Kriti Kharbanda: ನಟನೊಂದಿಗೆ ಲವ್ವಲ್ಲಿ ಬಿದ್ಳು 'ಗೂಗ್ಲಿ' ಬೆಡಗಿ ಕೃತಿ ಕರ್ಬಂದ..!

2013ರಲ್ಲಿ ತೆರೆ ಕಂಡಿದ್ದ ಗೂಗ್ಲಿ ಚಿತ್ರದ ಮೂಲಕ ಸ್ಯಾಂಡಲ್​ವುಡ್ ಸಿನಿ ಪ್ರಿಯರ ಹಾರ್ಟ್​ಗೆ ಲಗ್ಗೆಯಿಟ್ಟ ಕೃತಿ ಕರ್ಬಂದ ಈಗ ಎಲ್ಲಿದ್ದಾರೆ ಎಂದು ಕೇಳಿದರೆ ಸಿಗುವ ಉತ್ತರ ಬಾಲಿವುಡ್.

ಕನ್ನಡದ ಚೊಚ್ಚಲ ಚಿತ್ರದಲ್ಲೇ ಚೆಲ್ಲು ಚೆಲ್ಲಾಗಿ ಕಾಣಿಸಿಕೊಂಡಿದ್ದ ನಟಿಯ ಮೋಡಿಗೆ ಅಭಿಮಾನಿಗಳು ಫಿದಾ ಆಗಿದ್ದರು. ಆ ಬಳಿಕ ತಿರುಪತಿ ಎಕ್ಸ್​ಪ್ರೆಸ್, ಸೂಪರ್ ರಂಗ, ಬೆಳ್ಳಿ, ಮಾಸ್ತಿಗುಡಿ ಸಿನಿಮಾಗಳಲ್ಲೂ ಕೃತಿ ಕಾಣಿಸಿಕೊಂಡಿದ್ದರು.

ಇನ್ನು 2018 ರಲ್ಲಿ ಬಿಡುಗಡೆಯಾಗಿದ್ದ ದಳಪತಿ ಚಿತ್ರದಲ್ಲಿ ನೆನಪಿರಲಿ ಪ್ರೇಮ್ ಜೊತೆ ಅಭಿನಯಿಸಿದ ಬಳಿಕ ಬಿಟೌನ್​ನತ್ತ ಗೂಗ್ಲಿ ಬೆಡಗಿ ಮುಖ ಮಾಡಿದ್ದರು.

ಇದೀಗ ಬಾಲಿವುಡ್​ನಲ್ಲಿ ಬ್ಯಾಕ್ ಟು ಬ್ಯಾಕ್ ಅವಕಾಶಗಳನ್ನು ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ಅಕ್ಷಯ್ ಕುಮಾರ್ ಜೊತೆಗಿನ ಹೌಸ್​ಫುಲ್ 4ನಲ್ಲಿ ಮಿಂಚಿದ್ದ ಚೆಂದುಳ್ಳಿ ಚೆಲುವೆ ಇದೀಗ ಲವ್ ಮ್ಯಾಟರ್​ನಿಂದ ಬಿಟೌನ್​ನಲ್ಲಿ ಸುದ್ದಿಯಾಗಿದ್ದಾರೆ.

ಈ ಹಿಂದೆ ಅನೇಕ ಬಾರಿ ನಟಿ ಕೃತಿ ಕರ್ಬಂಧ ಹೆಸರು ಕೆಲ ತಾರೆಗಳೊಂದಿಗೆ ತಳುಕು ಹಾಕಿಕೊಂಡಿದ್ದರು, ಅದೆಲ್ಲವೂ ಬಳಿಕ ಗಾಸಿಪ್ ಪಟ್ಟಿಗೆ ಸೇರ್ಪಡೆಯಾಗಿದ್ದವು. ಆದರೆ ಈ ಬಾರಿ ಮಾಧ್ಯಮದ ಮುಂದೆ ಕೃತಿಯ ಪ್ರೇಮದ ವಿಚಾರ ಬಹಿರಂಗವಾಗಿದೆ.

ಅನೀಸ್ ಬಜ್ಮಿ ನಿರ್ದೇಶನದ ಪಾಗಲ್ ಪಂತಿ ಚಿತ್ರವು ಕಳೆದ ವಾರ ರಿಲೀಸ್ ಆಗಿತ್ತು. ಈ ಚಿತ್ರದಲ್ಲಿ ಪುಲ್ಕಿತ್ ಸಾಮ್ರಾಟ್ ಹಾಗೂ ಕೃತಿ ಕರ್ಬಂದ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದರು.

ಈ ಚಿತ್ರದ ಮಾಧ್ಯಮ ಸಂವಾದದಲ್ಲಿ ಮಾತನಾಡಿದ ನಿರ್ದೇಶಕ, ಇಬ್ಬರು ರಿಯಲ್ ಲೈಫ್ ಲವರ್ಸ್​ಗಳಾಗಿರುವುದರಿಂದ ಚಿತ್ರದಲ್ಲೂ ಆ ಕೆಮಿಸ್ಟ್ರಿ ವರ್ಕ್​ ಆಗಿದೆ ಎಂದಿದ್ದರು. ಅಲ್ಲಿಗೆ ಗೌಪ್ಯವಾಗಿಯೇ ಇದ್ದ ಕೃತಿ ಲವ್​ ಸ್ಟೋರಿ ಬಹಿರಂಗವಾಗಿದೆ.

ಇದರಿಂದಾಗಿ ಕೃತಿ ಹಾಗೂ ಪುಲ್ಕಿತ್ ನಡುವೆ ಪ್ರೇಮಾಂಕುರವಾಗಿದೆ ಎಂಬುದಕ್ಕೆ ಪುಷ್ಠಿ ಲಭಿಸಿತ್ತು. ಅದರಂತೆ ಈ ಬಗ್ಗೆ ಗೂಗ್ಲಿ ಬೆಡಗಿಯನ್ನು ವಿಚಾರಿಸಿದಾಗ ಹೌದು, ನಾವಿಬ್ಬರು ಕಳೆದ ಐದು ತಿಂಗಳಿಂದ ಪ್ರೀತಿಸುತ್ತಿದ್ದೇವೆ.

ನಮ್ಮ ಸಂಬಂಧದ ಬಗ್ಗೆ ಯಾವುದೇ ವಿಷಯವನ್ನು ಮರೆಮಾಚುತ್ತಿಲ್ಲ. ಆದರೆ ಇದು ವೈಯುಕ್ತಿಕ ವಿಷಯವಾಗಿರುವುದರಿಂದ ಗೌಪ್ಯತೆ ಕಾಪಾಡಿದ್ದೇನೆ. ವೈಯುಕ್ತಿಕ ವಿಷಯಗಳನ್ನು ಕುಟುಂಬದೊಳಗೆ ಸಿಮೀತಗೊಳಿಸಬೇಕು ಎಂದು ನಾನು ಭಾವಿಸುತ್ತೇನೆ ಎಂದಿದ್ದಾರೆ.

ಅಲ್ಲಿಗೆ ಕಳೆದ ಕೆಲ ವರ್ಷಗಳಿಂದ ಅಭಿಮಾನಿಗಳ ಮನದಲ್ಲಿ ಮನೆ ಮಾಡಿದ್ದ ತಮ್ಮ ನೆಚ್ಚಿನ ನಟಿಯ ಪ್ರಿಯತಮ ಯಾರೆಂಬ ಪ್ರಶ್ನೆಗೆ ಉತ್ತರ ಸಿಕ್ಕಂತಾಗಿದೆ.

ಇನ್ನು ಪುಲ್ಕಿತ್ ಕೂಡ ಬಾಲಿವುಡ್ ಚಿತ್ರರಂಗದಲ್ಲಿ ತೊಡಗಿಸಿಕೊಂಡಿದ್ದು, ವೀರ್ ದೆ ವೆಡ್ಡಿಂಗ್, ಫುಕ್ರೆ ರಿಟರ್ನ್ಸ್​, ಸನಮ್ ರೇ ಸೇರಿದಂತೆ ಒಂದಷ್ಟು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ.

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ

ಕೃತಿ ಕರ್ಬಂದ