Salman Khan: KKBKKJ ಸಲ್ಮಾನ್ ಸಿನಿಮಾ ವಿನ್ನರ್ ಎಂದ ಫ್ಯಾನ್ಸ್! ಹೇಗಿದೆ ಈದ್ ಸ್ಪೆಷಲ್ ಮೂವಿ?

ಸಲ್ಮಾನ್ ಖಾನ್ ಈಗ ಬೆಳ್ಳಿತೆರೆಗೆ ಕಮ್ ಬ್ಯಾಕ್ ಮಾಡಿದ್ದಾರೆ. ನಾಲ್ಕು ವರ್ಷಗಳ ನಂತರ ಸಲ್ಮಾನ್ ಖಾನ್ ಅವರು ಕಿಸಿ ಕಾ ಭಾಯ್, ಕಿಸಿ ಕಿ ಜಾನ್ ಸಿನಿಮಾದ ಮೂಲಕ ಕಮ್ ಬ್ಯಾಕ್ ಮಾಡಿದ್ದು ಈದ್ ಸಂದರ್ಭವೇ ಸಿನಿಮಾ ರಿಲೀಸ್ ಆಗಿದೆ. ಸಿನಿಮಾ ಏಪ್ರಿಲ್ 21ರಂದು ಬಿಡುಗಡೆಯಾಗಿದ್ದು ಇದನ್ನು ಫರ್ಹಾದ್ ಸಮ್ಜಿ ನಿರ್ದೇಶಿಸಿದ್ದಾರೆ.

ಈ ಸಿನಿಮಾ ಅಜಿತ್ ಅವರ 2014 ಸಿನಿಮಾ ವೀರಂ ಮೇಲೆ ಆಧರಿಸಿದೆ. ಆದರೆ ಸಂಪೂರ್ಣ ಸಿನಿಮಾ ಒಂದೇ ರೀತಿಯಾಗಿಲ್ಲ. ಇದರಲ್ಲಿ ವೆಂಕಟೇಶ್, ಪೂಜಾ ಹೆಗ್ಡೆ, ಭೂಮಿಕಾ ಚಾವ್ಲಾ, ಶೆಹನಾಜ್ ಗಿಲ್, ರಾಘವನ್ ಜುಯಲ್, ಪಲಕ್ ತಿವಾರಿ, ಜೆಸ್ಸಿ ಗಿಲ್, ಸಿದ್ಧಾರ್ಥ ನಿಗಮ್ ನಟಿಸಿದ್ದಾರೆ. ಈ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಸದ್ದು ಮಾಡುತ್ತಿದೆ.

ಬಾಲಿವುಡ್​ನಲ್ಲಿ ಹೆಚ್ಚಿನ ಸಿನಿಮಾ ನೆಲಕಚ್ಚುತ್ತಿರುವ ಸಂದರ್ಭ ಇತ್ತೀಚೆಗೆ ಶಾರುಖ್ ಖಾನ್ ಅವರ ಪಠಾಣ್ ಸಿನಿಮಾ ಸುದ್ದಿ ಮಾಡಿತ್ತು. ಇದರಲ್ಲಿ ಸಲ್ಮಾನ್ ಖಾನ್ ಅತಿಥಿ ಪಾತ್ರ ಮಾಡಿದ್ದರು. ಈಗ ಸಲ್ಮಾನ್ ಖಾನ್ ಅವರ ಕಿಸಿ ಕಾ ಭಾಯ್, ಕಿಸಿ ಕಿ ಜಾನ್ ಥಿಯೇಟರ್​ನಲ್ಲಿ ಬಿಡುಗಡೆಯಾಗಿ ಸದ್ದು ಮಾಡುತ್ತಿದೆ.

ಸಿನಿಮಾ ಕುರಿತು ನೆಟ್ಟಿಗರು ಮೊದಲ ರಿಯಾಕ್ಷನ್​​ಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಸಿನಿಮಾದ ಟ್ರೈಲರ್​​ನಲ್ಲಿಯೇ ಕಥೆಯ ಬಗ್ಗೆ ಹಿಂಟ್ ಸಿಕ್ಕಿತ್ತು. ಸಲ್ಮಾನ್ ಹಿರಿಯ ಅಣ್ಣನಾಗಿ ಅವರ ಮೂವರು ಸಿಬ್ಲಿಂಗ್ ಮದುವೆ ಮಾಡಿಕೊಳ್ಳುವ ಕುರಿತಾಗಿದೆ ಈ ಸಿನಿಮಾ.

ಆದರೆ ಈ ಸಿನಿಮಾಗೆ ಟ್ವಿಸ್ಟ್ ಬರುತ್ತದೆ. ಇದರಲ್ಲಿ ಹಿರಿಯ ಅಣ್ಣ ಸಲ್ಮಾನ್ ಖಾನ್ ಪ್ರೀತಿಯಲ್ಲಿ ಬೀಳುತ್ತಾರೆ. ಭಾಗ್ಯಲಕ್ಷ್ಮಿ ಎನ್ನುವ ಪಾತ್ರವನ್ನು ಪೂಜಾ ಹೆಗ್ಡೆ ಮಾಡಿದ್ದಾರೆ. ಆದರೆ ಭಾಗ್ಯಲಕ್ಷ್ಮಿಗೆ ಕ್ರಿಮಿನಲ್​ಗಳಿಂದ ಬೆದರಿಕೆಯೂ ಇರುತ್ತದೆ. ನಂತರ ಇವರು ಪರಸ್ಪರ ಪ್ರೀತಿಸಿ ಮದುವೆಯಾಗುವುದು ಕೂಡಾ ಕುತೂಹಲಕಾರಿಯಾಗಿದೆ.

ಸಿನಿಮಾದ ಬಗ್ಗೆ ಈವರೆಗೆ ಪಾಸಿಟಿವ್ ರೆಸ್ಪಾನ್ಸ್ ಕೇಳಿ ಬಂದಿದೆ. ನೆಟ್ಟಿಗರು ಸಿನಿಮಾ ನೋಡಿ ತಮ್ಮ ಅಭಿಪ್ರಾಯಗಳನ್ನು ತಿಳಿಸಿದ್ದು ಕೆಲವು ಸಿನಿಮಾದಲ್ಲಿ ಬಂದಿರುವ ಹಾಡುಗಳನ್ನು ತುಂಬಾ ಇಷ್ಟಪಟ್ಟಿರುವುದಾಗಿ ತಿಳಿಸಿದ್ದಾರೆ.

ಸಿನಿಮಾ ನಿಮ್ಮನ್ನು ನಗಿಸುತ್ತದೆ. ನಿಮ್ಮನ್ನು ಭಾವುಕಗೊಳಿಸುತ್ತದೆ. ಆದರೆ ವಿಶಲ್ ಹೊಡಿಯಲು ರೆಡಿ ಆಗಿದೆ. ಕ್ಲೈಮ್ಯಾಕ್ಸ್ ಸೂಪರ್. ಪೂಜಾ ಅವರ ಕಾಮಿಕ್ ನಟನೆ ಸೂಪರ್ ಎಂದಿದ್ದಾರೆ ನಟ ರಿತೇಷ್ ದೇಶ್​ಮುಖ್.