Pathaan Twitter Review: ಖುಷಿಯ ಕಣ್ಣೀರು! ಕಿಂಗ್ ಈಸ್ ಬ್ಯಾಕ್, ಹೇಗಿದೆ ಪಠಾಣ್​ ಸಿನಿಮಾ?

ಶಾರುಖ್ ಖಾನ್ ಹಿಂದಿ ಸಿನಿಮಾ ನೋಡುವವರಷ್ಟೇ ಅಲ್ಲ ದಕ್ಷಿಣದಲ್ಲಿ ಅವರಿಗೆ ಭಾರೀ ಸಂಖ್ಯೆಯ ಫಾಲೋವರ್ಸ್ ಇದ್ದಾರೆ. ಹೀಗಿದ್ದರೂ ಅವರ ಕೊನೆಯ ಸಿನಿಮಾ ಝಿರೋ ಸೋತಿತ್ತು. ಈಗ ಬರೋಬ್ಬರಿ 5 ವರ್ಷದ ಗ್ಯಾಪ್ ನಂತರ ಪಠಾಣ್ ಸಿನಿಮಾ ರಿಲೀಸ್ ಆಗಿದೆ.

ಒಂದು ಕಾಲದಲ್ಲಿ ಕಿಂಗ್ ಖಾನ್ ಆಗಿ ಬಾಲಿವುಡ್ ಬಾಕ್ಸ್ ಆಫೀಸ್ ಅನ್ನು ತನ್ನ ಕಣ್ಣುಗಳಿಂದಲೇ ಆಳಿದ ಶಾರುಖ್ ಸತತ ಸೋಲುಗಳನ್ನು ಎದುರಿಸಿದ್ದಾರೆ. ಶಾರುಖ್ ಅಭಿನಯದ ಆಕ್ಷನ್ ಥ್ರಿಲ್ಲರ್ ಪಠಾಣ್ ಈಗ ದೊಡ್ಡ ನಿರೀಕ್ಷೆ.

ಪಠಾಣ್ ಮೊದಲ ದಿನವೇ 55 ಕೋಟಿ ಕಲೆಕ್ಷನ್ ಮಾಡಬಹುದೆಂದು ಟ್ರೇಡ್ ಮೂಲಗಳು ಅಂದಾಜಿಸಿದೆ. ಒಳ್ಳೆ ನಿರೀಕ್ಷೆಗಳ ನಡುವೆ ಬರುತ್ತಿರುವ ಈ ಸಿನಿಮಾ ಹೇಗಿದೆ? ಸಾಹಸ ದೃಶ್ಯಗಳು ಹೇಗಿವೆ? ಈಗಾಗಲೇ ಈ ಸಿನಿಮಾ ನೋಡಿದ ಪ್ರೇಕ್ಷಕರು ಏನಂದಿದ್ದಾರೆ? ಟ್ವಿಟರ್ ಮೂಲಕ ತಮ್ಮ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ.

ಸಿನಿಮಾ ನೋಡಿದ ಜನರು ಕಿಂಗ್ ಈಸ್ ಬ್ಯಾಕ್. ಖುಷಿಯ ಕಣ್ಣೀರು ಬರುತ್ತಿದೆ. ಸಿನಿಮಾ ಸೂಪರ್ ಹಿಟ್ ಎಂದು ಹೊಗಳಿ ಟ್ವೀಟ್ ಮಾಡಿದ್ದಾರೆ.

ಪಠಾಣ್ ಕಥೆಯೊಂದಿಗೆ ಹೈವೋಲ್ಟೇಜ್ ಆಕ್ಷನ್ ಡ್ರಾಮಾ ಆಗಿ ಹೊರಹೊಮ್ಮಿದೆ. ಶಾರುಖ್ ಖಾನ್ ಅವರ ಅಭಿನಯವು ಅತ್ಯುತ್ತಮವಾಗಿದೆ. ಜಾನ್ ಅಬ್ರಹಾಂ ಮತ್ತು ದೀಪಿಕಾಪಡುಕೋಣೆ ಅವರ ಅಭಿನಯವೂ ಸೂಪರ್. ಟ್ವಿಸ್ಟ್​ಗಳೂ ಕುತೂಹಲಕಾರಿಯಾಗಿದೆ ಎಂದಿದ್ದಾರೆ.

ಭಾರೀ ನಿರೀಕ್ಷೆಗಳ ನಡುವೆ ಜನವರಿ 25 ರಂದು ವಿಶ್ವದಾದ್ಯಂತ 7700 ಸ್ಕ್ರೀನ್‌ಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದೆ. ಭಾರತದಲ್ಲಿ 5200 ಮತ್ತು ವಿದೇಶದಲ್ಲಿ 2500 ಚಿತ್ರಮಂದಿರಗಳಲ್ಲಿ ಸಿನಿಮಾ ರಿಲೀಸ್ ಆಗಿದೆ.

ಈ ಚಿತ್ರ ಹಿಂದಿ ಜೊತೆಗೆ ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾಗುತ್ತಿದೆ. ಈಗಾಗಲೇ ಹಾಡುಗಳು ಮತ್ತು ಟ್ರೈಲರ್ ಮೂಲಕ ಚಿತ್ರಕ್ಕೆ ಸಾಕಷ್ಟು ಪ್ರಚಾರ ಸಿಕ್ಕಿದೆ. ಸಿನಿಮಾದ ಪ್ರೀ ಬುಕ್ಕಿಂಗ್ ಕೂಡಾ ಸಖತ್ತಾಗಿದೆ. ಬಾಹುಬಲಿ 2 (ಹಿಂದಿ) ಗೆ 6. 50 ಲಕ್ಷ ಟಿಕೆಟ್ ಬುಕ್ ಆಗಿದ್ದರೆ ಪಠಾಣ್ ಗೆ 5.56 ಲಕ್ಷ ಟಿಕೆಟ್ ಬುಕ್ ಆಗಿವೆ. ಪಠಾಣ್ ನಂತರ ಕೆಜಿಎಫ್ 2 ಮತ್ತು ವಾರ್ ಸಿನಿಮಾಗಳಿವೆ.

ವಿಮರ್ಶೆಗಳನ್ನು ನೋಡಿದರೆ ಸಿನಿಮಾ ಸೂಪರ್ ಹಿಟ್ ಎನಿಸುತ್ತದೆ. ಹೆಚ್ಚಾಗಿ ಪಾಸಿಟಿವ್ ಕಮೆಂಟ್‌ಗಳು ಕಂಡುಬರುತ್ತವೆ. ಇನ್ನು ಮುಂದೆ ಈ ಚಿತ್ರ ಎಷ್ಟರ ಮಟ್ಟಿಗೆ ಕಲೆಕ್ಷನ್ ಮಾಡುತ್ತೆ ಅನ್ನೋದನ್ನು ಕಾದು ನೋಡಬೇಕಿದೆ.

ಪಠಾಣ್ ಸಿನಿಮಾ ರಷ್ಯಾದ ಸೈಬೀರಿಯಾದಲ್ಲಿ ಚಿತ್ರೀಕರಣಗೊಂಡ ಮೊದಲ ಬಾಲಿವುಡ್ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಜೇಮ್ಸ್ ಬಾಂಡ್ ಚಲನಚಿತ್ರಗಳನ್ನು ಇಲ್ಲಿ ಚಿತ್ರೀಕರಿಸಲಾಗಿದೆ. ಪಠಾಣ್ ಎಂಬ ಗೂಢಚಾರ ಭಯೋತ್ಪಾದಕ ಗುಂಪನ್ನು ಹೇಗೆ ಕೊನೆಗಾಣಿಸುತ್ತಾರೆ ಎಂಬುದೇ ಈ ಸಿನಿಮಾದ ಕಥೆಯಂತೆ.

ಶಾರುಖ್​ ಖಾನ್​ ಅವರ ದೊಡ್ಡ ಮಟ್ಟದಲ್ಲಿ ಕಮ್ ಬ್ಯಾಕ್ ಮಾಡಿದ್ದು ಎಲ್ಲಾ ರೀತಿಯಲ್ಲಿ ಸಿನಿಮಾ ಸೂಪರ್ ಹಿಟ್ ಆಗುವ ಲಕ್ಷಣ ಕಂಡುಬಂದಿದೆ.