Kiara-Sidharth: ಕಿಯಾರಾ-ಸಿದ್ದಾರ್ಥ್ ಮದುವೆಗೆ ಅಲಂಕಾರಗೊಂಡ ಅರಮನೆ; ರಾಯಲ್ ರೂಮ್​ಗಳ ಬಾಡಿಗೆ ಕೇಳಿದ್ರೆ ಬೆಚ್ಚಿ ಬೀಳ್ತೀರಾ?

ಬಾಲಿವುಡ್ನ ಲವ್ ಬರ್ಡ್ಸ್ ಕಿಯಾರಾ ಅಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ, ರಾಜಸ್ಥಾನದಲ್ಲಿ ಸಪ್ತಪದಿ ತುಳಿಯಲಿದೆ. ಬಾಲಿವುಡ್ ಮಂದಿಗೆ ಈ ಜೋಡಿ ಅಹ್ವಾನ ನೀಡಿದೆ. ಶಾಹಿದ್ ಕಪೂರ್ ಮತ್ತು ಪತ್ನಿ ಮೀರಾ ರಜಪೂತ್ ಅವರಿಗೂ ಅಹ್ವಾನ ನೀಡಿದ್ದಾರೆ.

ಅಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಕುಟುಂಬಸ್ಥರು ಒಂದು ದಿನ ಮುಂಚಿತವಾಗಿ ರಾಜಸ್ಥಾನದ ಜೈಸಲ್ಮೇರ್ ತಲುಪಲಿದ್ದಾರೆ. ಈ ಹೈಪ್ರೊಫೈಲ್ ಮದುವೆಯಲ್ಲಿ   ಸುಮಾರು 150 ವಿವಿಐಪಿಗಳು ಭಾಗಿಯಾಗಲಿದ್ದಾರೆ.

ಕಿಯಾರಾ-ಸಿದ್ಧಾರ್ಥ್ ಫೆಬ್ರವರಿ 6 ರಂದು ಜೈಸಲ್ಮೇರ್​ನ ಸೂರ್ಯಗಢ್ ಹೋಟೆಲ್​ನಲ್ಲಿ ವಿವಾಹವಾಗಲಿದ್ದಾರೆ. ಹೋಟೆಲ್​​ನಲ್ಲೂ ತಯಾರಿ ಶುರುವಾಗಿದ್ದು, ಭದ್ರತೆಗಾಗಿ ವಿಶೇಷ ವ್ಯವಸ್ಥೆ ಮಾಡಲಾಗಿದೆ. ಮದುವೆಯ ಸಂಪೂರ್ಣ ಕೆಲಸವನ್ನು ಮುಂಬೈನ ದೊಡ್ಡ ವೆಡ್ಡಿಂಗ್ ಪ್ಲಾನರ್ ಕಂಪನಿಗೆ ನೀಡಲಾಗಿದೆ.

ಶಾರುಖ್ ಖಾನ್ ಮಾಜಿ ಅಂಗರಕ್ಷಕ ಯಾಸಿನ್ ಮದುವೆ ಭದ್ರತೆ ಕೆಲಸ ನೋಡಿಕೊಳ್ತಿದ್ದಾರೆ. ಹೋಟೆಲ್ ಸಿಬ್ಬಂದಿ ಕೂಡ ತಮ್ಮ ಮೊಬೈಲ್ ಗಳನ್ನು ಒಳಗೆ ತೆಗೆದುಕೊಂಡು ಹೋಗುವಂತಿಲ್ಲ. ಯಾವುದೇ ಫೋಟೋ ಅಥವಾ ಸೆಲ್ಫಿ ಲೀಕ್ ಆಗದಂತೆ ನಿಗಾವಹಿಸಲಿದ್ದಾರೆ.

ಮುಂಬೈನಿಂದ ಬರುವ ಸಿಬ್ಬಂದಿ ಮೊಬೈಲ್ ಫೋನ್ ಬಳಸುವಂತಿಲ್ಲ. 100ಕ್ಕೂ ಹೆಚ್ಚು ಖಾಸಗಿ ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ.

ಅತಿಥಿಗಳಿಗಾಗಿ 84 ಐಷಾರಾಮಿ ರೂಂಗಳನ್ನು ಕಾಯ್ದಿರಿಸಲಾಗಿದೆ. ಅದೇ ಸಮಯದಲ್ಲಿ, ಅತಿಥಿಗಳಿಗಾಗಿ 70 ಐಷಾರಾಮಿ ವಾಹನಗಳನ್ನು ಬುಕ್ ಮಾಡಲಾಗಿದೆ. ಇದರಲ್ಲಿ ಮರ್ಸಿಡಿಸ್, ಜಾಗ್ವಾರ್ ನಿಂದ BMW ಸೇರಿದ್ದು ವಾಹನಗಳ ಗುತ್ತಿಗೆಯನ್ನು ಜೈಸಲ್ಮೇರ್ನ ಅತಿದೊಡ್ಡ ಟೂರ್ ಆಪರೇಟರ್ ಲಕ್ಕಿ ಟೂರ್ ಮತ್ತು ಟ್ರಾವೆಲ್ಸ್​ಗೆ ನೀಡಲಾಗಿದೆ.

ಕಿಯಾರಾ - ಸಿದ್ಧಾರ್ಥ್ ತಮ್ಮ ಮದುವೆಯ ಬಗ್ಗೆ ಯಾವುದೇ ಘೋಷಣೆ ಮಾಡಿಲ್ಲ. ಈ ಮಾಹಿತಿಯನ್ನು ಸಂಪೂರ್ಣ ಗೌಪ್ಯವಾಗಿಡಲಾಗಿದೆ. ಜೈಸಲ್ಮೇರ್ ಅರಮನೆಯಲ್ಲಿ ಒಂದು ರಾತ್ರಿ ರೂಮ್ ಬಾಡಿಗೆ 1 ಲಕ್ಷ 30 ಸಾವಿರ ಎಂದು ಹೇಳಲಾಗ್ತಿದೆ.

ಕಿಯಾರಾ – ಸಿದ್ಧಾರ್ಥ್ ಜೋಡಿ ಕುಟುಂಬಸ್ಥರು ಹಾಗೂ ಕೆಲವು ವಿಶೇಷ ಸೆಲೆಬ್ರಿಟಿಗಳು, ಸ್ನೇಹಿತರ ಸಮ್ಮುಖದಲ್ಲಿ ವಿವಾಹವಾಗಲಿದ್ದಾರೆ.

ಈ ರಾಯಲ್ ಪ್ಯಾಲೇಸ್‌ ರಾತ್ರಿ ನೋಡಲು ತುಂಬಾ ಬ್ಯುಟಿಫುಲ್ ಆಗಿರುತ್ತದೆ.  ಜಾನಪದ ಹಾಡುಗಳು ಮತ್ತು ಜಾನಪದ ನೃತ್ಯಗಳಂತಹ ವಿವಿಧ ಕಾರ್ಯಕ್ರಮಗಳು ಇಲ್ಲಿ ನಡೆಯುತ್ತವೆ.