Kim Kardashian: ಊರೋವ್ರಿಗೆ ಒಂದ್​ ಚಿಂತ್ರೆಯಾದ್ರೆ.. ಇವ್ಳಿಗೆ ಇನ್ಯಾವ್ದೋ ಚಿಂತೆ! 75 ಲಕ್ಷನ ಹೀಗೂ ಖರ್ಚು ಮಾಡ್ಬಹುದಾ?

ಕಾರುಗಳೆಂದರೆ ಜನರಿಗೆ ಕ್ರೇಜ್‌ ಇರುವುದು ಸಾಮಾನ್ಯ. ಕೆಲವರು ತಮ್ಮ ಕಾರುಗಳನ್ನು ಜೋಪಾನವಾಗಿ ನೋಡಿಕೊಂಡರೆ, ಇನ್ನು ಕೆಲವರು ಆ ಕಾರುಗಳನ್ನು ತಮಗಿಷ್ಟವಾದ ರೀತಿ ಮಾಡಿಫೈ (modify) ಮಾಡಿಕೊಳ್ಳುತ್ತಾರೆ.

ಆದರೆ, ಇಲ್ಲೊಬ್ಬರು ನಟಿ ತಮ್ಮ ಮನೆಯ ಬಣ್ಣಕ್ಕೆ ಮ್ಯಾಚ್​ ಮಾಡಲು ತಮ್ಮ ಮೂರು ಕಾರುಗಳ ಬಣ್ಣ ಬದಲಾಯಿಸಿದ್ದಾರೆ. ಇದಕ್ಕಾಗಿ ಅವರು ವೆಚ್ಚ ಮಾಡಿದ್ದು ಬರೋಬ್ಬರಿ 75 ಲಕ್ಷ ರೂಪಾಯಿ ಅಂದರೆ ನಂಬಲೇಬೇಕು.

ಅಮೆರಿಕದ ರಿಯಾಲಿಟಿ ಸ್ಟಾರ್ ಕಿಮ್ ಕರ್ದಾಶಿಯನ್ (Kim Kardashian) ಯಾವಾಗಲೂ ಸುದ್ದಿಯಲ್ಲಿರುತ್ತಾರೆ. ತಮ್ಮ ಮೈಮಾಟದ ಮೂಲಕ ಸದಾ ಪಡ್ಡೆ ಹೈಕ್ಳ ಹೃದಯಕ್ಕೆ ಬೆಂಕಿ ಹಚ್ಚುತ್ತಾರೆ. ಇತ್ತೀಚೆಗೆ, ಅವರ ಕಾರುಗಳ ವೈಯಕ್ತೀಕರಣದ ಸುದ್ದಿ ಭಾರಿ ವೈರಲ್‌ ಆಗಿತ್ತು.

ಅಮೆರಿಕದ ಪ್ರಸಿದ್ಧ ಫ್ಯಾಷನ್ ಮತ್ತು ಜೀವನಶೈಲಿ ನಿಯತಕಾಲಿಕೆ 'ವೋಗ್' (Vogue) ತನ್ನ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳಲ್ಲಿ ವೀಡಿಯೊವೊಂದನ್ನು ಹಂಚಿಕೊಂಡಿದ್ದು, ಅದರಲ್ಲಿ ಕಿಮ್ ತಮ್ಮ ಬಂಗಲೆ ಮತ್ತು ಅವರ ಮೂರು ಕಾರುಗಳನ್ನು ತೋರಿಸುತ್ತಿರುವ ಚಿತ್ರಣವಿದೆ.

ಲ್ಯಾಂಬೋರ್ಗಿನಿ ಉರುಸ್, ಮರ್ಸಿಡಿಸ್ ಮೇಬ್ಯಾಕ್ ಎಸ್600 ಮತ್ತು ರೋಲ್ಸ್ ರಾಯ್ಸ್ ಘೋಸ್ಟ್, ಈ ಎಲ್ಲಾ ಕಾರುಗಳನ್ನು ಕಿಮ್‌ ತಮ್ಮ ಬಂಗಲೆಯ ಬಣ್ಣಕ್ಕೆ ಹೊಂದಿಕೆಯಾಗುವಂತೆ ಬೂದು ಬಣ್ಣದಲ್ಲಿ ಪೇಂಟ್‌ ಮಾಡಿಸಿದ್ದಾರೆ.

ಇದಕ್ಕಾಗಿ ಕಿಮ್‌ ಸುಮಾರು 1 ಲಕ್ಷ ಡಾಲರ್‌ ವೆಚ್ಚ ಮಾಡಿದ್ದಾರೆ. ಲಾಸ್ ಏಂಜಲೀಸ್ ಮೂಲದ ಪ್ಲಾಟಿನಂ ಮೋಟಾರ್ಸ್ಪೋರ್ಟ್ಸ್ ಈ ಪೇಂಟಿಂಗ್‌ ಕಾರ್ಯ ನಿರ್ವಹಿಸಿದೆ. ಪ್ಲಾಟಿನಂ ಮೋಟಾರ್ ಸ್ಪೋರ್ಟ್ಸ್ ಒಂದು ತಿಂಗಳು ಸಮಯ ತೆಗದುಕೊಂಡು ಈ ಕಾರುಳನ್ನು ಪೇಂಟ್ ಮಾಡಿದೆ.

ಮೂರು ಮಕ್ಕಳ ತಾಯಿ ಕಿಮ್​ ಸದಾ ತಮ್ಮ ಹಾಟ್​ ಫೋಟೋಗಳನ್ನು ಶೇರ್​ ಮಾಡಿಕೊಳ್ಳುವ ಮೂಲಕ ಪಡ್ಡೆ ಹೈಕ್ಳ ಹೃದಯಕ್ಕೆ ಬೆಂಕಿ ಇಡುತ್ತಾರೆ. ಈಕೆಯ ಬಿಕಿನಿ ಫೋಟೋ ಕಂಡು ಹುಡುಗರೆಲ್ಲ ಕ್ಲೀನ್ ಬೋಲ್ಡ್​ ಆಗಿದ್ದಾರೆ.

ಟೈಮ್ಸ್ ಮ್ಯಾಗಜಿನ್‌ನ ಜಗತ್ತಿನ ಅತ್ಯಂತ ಪ್ರಭಾವಿ 100 ವ್ಯಕ್ತಿಗಳಲ್ಲಿ ಕಿಮ್ ಸಹ ಒಬ್ಬರಾಗಿದ್ದಾರೆ. 2015ರಲ್ಲಿ ಅತ್ಯಧಿಕ ಸಂಭಾವನೆ ಪಡೆಯುತ್ತಿದ್ದ ಟಿವಿ ನಟಿ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.ಮೂರು ಮಕ್ಕಳ ತಾಯಿಯಾಗಿರುವ ಕಿಮ್, 2012ರಲ್ಲಿ ರ‍್ಯಾಪರ್ ಮತ್ತು ಬಹುಕಾಲದ ಗೆಳೆಯ ಕಾನ್ಯೆ ವೆಸ್ಟ್ ಜತೆಗೆ ಡೇಟಿಂಗ್ ಮಾಡುತ್ತಿದ್ದರು. ಬಳಿಕ 2014ರಲ್ಲಿ ಅವರನ್ನು ವರಿಸಿದರು.