Kichcha Sudeep: ನಾನು ಪೋಷಕ ಕಲಾವಿದ ಅಲ್ಲ, ಮಲ್ಟಿಸ್ಟಾರರ್ ಸಿನಿಮಾ ಮಾಡಲ್ಲ ಎಂದ ಕಿಚ್ಚ! ಕಾರಣ?

ನಟ ಕಿಚ್ಚ ಸುದೀಪ್ ಅವರು ಮಲ್ಟಿ ಸ್ಟಾರರ್ ಸಿನಿಮಾಗಳಲ್ಲಿ ನಟಿಸುವುದಿಲ್ಲ. ಪೋಷಕ ನಟನಾಗಿ ಕಾಣಿಸಿಕೊಳ್ಳುವುದಿಲ್ಲ ಎಂದಿದ್ದರು. ಆದರೂ ಬೇರೆ ಭಾಷೆಯ ಸಿನಿಮಾಗಳಲ್ಲಿ ಕೆಲವು ಪ್ರಮುಖ ರೋಲ್ ಒಪ್ಪಿಕೊಂಡಿದ್ದಾರೆ. ಇದಕ್ಕೆ ಕಾರಣ ಏನು ಗೊತ್ತೇ?

ಕಿಚ್ಚ ಸುದೀಪ್ ನಾನಿ ಜೊತೆ 'ಈಗ' ಸಿನಿಮಾದಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಾಗ ಅವರ ಖ್ಯಾತಿ ಬೇರೆ ಲೆವೆಲ್​ಗೆ ಹೋಯಿತು. ಪರಭಾಷೆಗಳಲ್ಲಿ ಗೆಸ್ಟ್ ರೋಲ್​ಗಳಿಗೆ ಡಿಮ್ಯಾಂಡ್ ಹೆಚ್ಚಾಯಿತು.

ಕನ್ನಡದಲ್ಲಿ ಶಿವರಾಜ್​ಕುಮಾರ್ ಜೊತೆ ವಿಲನ್​ನಲ್ಲಿ ಕಾಣಿಸಿಕೊಂಡರೂ ಆ ನಂತರ ಸಿನಿಮಾ ಬಿಡುಗಡೆಯಾಗುವ ಮೊದಲೇ ಇನ್ನು ಬೇರೆ ಮಲ್ಟಿಸ್ಟಾರರ್ ಸಿನಿಮಾ ಮಾಡುವುದಿಲ್ಲ ಎಂದು ಹೇಳಿದ್ದರು.

ತೆಲುಗು ಗ್ಲಿಟ್ಜ್ ಯೂಟ್ಯೂಬ್ ಚಾನಲ್​ಗೆ ಕೊಟ್ಟ ಸಂದರ್ಶನದಲ್ಲಿ ನಟ ಇದಕ್ಕೆ ಕಾರಣ ರಿವೀಲ್ ಮಾಡಿದ್ದಾರೆ. ಮಲ್ಟಿ ಸ್ಟಾರರ್ ಸಿನಿಮಾ ಮಾಡುವುದಿಲ್ಲ. ಕಬ್ಜದಲ್ಲಿ ಮಾಡಿದ್ದು ತುಂಬಾ ಚಿಕ್ಕ ಪಾತ್ರ. ಆದರೆ ಬೇರೆ ಭಾಷೆಯಲ್ಲಿ ಮಲ್ಟಿ ಸ್ಟಾರರ್ ಸಿನಿಮಾ ಮಾಡಲ್ಲ ಎಂದಿದ್ದಾರೆ.

ಹಾಗಾದರೆ ಮತ್ತೆ ಹೀರೋ ಆಗಿ ಬರುವುದಿಲ್ಲ, ಬದಲಾಗಿ ಒಬ್ಬ ನಟನಾಗಿ ಬರುತ್ತೇನೆ ಎಂದಿದ್ದಾರೆ ಕಿಚ್ಚ. ಇನ್ನು ಬೇರೆ ಭಾಷೆಯಿಂದ ಬರುವ ಆಫರ್​ಗಳ ಬಗ್ಗೆಯೂ ಮಾತನಾಡಿದ್ದಾರೆ.

ವಿಜಯ್, ಚಿರು ಸಿನಿಮಾಗೆ ನಾನು ಬೇಕಾಗಿತ್ತು. ಅವರು ಕಾಲ್ ಮಾಡಿ ಕೇಳಿಕೊಂಡಿದ್ದರು. ಅವರಿಗೆ ಆಗುವುದಿಲ್ಲ ಎನ್ನವಷ್ಟು ದೊಡ್ಡವ ನಾನಲ್ಲ. ಅದರಿಂದ ಅವರಿಗೆ ಅನುಕೂಲವಾದರೆ ನನ್ನ ಅಭ್ಯಂತರ ಇಲ್ಲ ಎಂದಿದ್ದಾರೆ.

ದುಡ್ಡು ಕೊಡ್ತೀನಿ ಎಂದ ಕೂಡಲೇ ಸಿನಿಮಾ ಮಾಡಲ್ಲ. ಬದಲಾಗಿ ಸಂಬಂಧಗಳಿಗಾಗಿ ಸಿನಿಮಾ ಮಾಡುತ್ತೇನೆ ಎಂದಿದ್ದಾರೆ. ಆದರೆ ಸದ್ಯ ಬಹಳಷ್ಟು ಪ್ರಾಜೆಕ್ಟ್ ಮುಗಿಸುವುದಕ್ಕೆ ಇರುವುದರಿಂದ ಬೇರೆ ಸಿನಿಮಾ ಮಾಡಲ್ಲ ಎಂದಿದ್ದಾರೆ.

ಈಗ ಬಹಳಷ್ಟು ಸಿನಿಮಾ ಕೈಯಲ್ಲಿದೆ. ಹಾಗಾಗಿ ಬೇರೆ ಸಿನಿಮಾಗಳನ್ನು ಮಾಡುವುದಿಲ್ಲ. ನನ್ನ ಸಿನಿಮಾಗಳನ್ನು ಮೊದಲು ಮುಗಿಸಿಕೊಳ್ಳಬೇಕು ಎಂದಿದ್ದಾರೆ.