Adipurush: KRG ಸ್ಟುಡಿಯೋಗೆ ಸಿಕ್ತು ಆದಿಪುರುಷ್ ವಿತರಣೆ ಹಕ್ಕು

ಪ್ಯಾನ್ ಇಂಡಿಯಾ ಸಿನಿಮಾ ಆದಿಪುರುಷ್ ಜೂನ್ 16ರಂದು ಅದ್ಧೂರಿಯಾಗಿ ಬಿಡುಗಡೆಯಾಗಲಿದೆ. ಸಿನಿಮಾದ ಕುರಿತು ಈಗಾಗಲೇ ಬಹಳಷ್ಟು ಹೈಪ್ ಕ್ರಿಯೇಟ್ ಆಗಿದೆ. ರಾಜ್ಯದಲ್ಲಿ ಆದಿಪುರುಷ್ ವಿತರಣೆ ಹಕ್ಕನ್ನು ಕೆಅರ್​​ಜಿ ಸ್ಟೂಡಿಯೋ ಪಡೆದುಕೊಂಡಿದೆ.

ಆದಿಪುರುಷ ಪ್ರಭಾಸ್ ಅಭಿನಯದ ಬಹುನಿರೀಕ್ಷಿತ ಚಿತ್ರ ರಲೀಸ್​ಗೆ ರೆಡಿಯಾಗಿದೆ. ಸಿನಿಮಾದಲ್ಲಿ ಪ್ರಭಾಸ್, ಕೃತಿ ಸನೋನ್ ಅವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಲಂಕೇಶ ರಾವಣನಾಗಿ ಸೈಫ್ ಅಲಿ ಖಾನ್ ನಟಿಸಿದ್ದಾರೆ.

ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿರಾಜ್ ದುಬಾರಿ ಮೊತ್ತಕ್ಕೆ ಕರ್ನಾಟಕದಲ್ಲಿ ಆದಿಪುರುಷ ವಿತರಣೆ ಹಕ್ಕು ಖರೀದಿಸಿದ್ದಾರೆ. ಕರ್ನಾಟಕದಲ್ಲಿ ಕೆಅರ್ ಜಿ ಸ್ಟೂಡಿಯೋ ಕನ್ನಡ , ತೆಲುಗು ಸೇರಿದಂತೆ ಎಲ್ಲಾ ಭಾಷೆಯ ಹಕ್ಕು ಖರೀದಿಸಿದೆ.

ಆದಿಪುರುಷ ಕೆಅರ್​ಜಿ ಪಾಲಾದ ಕಾರಣ ಸಿನಿಮಾದ ಕುರಿತು ನಿರೀಕ್ಷೆ ಇನ್ನಷ್ಟು ಹೆಚ್ಚಾಗಿದೆ. ಈಗಾಗಲೇ ದೊಡ್ಡ ಚಿತ್ರಗಳನ್ನ ರಿಲೀಸ್ ಮಾಡಿ ದೊಡ್ಡ ಮಟ್ಟದಲ್ಲಿ ಗೆದ್ದಿರುವ ಕೆಆರ್​ಜಿ ಈಗ ಆದಿಪುರುಷ್ ಸಿನಿಮಾ ವಿತರಿಸಲಿದೆ.

ಇದೇ ಮೊದಲ ಬಾರಿಗೆ ಆದಿಪುರುಷ್ ಸಿನಿಮಾ ತಂಡ ಹೊಸ ಪ್ರಯೋಗಕ್ಕೆ ಮುಂದಾಗಿದೆ. ಅದೇನೆಂದರೆ ಆದಿಪುರುಷ್ ಸಿನಿಮಾ ರಿಲೀಸ್ ಆಗುವ ಪ್ರತಿ ಚಿತ್ರಮಂದಿರಲ್ಲಿ ಒಂದು ಖಾಲಿ ಸೀಟ್ ಇರಲಿದೆಯಂತೆ. ಪ್ರಿ ರಿಲೀಸ್ ಇವೆಂಟ್​ನಲ್ಲಿ ನಿರ್ದೇಶಕ ಓಂ ರಾವತ್ ಅವರು ಎಲ್ಲಾ ಥಿಯೇಟರ್ ಮಾಲೀಕರಲ್ಲಿ ಈ ಬೇಡಿಕೆ ಇಟ್ಟಿದ್ದಾರೆ.

ವಿದೇಶ ಸೇರಿದಂತೆ ಎಲ್ಲಾ ಚಿತ್ರಮಂದಿರಗಳಲ್ಲಿ ಒಂದು ಸೀಟ್​ನನ್ನು ಹನುಮಾನ್ ದೇವರಿಗಾಗಿ ಖಾಲಿ ಇಡಿ ಎಂದು ಆದಿಪುರುಷ್ ಸಿನಿಮಾದ ನಿರ್ದೇಶಕ ಓಂ ರಾವತ್ ಅವರು ಬೇಡಿಕೆ ಇಟ್ಟಿದ್ದಾರೆ. ಈ ನಿಟ್ಟಿನಲ್ಲಿ ಸಿನಿಮಾ ರಿಲೀಸ್ ದಿನ ಎಲ್ಲಾ ಥಿಯೇಟರ್​ನಲ್ಲಿ ಒಂದು ಸೀಟ್ ಖಾಲಿ ಇರಲಿದೆಯಂತೆ.

ಬಹು ಕೋಟಿ ವೆಚ್ಚದ ಆದಿಪುರುಷ್ ಸಿನಿಮಾಕ್ಕೆ ಸೆನ್ಸಾರ್ ಆಗಿದೆ. ಈ ಮೂಲಕ ಚಿತ್ರದ ಒಟ್ಟು ಅವಧಿ ಕೂಡ ರಿವೀಲ್ ಆಗಿದೆ. ಈಗಿನ ದಿನಗಳಲ್ಲಿ ಸುದೀರ್ಘ ಸಮಯದ ಸಿನಿಮಾಗಳು ಬರೋದೇ ಇಲ್ಲ. ಅಷ್ಟೊಂದು ಸಹನೆ ಜನಕ್ಕೂ ಇಲ್ಲ ಬಿಡಿ. ಆದರೆ ಆದಿಪುರುಷ್ 2 ಗಂಟೆ 59 ನಿಮಿಷದ ಚಿತ್ರವೇ ಆಗಿದೆ.

ಆದಿಪುರುಷ್ ಚಿತ್ರದ ಹಿಂದೆ ದೊಡ್ಡ ತಂಡವೇ ಇದೆ. ವರ್ಷಾನುಗಟ್ಟಲೆ ಈ ಚಿತ್ರಕ್ಕಾಗಿಯೇ ಕೆಲಸ ಮಾಡಿದೆ. ವಿಎಫ್‌ಎಕ್ಸ್ ಎಫೆಕ್ಟ್‌ ಅಂತೂ ಜೋರಾಗಿಯೇ ಇದೆ. ನೋಡುವ ಮನಸುಗಳೂ ಈ ಚಿತ್ರದಿಂದ ಹೊಸ ಅನುಭವ ಪಡೆದುಕೊಳ್ಳಬಹುದು.