Actress Death: ಸ್ತನ​​ ಸರ್ಜರಿ ಬಳಿಕ ಹೃದಯ ಸ್ತಂಭನದಿಂದ ನಟಿ ಸಾವು!

ದೇವರು ಕೊಟ್ಟ ದೇಹವನ್ನು ಹಾಳುಮಾಡಿಕೊಳ್ಳಬಾರದು. ನಮ್ಮ ದೇಹ ಒಂದು ಯಂತ್ರವಿದ್ದಂತೆ. ಈಗಿನ ಕಾಲದಲ್ಲಿ ತಮಗೆ ಇಷ್ಟ ಬಂದ ಹಾಗೇ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಳ್ಳುವ ಹುಚ್ಚು ಎಲ್ಲ ಕಡೆ ಹರಡುತ್ತಿದೆ ಎಂದರೆ ತಪ್ಪಾಗಲ್ಲ.

ಇಲ್ಲೊಬ್ಬ ನಟಿ ಪ್ಲಾಸ್ಟಿಕ್​ ಸರ್ಜರಿ ಮಾಡಿಸಿಕೊಂಡು ಹೃದಯ ಸ್ತಂಭನದಿಂದ ಇಹಲೋಕ ತ್ಯಜಿಸಿದ್ದಾರೆ. ಕಿಮ್ ಕಾರ್ಡಶಿಯನ್ ಅವರನ್ನೇ ಹೋಲುತ್ತಿದ್ದ ಕ್ರಿಸ್ಟಿನಾ ಅಷ್ಟೆನ್ ಗೌರ್ಕಾನಿ ಮೃತಪಟ್ಟಿದ್ದಾರೆ.

ಕ್ರಿಸ್ಟಿನಾ ಅಷ್ಟೆನ್ ಗೌರ್ಕಾನಿ ಸ್ಟಿಕ್ ಸರ್ಜರಿ ಮಾಡಿಸಿಕೊಂಡ ಕೆಲ ಹೊತ್ತಲ್ಲೇ ಅವರು  ಹೃದಯ ಸ್ತಂಭನದಿಂದ ನಿಧನರಾದರು. ಸೋಷಿಯಲ್​ ಮೀಡಿಯಾದಲ್ಲಿ ಅಷ್ಟೆನ್ ಜಿ ಎಂದೇ ಈಕೆ ಫೇಮಸ್ ಆಗಿದ್ದಳು.

34 ವರ್ಷದ ಮಾಡೆಲ್ ಏಪ್ರಿಲ್ 20 ರಂದು ಶಸ್ತ್ರಚಿಕಿತ್ಸೆಯಿಂದ ಚೇತರಿಸಿಕೊಳ್ಳುತ್ತಿರುವಾಗ ನಿಧನರಾದರು. ಕ್ಯಾಲಿಫೋರ್ನಿಯಾ ಮೂಲದ ಮಾಡೆಲ್ 6 ಲಕ್ಷಕ್ಕೂ ಅಧಿಕ ಫಾಲೋವರ್ಸ್​ಗಳನ್ನು ಹೊಂದಿದ್ದರು.

ಏಪ್ರಿಲ್ 20, 2023 ರಂದು ಮುಂಜಾನೆ ಸುಮಾರು 4:31 ಕ್ಕೆ ಆಕೆ ಪ್ರಾಣ ಬಿಟ್ಟಿದ್ದಾಳೆ ಅಂತ ಅವರ ಕುಟುಂಬಸ್ಥರು ಹೇಳಿದ್ದಾರೆ.

ಕಿಮ್ ಕಾರ್ಡಶಿಯನ್ ಅವರ ರೀತಿ ಕಾಣಲು ಈಕೆ ಈ ಹಿಂದೆಯೂ ಸಾಕಷ್ಟು ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದರು. ಆದರೆ ಈ ಬಾರಿ ವಿಧಿಯಾಟವೇ ಬೇರೆಯಾಗಿತ್ತು.

ಗೌರ್ಕಾನಿ ತನ್ನ ಅಲ್ಪಾವಧಿಯಲ್ಲಿ ಅನೇಕ ಕಾಸ್ಮೆಟಿಕ್ ಶಸ್ತ್ರಚಿಕಿತ್ಸೆಗಳಿಗೆ ಒಳಗಾಗಿದ್ದರು. ಆಕೆಯ ಹಠಾತ್ ಮತ್ತು ದುರಂತ ಮರಣದ ಬಗ್ಗೆ ಪ್ರಸ್ತುತ ತನಿಖೆ ನಡೆಸಲಾಗುತ್ತಿದೆ.

ದೇಹದಾದ್ಯಂತ ರಕ್ತವನ್ನು ಪಂಪ್ ಮಾಡುವುದನ್ನು ಹೃದಯವು ಇದ್ದಕ್ಕಿದ್ದಂತೆ ನಿಲ್ಲಿಸಿದಾಗ ಹೃದಯ ಸ್ತಂಭನ ಸಂಭವಿಸುತ್ತದೆ, ಇದು ಸಾಮಾನ್ಯವಾಗಿ ಅಂಗದಲ್ಲಿನ ವಿದ್ಯುತ್ ಸಂಕೇತಗಳ ಸಮಸ್ಯೆಯಿಂದ ಉಂಟಾಗುತ್ತದೆ.ಹೃದಯ ಸ್ತಂಭನಗಳು ಹೃದಯಾಘಾತಕ್ಕಿಂತ ಭಿನ್ನವಾಗಿರುತ್ತವೆ