Kichcha Sudeep: ಬಿಗ್​ ಬಾಸ್​ ಖ್ಯಾತಿಯ ಸೋನು ಪಾಟೀಲ್​ ತಾಯಿಯ ಚಿಕಿತ್ಸೆಗೆ ಧನ ಸಹಾಯ ಮಾಡಿದ ಕಿಚ್ಚ ಸುದೀಪ್​..!

ಸಂಕಷ್ಟದಲ್ಲಿರುವ ಮಂದಿಗೆ ಕಿಚ್ಚ ಸುದೀಪ್​ ಸಹಾಯ ಮಾಡುತ್ತಿರುತ್ತಾರೆ. ಇನ್ನು ಅವರ ಅಭಿಮಾನಿಗಳೂ ಸಹ ನಟನ ಹೆಸರಿನಲ್ಲಿ ಸಹಾಯ ಹಸ್ತ ಚಾಚುತ್ತಿರುತ್ತಾರೆ.

ಕಿರುತೆರೆ ನಟಿ ಹಾಗೂ ಬಿಗ್​ ಬಾಸ್​ ಸೀಸನ್​ 6ರ ಸ್ಪರ್ಧಿಯಾಗಿದ್ದ ಸೋನು ಪಾಟೀಲ್​ ಅವರ ಕಷ್ಟಕ್ಕೆ ಸುದೀಪ್​ ನೆರವಾಗಿದ್ದಾರೆ.

ಸೋನು ಪಾಟೀಲ್​ ಬಿಗ್​ ಬಾಸ್​ ಸೀಸನ್​ 6ರಲ್ಲಿ ಸ್ಪರ್ಧಿಯಾಗಿ ಮನೆಗೆ ಎಂಟ್ರಿ ಕೊಟ್ಟಿದ್ದರು. ಆಗ ಸೋನು ತಾನು ಬಿಗ್ ಬಾಸ್​ ಮನೆಯಿಂದ ಹೊರ ಬರುವವರೆಗೂ ತಮ್ಮ ಮನೆಯವರ ಜವಾಬ್ದಾರಿ ಕಿಚ್ಚ ಸುದೀಪ್​ ಅವರದ್ದು ಎಂದಿದ್ದರು.

ಅಂದು ಸೋನು ಅವರ ಮನೆಯವರ ಜವಾಬ್ದಾರಿ ತನ್ನದು ಎಂದು ಹೇಳಿದ್ದ ಸುದೀಪ್​ ಆ ಮಾತನ್ನು ಉಳಿಸಿಕೊಂಡಿದ್ದಾರೆ.

ಸೋನು ಪಾಟೀಲ್​ ಅವರ ತಾಯಿ ಮಹದೇವಿ ಅವರಿಗೆ ನ್ಯೂಮೊನಿಯಾ ಆಗಿತ್ತು. ಅದಕ್ಕಾಗಿ ಅವರನ್ನು ಬಾಗಲಕೋಟೆಯಲ್ಲಿರುವ ಖಾಸಗಿ ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿತ್ತು.

ಸೋನು ಅವರ ತಾಯಿ ಚಿಕಿತ್ಸೆ ಕೊಡಿಸುತ್ತಿದ್ದು, ಹಣವಿಲ್ಲದೆ ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು.

ಈ ವಿಷಯ ಕಿಚ್ಚ ಸುದೀಪ್​ ಅವರಿಗೆ ತಿಳಿದು, ಕೂಡಲೇ ತಮ್ಮ ಚಾರಿಟಬಲ್​ ಟ್ರಸ್ಟ್​ ವತಯಿಂದ ಸೋನು ಅವರ ತಾಯಿತ ಚಿಕಿತ್ಸೆಗೆ ಹಣ ಸಹಾಯ ಮಾಡಿದ್ದಾರೆ.

ಈ ವಿಷಯವನ್ನು ಸೋನು ಪಾಟೀಲ್​ ವಿಡಿಯೋ ಮೂಲಕ ಕಣ್ಣೀರಿಡುತ್ತಾ ಹೇಳಿಕೊಂಡಿದ್ದಾರೆ.

ಸೋನು ಪಾಟೀಲ್​ ಹಂಚಿಕೊಂಡಿರುವ ಈ ವಿಡಿಯೋ ವೈರಲ್​ ಆಗುತ್ತಿದೆ.

ಸಹಾಯ ಮಾಡಿದ್ದಕ್ಕೆ ಕಿಚ್ಚ ಸುದೀಪ್​ ಅವರಿಗೆ ಸೋನು ಪಾಟೀಲ್​ ಧನ್ಯವಾದ ತಿಳಿಸಿದ್ದಾರೆ.

ಅಂದಾಜು 5 ಲಕ್ಷದ ವರೆಗೂ ಸೋನು ಪಾಟೀಲ್​ ಅವರ ಅಮ್ಮನ ಚಿಕಿತ್ಸೆಗೆ ವೆಚ್ಚ ಮಾಡಿದ್ದಾರಂತೆ ಸುದೀಪ್​.

ಸುದೀಪ್​ ಅವರ ಈ ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.