Kiara Advani-Sidharth Malhotra: ಫೆಬ್ರವರಿ 6ಕ್ಕೆ ನಡೆಯೋದಿಲ್ಲ ಕಿಯಾರಾ-ಸಿದ್ದಾರ್ಥ್ ಮದುವೆ! ಗ್ರ್ಯಾಂಡ್ ವಿವಾಹದ ಡೇಟ್ ಚೇಂಜ್

ಶಾಹಿದ್ ಕಪೂರ್, ಕರಣ್ ಜೋಹರ್ ಸೇರಿದಂತೆ ಅನೇಕ ಪ್ರಸಿದ್ಧ ಸೆಲೆಬ್ರಿಟಿಗಳು ಈಗಾಗಲೇ ಹೋಟೆಲ್ ಸೂರ್ಯಗಢ್ ತಲುಪಿದ್ದಾರೆ. ಆದ್ರೆ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಅಡ್ವಾಣಿ ಅವರ ವಿವಾಹ ಫೆಬ್ರವರಿ 6 ರಂದು ನಡೆಯೋದಿಲ್ಲ ಎನ್ನಲಾಗ್ತಿದೆ

ಮದುವೆ ಮ್ಯಾನೇಜ್ಮೆಂಟ್ ಉದ್ಯೋಗಿಯೊಬ್ಬರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಸ್ಟಾರ್ ಜೋಡಿ ಸಿದ್-ಕಿಯಾರಾ ವಿವಾಹವು ಫೆಬ್ರವರಿ 6 ರಂದು ನಡೆಯುವುದಿಲ್ಲ ಬದಲಿಗೆ ಫೆಬ್ರವರಿ 7 ರಂದು ನಡೆಯಲಿದೆ. ಹೋಟೆಲ್ನಿಂದ ಮಾಧ್ಯಮದವರನ್ನು ದೂರವಿಡಲು ನಿರ್ಧರಿಸಿದ್ದಾರೆ. ಫೆಬ್ರವರಿ 5 ರಿಂದ 7 ರ ಮದುವೆ ಕಾರ್ಯಗಳು ನಡೆಯಲಿದೆ.

ಬಾಲಿವುಡ್​ನ ಅನೇಕ ದೊಡ್ಡ ವ್ಯಕ್ತಿಗಳು ಇಂದು ಸಂಜೆ ಖಾಸಗಿ ಚಾರ್ಟರ್ ಮೂಲಕ ಮದುವೆಯ ಸ್ಥಳಕ್ಕೆ ಬರಲಿದ್ದಾರೆ. ಬಾಲಿವುಡ್​ನ ಲವ್ ಬರ್ಡ್ಸ್​  ಫೆಬ್ರವರಿ 7 ರಂದು ಸೂರ್ಯಗಢ ನಲ್ಲಿ ಸಪ್ತಪದಿ ತುಳಿಯಲಿದ್ದಾರೆ.

ಫೆಬ್ರವರಿ 6 ರಂದು ಮಧ್ಯಾಹ್ನ 1 ಗಂಟೆಗೆ ಸೂರ್ಯಗಢದ ಆವರಣದಲ್ಲಿ ಮದುವೆ ಕಾರ್ಯ ನಡೆಯಲಿದೆ. ಅತಿಥಿಗಳಿಗೆ ಸ್ವಾಗತ ಭರ್ಜರಿ ಊಟದ ವ್ಯವಸ್ಥೆ ನೀಡಲಾಗಿದೆ. ಫೆಬ್ರವರಿ 6 ರಂದು ಹೋಟೆಲ್​ನ ಸನ್ಸೆಟ್ ಪಾಯಿಂಟ್ ಸನ್ಸೆಟ್ ಪ್ಯಾಟಿಯೊದಲ್ಲಿ ಮ್ಯೂಸಿಕ್ ಕಾರ್ಯಕ್ರಮ ನಡೆಯಲಿದೆ.

ಕಿಯಾರಾ ಮತ್ತು ಸಿದ್ಧಾರ್ಥ್ ಅವರ ಪೋಷಕರು ಮತ್ತು ಅಜ್ಜಿಯರು ಸಹ ಸಂಗೀತ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಫೆಬ್ರವರಿ 7ರಂದು ಬೆಳಿಗ್ಗೆ 10 ಗಂಟೆಗೆ, ಹೋಟೆಲ್​ನಲ್ಲಿ ನಿರ್ಮಿಸಲಾದ ಜೈಸಲ್ಮೇರ್ ಹವೇಲಿ ಮತ್ತು ಥಾರ್ ಹವೇಲಿಯಲ್ಲಿ ಅರಿಶಿನ ಶಾಸ್ತ್ರ ನಡೆಯಲಿದೆ.

ಸಿದ್ಧಾರ್ಥ್ ಮತ್ತು ಕಿಯಾರಾ ಫೆಬ್ರವರಿ 7 ರಂದು ಮಧ್ಯಾಹ್ನ 3 ಗಂಟೆಗೆ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ. ಮದುವೆ ಬಳಿಕ ರಾತ್ರಿ 8 ಗಂಟೆಗೆ ಹೋಟೆಲ್​ನ ಸೆಲೆಬ್ರೇಷನ್ ಲಾನ್​ನಲ್ಲಿ ಆರತಕ್ಷತೆ ನಡೆಯಲಿದೆ.

ಶಾಹಿದ್ ಕಪೂರ್, ಅವರ ಪತ್ನಿ ಮೀರಾ ರಜಪೂತ್, ಆರತಿ ಶೆಟ್ಟಿ, ಶಬಿನಾ ಖಾನ್ ಕೂಡ ಕಿಯಾರಾ-ಸಿದ್ಧಾರ್ಥ್ ಮದುವೆಯಲ್ಲಿ ಪಾಲ್ಗೊಳ್ಳಲು ಆಗಮಿಸಿದ್ದಾರೆ. ಜೈಸಲ್ಮೇರ್ ತಲುಪಿದ ಅತಿಥಿಗಳನ್ನು ರಾಜಸ್ಥಾನಿ ಸಂಪ್ರದಾಯದ ಪ್ರಕಾರ ಸ್ವಾಗತಿಸಲಾಗಿದೆ. ಜನಪದ ಕಲಾವಿದರು ಪೇಟ ಧರಿಸಿ ಹೋಟೆಲ್​ ಹೊರಗೆ ಹಾಗೂ ಒಳಗೆ ನಿಂತಿರುವುದು ಕಂಡು ಬಂತು.

ಕಿಯಾರಾ-ಸಿದ್ಧಾರ್ಥ್ ಅವರ ವಿವಾಹದ ಸ್ಥಳ  ಸೂರ್ಯಾಗಢ ಅರಮನೆ ಸುಮಾರು 65 ಎಕರೆ ಪ್ರದೇಶದಲ್ಲಿ ಹರಡಿದೆ. ಅತ್ಯಂತ ಐಷಾರಾಮಿಯಾಗಿರುವ ಈ ಅರಮನೆಯ ರೂಮ್​ಗಳಲ್ಲಿ ತಂಗಲು 1 ರಾತ್ರಿಯ ಬಾಡಿಗೆ  18 ರಿಂದ 35 ಸಾವಿರ ರೂ. ಇದೆ.