R Madhavan Son Vedaant: ಖೇಲೋ ಇಂಡಿಯಾದಲ್ಲಿ ಮಿಂಚಿದ ಮಾಧವನ್ ಪುತ್ರ; 5 ಚಿನ್ನ, 2 ಬೆಳ್ಳಿ ಪದಕ ಗೆದ್ದು ವೇದಾಂತ್ ಸಾಧನೆ

ನಟ ಮಾಧವನ್ ಪುತ್ರ ವೇದಾಂತ್ ಖೇಲೋ ಇಂಡಿಯಾ ಯೂತ್ ಗೇಮ್ಸ್​ನಲ್ಲಿ ಮಿಂಚಿದ್ದಾರೆ. ವೇದಾಂತ್ 5 ಚಿನ್ನ ಮತ್ತು ಎರಡು ಬೆಳ್ಳಿ ಸೇರಿದಂತೆ  7 ಪದಕಗಳನ್ನು ಗೆದ್ದಿದ್ದಾರೆ.

ನಟ ಮಾಧವನ್ ತನ್ನ ಮಗನ ಪದಕ ಗೆದ್ದ ಖುಷಿಯನ್ನು ಸೋಶಿಯಲ್ ಮೀಡಿಯಾ ಮೂಲಕ ಹಂಚಿಕೊಂಡಿದ್ದಾರೆ. ವೇದಾಂತ್ ಜೊತೆಗೆ ಪದಕ ಗೆದ್ದ ಇತರ ಆಟಗಾರರನ್ನು ಸಹ ನಟ ಅಭಿನಂದಿಸಿದ್ದಾರೆ.

ಯಂಗ್ ಸ್ವಿಮ್ಮರ್ ವೇದಾಂತ್ 1500ಮೀ, 400ಮೀ ಮತ್ತು 800ಮೀ ಸ್ಪರ್ಧೆಗಳಲ್ಲಿ ಬೆಳ್ಳಿ ಪದಕಗಳನ್ನು ಗೆದ್ದಿದ್ದಾರೆ. ಖೇಲೋ ಇಂಡಿಯಾದಲ್ಲಿ 161 ಪದಕಗಳೊಂದಿಗೆ ಮೊದಲ ಸ್ಥಾನ ಪಡೆದಿರುವ ಮಹಾರಾಷ್ಟ್ರಕ್ಕೆ ಮಾಧವನ್ ಅಭಿನಂದನೆ ಸಲ್ಲಿಸಿದರು.

ಮಹಾರಾಷ್ಟ್ರದ ಆಟಗಾರರು ಕ್ರೀಡಾಕೂಟದಲ್ಲಿ 56 ಚಿನ್ನ, 55 ಬೆಳ್ಳಿ ಮತ್ತು 50 ಕಂಚಿನ ಪದಕಗಳನ್ನು ಗೆದ್ದಿದ್ದಾರೆ. ವೇದಾಂತ್ ಸ್ವಿಮ್ಮಿಂಗ್​ನಲ್ಲಿ ಮಹಾರಾಷ್ಟ್ರವನ್ನು ಪ್ರತಿನಿಧಿಸಿದ್ದರು.

2 ವರ್ಷಗಳ ಹಿಂದೆ ಮಾಧವನ್ ತಮ್ಮ ಮಗನಿಗೆ ಸ್ವಿಮ್ಮಿಂಗ್ ತರಬೇತಿ ಕೊಡಿಸಲೆಂದೇ ಕುಟುಂಬ ಸಮೇತ ದುಬೈಗೆ ತೆರಳಿದ್ದರು.

ವೇದಾಂತ್ ಗುರಿ ಮುಂದಿನ ಒಲಿಂಪಿಕ್ಸ್ ಆಗಿದೆ. ವೇದಾಂತ್ ಭಾರತಕ್ಕೆ ಒಲಂಪಿಕ್ ಪದಕ ಗೆಲ್ಲಲಿ ಎಂದು ಮಾಧವನ್ ಅಭಿಮಾನಿಗಳು ಕಾಯುತ್ತಿದ್ದಾರೆ.

ಆರ್. ಮಾಧವನ್ ಪುತ್ರ ವೇದಾಂತ್  ಕಳೆದ ವರ್ಷ ಜುಲೈನಲ್ಲಿ ನಡೆದ ಜೂನಿಯರ್ ರಾಷ್ಟ್ರೀಯ ಸ್ವಿಮ್ಮಿಂಗ್​ ಚಾಂಪಿಯನ್‌ ಶಿಪ್‌ನಲ್ಲಿ 1500 ಮೀಟರ್ ಫ್ರೀಸ್ಟೈಲ್‌ನಲ್ಲಿ ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದರು.