Kichcha Sudeepa: ಚಹಲ್‌, ಪೃಥ್ವಿ ಶಾ ಜೊತೆ ಕಿಚ್ಚ! ಫೋಟೋ ಶೇರ್ ಮಾಡಿ ಸುದೀಪ್ ಹೇಳಿದ್ದೇನು?

ಕಿಚ್ಚ ಸುದೀಪ್‌ ಅವರಿಗೆ ಕ್ರಿಕೆಟ್‌ ಮೇಲಿರುವ ವಿಶೇಷ ಅಭಿಮಾನದ ಬಗ್ಗೆ ಹೇಳೋದೇ ಬೇಡ. ಕ್ರಿಕೆಟಿಗರು ಸುದೀಪ್‌ ಅವರಿಗೆ ಸ್ನೇಹಿತರು. ಆಗಾಗ ಕ್ರಿಕೆಟಿಗರು ಸುದೀಪ್‌ ಅವರನ್ನು ಭೇಟಿ ಮಾಡುತ್ತಲೂ ಇರುತ್ತಾರೆ.

ಅಪರೂಪದ ಉಡುಗೊರೆಗಳನ್ನು ಕಳುಹಿಸುತ್ತಾರೆ. ಇದೀಗ ಸುದೀಪ್ ಕುಟುಂಬದೊಂದಿಗೆ ಚಹಲ್‌, ಪೃಥ್ವಿ ಶಾ ಸೇರಿದಂತೆ ಕೆಲವು ಟೀಂ ಇಂಡಿಯಾದ ಯುವ ಕ್ರಿಕೆಟಿಗರು ಪಾರ್ಟಿ ಮಾಡಿದ್ದಾರೆ. ಅದರ ಫೋಟೋಸ್ ವೈರಲ್ ಆಗಿದೆ.

ಈ ವಿಶೇಷ ಸಂದರ್ಭದ ಫೋಟೋವನ್ನು ಸುದೀಪ್‌ ತಮ್‌ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಹೋಳಿ ಹಬ್ಬದ ನಿಮಿತ್ತ ಯಜುವೇಂದ್ರ ಚಹಲ್, ಪೃಥ್ವಿ ಶಾ ಸೇರಿದಂತೆ ಕೆಲವು ಕ್ರಿಕೆಟರ್‌ಗಳು ಸುದೀಪ್ ಜೊತೆ ಪಾರ್ಟಿ ಮಾಡಿದ್ದಾರೆ. ಈ ಸ್ಪೆಷಲ್‌ ಸಂಜೆಯಲ್ಲಿ ಸುದೀಪ್ ಪುತ್ರಿ ಸಾನ್ವಿ ಕೂಡಾ ಭಾಗಿಯಾಗಿದ್ದಾರೆ.

ಕಿಚ್ಚ ಸುದೀಪ್ ಅವರು ಫೋಟೋ ಶೇರ್ ಮಾಡಿ ಲವ್ಲೀ ಇವನಿಂಗ್ ಎಂದು ಕ್ಯಾಪ್ಶನ್ ಕೊಟ್ಟಿದ್ದಾರೆ. ಅವರ ಫೋಟೋಗೆ 2 ಲಕ್ಷ ಲೈಕ್ಸ್ ಸಿಕ್ಕಿದೆ.

ಕಿಚ್ಚ ಸುದೀಪ್ ಅವರ ಮುಂದಿನ ಸಿನಿಮಾ ಬಗ್ಗೆ ಈಗಾಗಲೇ ಕುತೂಹಲ ಹೆಚ್ಚಾಗಿದೆ. ಅವರ ಮುಂದಿನ ಪ್ರಾಜೆಕ್ಟ್ ಅನೌನ್ಸ್​ಮೆಂಟ್​ಗಾಗಿ ಜನ ಕಾಯುತ್ತಿದ್ದಾರೆ.

ಅನೂಪ್ ಭಂಡಾರಿ ಮತ್ತು ಕಿಚ್ಚ ಸುದೀಪ್ ಒಟ್ಟಿಗೆ ಬಿಲ್ ರಂಗಾ ಬಾದಷಾ ಚಿತ್ರ ಮಾಡ್ತಾರೆ ಅನ್ನುವ ಸುದ್ದಿ ಇದ್ದೇ ಇದೆ. ಅದೇ ಚಿತ್ರದ ಕೆಲಸದಲ್ಲಿಯೇ ಅನೂಪ್ ಭಂಡಾರಿ ಈಗ ಬ್ಯುಸಿ ಇದ್ದಾರೆ ಅನ್ನುವ ಸುದ್ದಿ ಕೂಡ ವೈರಲ್ ಆಗುತ್ತಿದೆ.