Kichcha Sudeep: ಪಠಾಣ್ ಸಿನಿಮಾ ಬಗ್ಗೆ ಕಿಚ್ಚ ಸುದೀಪ್ ಮಾತು!

ರಿಯಲ್ ಸ್ಟಾರ್ ಉಪೇಂದ್ರ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಶ್ರಿಯಾ ಶರಣ್ ಅವರು ಅಭಿನಯಿಸಿದ ಬಹುನಿರೀಕ್ಷಿತ ಸಿನಿಮಾ ಕಬ್ಜಾ ಮಾರ್ಚ್ 17ರಂದು ರಿಲೀಸ್ ಆಗಲಿದೆ.

ಈ ಸಿನಿಮಾದ ಟ್ರೈಲರ್​ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾದ ಬೆನ್ನಲ್ಲೇ ಚಿತ್ರತಂಡ ಮುಂಬೈನಲ್ಲಿ ಮಾಧ್ಯಮದ ಜೊತೆ ಮಾತನಾಡಿದೆ. ಈ ಸಂದರ್ಭ ಕಿಚ್ಚ ಸುದೀಪ್ ಬಾಲಿವುಡ್​ನ ಹಿಟ್ ಸಿನಿಮಾ ಪಠಾಣ್ ಬಗ್ಗೆ ಮಾತನಾಡಿದ್ದಾರೆ.

ವಿಕ್ರಾಂತ್ ರೋಣ ಸ್ಟಾರ್ ಕಿಚ್ಚ ಸುದೀಪ್ ಅವರು ಶಾರುಖ್ ಸಿನಿಮಾ ಬಗ್ಗೆ ಪ್ರತಿಕ್ರಿಯಿಸಿ, ಪಠಾಣ್ ಸಿನಿಮಾ ಸಿನಿಮಾ ಇಂಡಸ್ಟ್ರಿಯಲ್ಲಿರುವ ಡೈನಾಮಿಕ್ಸ್​ ಅನ್ನು ಬದಲಾಯಿಸಿತು ಎಂದಿದ್ದಾರೆ.

ಡೈನಾಮಿಕ್ಸ್ ಜೊತೆಗೆ ಜನರ ವಿಶ್ವಾಸವನ್ನು ಕೂಡಾ ಪಠಾಣ್ ಸಿನಿಮಾ ಬದಲಾಯಿಸಿದೆ ಎಂದು ಹೇಳಿದ್ದಾರೆ. ಕನ್ನಡ ಸಿನಿಮಾ ಇಂಡಸ್ಟ್ರಿ ಕೂಡಾ ಒಳ್ಳೆಯ ಹಂತದಲ್ಲಿ ಮುಂದುವರಿಯುತ್ತಿದೆ ಎಂದಿದ್ದಾರೆ.

ಕನ್ನಡ ಚಿತ್ರರಂಗದ ಈ ಒಳ್ಳೆ ಸಮಯವನ್ನು ನಾವು ಎಂಜಾಯ್ ಮಾಡುತ್ತಿದ್ದೇವೆ ಎಂದಿದ್ದಾರೆ ನಟ. ಸ್ಯಾಂಡಲ್​ವುಡ್​ನಲ್ಲಿ ಕೆಜಿಎಫ್ ಚಾಪ್ಟರ್ 2, ವಿಕ್ರಾಂತ್ ರೋಣ, ಚಾರ್ಲಿ 777, ಕಾಂತಾರದಂತ ಹಿಟ್ ಸಿನಿಮಾ ಬಂದಿದೆ.

ಪಠಾಣ್ ಸಿನಿಮಾ ಭರ್ಜರಿ ದಾಖಲೆಗಳನ್ನು ಮಾಡುತ್ತಿದ್ದು ಹಿಂದಿಯಲ್ಲಿ ಅತ್ಯಧಿಕ ಕಲೆಕ್ಷನ್ ಮಾಡಿದ ಸಿನಿಮಾ ಆಗಿ ಹೊರಹೊಮ್ಮಿದೆ. ಇದರಲ್ಲಿ ದೀಪಿಕಾ, ಜಾನ್ ಅಬ್ರಹಾಂ ಕೂಡಾ ನಟಿಸಿದ್ದಾರೆ.

ಈಗ ಕನ್ನಡದ ನಟ ಕೂಡಾ ಪಠಾಣ್ ಸಿನಿಮಾವನ್ನು ಹೊಗಳಿದ್ದಾರೆ. ಕಿಚ್ಚ ಪಠಾಣ್ ಕುರಿತು ಕೊಟ್ಟ ಹೇಳಿಕೆಗಳು ಈಗ ವೈರಲ್ ಅಗುತ್ತಿವೆ.