್ತ್ರದಲ್ಲಿ ವಿಪರೀತ ನಷ್ಟ! ಆತ್ಮಹತ್ಯೆಗೆ ಯತ್ನಿಸಿದ್ರಾ ಕರಣ್ ಜೋಹರ್?

ಬಾಲಿವುಡ್ ನಟ ನಿರ್ಮಾಪಕ ಮತ್ತು ಪತ್ರಕರ್ತ ಎಂದು ಹೇಳಿಕೊಳ್ಳುವ ಕಮಲ್ ಆರ್ ಖಾನ್ ಯಾವಾಗಲೂ ವಿವಾದಗಳ ಕೇಂದ್ರಬಿಂದುವಾಗಿರುತ್ತಾರೆ. ಈಗ ಅವರು ಬಾಲಿವುಡ್ ನ ದೊಡ್ಡ ನಿರ್ಮಾಪಕ ಕರಣ್ ಜೋಹರ್ ಅವರ ಮೇಲೆ ಮಾಡಿರುವ ಇತ್ತೀಚಿನ ಕಾಮೆಂಟ್ ಗಳು ಚರ್ಚೆಗೆ ಕಾರಣವಾಗಿದೆ.

ಕಮಲ್ ಆರ್ ಖಾನ್ ಅವರು ಕರಣ್ ಜೋಹರ್ ಅವರ ಆತ್ಮಹತ್ಯೆ ಯತ್ನದ ಬಗ್ಗೆ ಮಾತನಾಡಿದ್ದಾರೆ. ಕರಣ್ ಜೋಹರ್ ಆತ್ಮಹತ್ಯೆ ಯತ್ನಕ್ಕೆ ಬ್ರಹ್ಮಾಸ್ತ್ರವೇ ಕಾರಣ ಎಂಬಂತೆ ಮಾತನಾಡಿದ್ದು ಈ ವಿಷಯ ಇದ್ದಕ್ಕಿದ್ದಂತೆ ಜನರ ನಡುವೆ ಚರ್ಚೆಯ ವಿಷಯವಾಗಿದೆ.

ಟ್ವಿಟರ್‌ನಲ್ಲಿ ಕರಣ್ ಕುರಿತು ಕಮಲ್ ಮಾಡಿದ ಕಾಮೆಂಟ್‌ಗಳು ಬಿ-ಟೌನ್ ವಲಯಗಳಲ್ಲಿ ಹಾಟ್ ಟಾಪಿಕ್ ಆಯಿತು. 'ಬ್ರಹ್ಮಾಸ್ತ್ರ' ಚಿತ್ರ ಭಾರೀ ನಷ್ಟ ಅನುಭವಿಸಿದೆ ಎಂದು ಕಮಲ್ ಟ್ವೀಟ್ ಮಾಡಿದ್ದಾರೆ.

ಮೇಲಾಗಿ ಕರಣ್ ಜೋಹರ್ ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ತಿಳಿದ ನಂತರ ಖ್ಯಾತ ಉದ್ಯಮಿ 300 ಕೋಟಿ ರೂಪಾಯಿ ಸಾಲ ನೀಡಿದ್ದಾರೆ ಎಂದು ಕಮಲ್ ಹೇಳಿರುವುದು ಗಮನಾರ್ಹ.

ಕರಣ್ ಜೋಹರ್ ದಿವಾಳಿತನವನ್ನು ಘೋಷಿಸುವಂತೆ ಕೇಳಿಕೊಂಡ ಕಮಲ್ ಆಘಾತಕಾರಿ ಕಾಮೆಂಟ್ಗಳನ್ನು ಮಾಡಿದರು. ಸಿನಿ ವಿಮರ್ಶಕ ಉಮೈರ್ ಸಂದು ಕೂಡ ಇದೇ ಮಾತು ಹೇಳಿದ್ದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ.

ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ನಾಯಕ-ನಾಯಕಿಯರಾಗಿ ಬ್ರಹ್ಮಾಸ್ತ್ರ ಸಿನಿಮಾವನ್ನು ಕರಣ್ ಅದ್ಧೂರಿ ರೇಂಜ್ ನಲ್ಲಿ ನಿರ್ಮಿಸಿ ಪ್ರೇಕ್ಷಕರ ಮುಂದೆ ತಂದಿದ್ದರು. ಸ್ಟಾರ್ ಸ್ಟುಡಿಯೋಸ್, ಧರ್ಮ ಪ್ರೊಡಕ್ಷನ್ಸ್, ಪ್ರೈಮ್ ಫೋಕಸ್ ಮತ್ತು ಸ್ಟಾರ್ ಲೈಟ್ ಪಿಕ್ಚರ್ಸ್ ಜಂಟಿಯಾಗಿ ಈ ಚಿತ್ರವನ್ನು ಭಾರಿ ಬಜೆಟ್‌ನಲ್ಲಿ ನಿರ್ಮಿಸಿವೆ.