Prabhas: ಪ್ರಭಾಸ್ ಜೊತೆ ಮದುವೆಗೆ ರೆಡಿ ಎಂದ ಕೃತಿ!

ಟಾಲಿವುಡ್‌ನ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್ ಪ್ರಭಾಸ್ ಅವರ ಮದುವೆ ವಿಷಯ ಸದಾ ಸುದ್ದಿಯಲ್ಲಿರುತ್ತದೆ. ವಯಸ್ಸು 40 ದಾಟಿದ್ದರೂ ಪ್ರಭಾಸ್ ಇನ್ನೂ ಅವಿವಾಹಿತರಾಗಿರುವುದರಿಂದ ಸಾಮಾನ್ಯ ಜನರ ಜೊತೆಗೆ ಸ್ಟಾರ್ ಹೀರೋಯಿನ್ ಗಳ ಕಣ್ಣು ಅವರ ಮೇಲಿದೆ.

ಈಗಾಗಲೇ ಹಲವು ನಾಯಕಿಯರು ಪ್ರಭಾಸ್ ಬಗ್ಗೆ ಒಲವು ತೋರುವ ಬಗ್ಗೆ ಮುಕ್ತವಾಗಿ ಹೇಳಿದ್ದಾರೆ, ಇತ್ತೀಚೆಗೆ ಬಾಲಿವುಡ್ ನಟಿ ಕೃತಿ ಸನೋನ್ ಈ ಮೋಸ್ಟ್ ಎಲಿಜಬಲ್ ಬ್ಯಾಚುಲರ್ ಪ್ರಭಾಸ್ ಅವರನ್ನು ಮದುವೆಯಾಗಲು ಬಯಸುವುದಾಗಿ ನೇರವಾಗಿ ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾರೆ.

ಪ್ರಭಾಸ್ ಜೊತೆ ಆದಿಪುರುಷ ಸಿನಿಮಾ ಮಾಡುತ್ತಿರುವ ಕೃತಿ ಸನೋನ್ ಸದ್ಯ ಭೇದಿ ಸಿನಿಮಾದಲ್ಲಿ ಹಿಟ್ ಆಗಿದ್ದಾರೆ. ಈ ಸಿನಿಮಾದ ಪ್ರಚಾರದಲ್ಲಿ ಪ್ರಭಾಸ್ ಹೆಸರು ಮತ್ತೆ ಮತ್ತೆ ಕೇಳಿ ಬರುತ್ತಿರುವುದು ಗಮನಾರ್ಹ. ಮಾಧ್ಯಮವೊಂದರ ಸಂದರ್ಶನದ ಭಾಗವಾಗಿ ಕೃತಿ ಪ್ರಭಾಸ್ ಜೊತೆಗಿನ ಮದುವೆ ವಿಷಯವನ್ನು ಹೊರತಂದಿದ್ದಾರೆ.

ಟೈಗರ್ ಶ್ರಾಫ್, ಪ್ರಭಾಸ್ ಮತ್ತು ಕಾರ್ತಿಕ್ ಆರ್ಯನ್ ಹೆಸರನ್ನು ಆಯ್ಕೆಯಾಗಿ ನೀಡಿದರೆ, ನೀವು ಈ ಮೂವರಲ್ಲಿ ಯಾರೊಂದಿಗಾದರೂ ಫ್ಲರ್ಟ್ ಮಾಡುತ್ತೀರಾ? ನೀವು ಯಾರನ್ನು ಮದುವೆಯಾಗುತ್ತೀರಿ? ಯಾರೊಂದಿಗೆ ಡೇಟ್ ಮಾಡುತ್ತೀರಿ? ಎಂಬ ಪ್ರಶ್ನೆಗೆ ಕೃತಿ ಉತ್ತರಿಸಿದರು. ಟೈಗರ್ ಡೇಟ್ ಮಾಡಿದರೆ ಕಾರ್ತಿಕ್ ಜೊತೆ ಫ್ಲರ್ಟ್ ಮಾಡುತ್ತೇನೆ. ಆದರೆ ಮದುವೆ ಪ್ರಭಾಸ್ ಜೊತೆ ಎಂದು ಕೃತಿ ಸನೋನ್ ಹೇಳಿದ್ದಾರೆ.

ಕೃತಿಸನೋನ್ ಅವರು ಪ್ರಭಾಸ್ ಜೊತೆ ಆದಿಪುರುಷ ಸಿನಿಮಾ ಮಾಡುತ್ತಿದ್ದಾರೆ. ಕಳೆದ ಕೆಲವು ತಿಂಗಳುಗಳಿಂದ ನಡೆಯುತ್ತಿರುವ ಈ ಸಿನಿಮಾದ ಶೂಟಿಂಗ್ ಹಾಗೂ ಇತರೆ ಕೆಲಸಗಳಿಂದ ಪ್ರಭಾಸ್ ಜೊತೆ ಕೃತಿ ಫುಲ್ ಕ್ಲೋಸ್ ಆಗಿದ್ದಾರೆ.

ಇವರಿಬ್ಬರೂ ಪರಸ್ಪರ ಸಹಕರಿಸಿಕೊಂಡು ಆದಿಪುರುಷ ಚಿತ್ರವನ್ನು ಮುಗಿಸುವ ಖುಷಿಯಲ್ಲಿದ್ದಾರೆ. ಹೀಗಿರುವಾಗ ಕೃತಿ ಪ್ರಭಾಸ್ ಜೊತೆಗಿನ ಮದುವೆಯ ಬಗ್ಗೆ ಮನಬಿಚ್ಚಿ ಮಾತನಾಡಿರುವುದು ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಪ್ರಭಾಸ್ ರಾಮನಾಗಿ ಹಾಗೂ ಕೃತಿ ಸನನ್ ಸೀತೆಯಾಗಿ ನಟಿಸಿರುವ ಆದಿಪುರುಷ ಚಿತ್ರದ ಟೀಸರ್ ಇತ್ತೀಚೆಗಷ್ಟೇ ಬಿಡುಗಡೆಯಾಗಿದೆ. ಅಯೋಧ್ಯೆಯ ಸರಯೂ ನದಿಯ ದಡದಲ್ಲಿ ಅದ್ಧೂರಿಯಾಗಿ ಲಾಂಚ್ ಆಗಿರುವ ಈ ಟೀಸರ್ ಯೂಟ್ಯೂಬ್ ನಲ್ಲಿ ದಾಖಲೆ ಸೃಷ್ಟಿಸಿದೆ.