Radhika Pandit: ಚಳಿ, ಕೇಕ್, ಮುದ್ದಾಟ! ರಾಧಿಕಾ ಬರ್ತ್​ಡೇ ಹೀಗಿತ್ತು

ಸ್ಯಾಂಡಲ್​ವುಡ್ ನಟಿ ರಾಧಿಕಾ ಪಂಡಿತ್ ಅವರು ಬರ್ತ್​ಡೇ ಸೆಲೆಬ್ರೇಷನ್ ಫೋಟೋಸ್ ಶೇರ್ ಮಾಡಿದ್ದಾರೆ. ನಟಿ ಪತಿ ಯಶ್ ಜೊತೆ ಚಂದದ ಫ್ರುಟ್ ಕೇಕ್ ಕಟ್ ಮಾಡಿದ್ದಾರೆ.

ವೈಟ್ & ವೈಟ್ ಔಟ್​ಫಿಟ್​ನಲ್ಲಿ ಕಂಡು ಬಂದ ರಾಧಿಕಾ ಪಂಡಿತ್ ಹೈನೆಕ್ ಡ್ರೆಸ್ ಧರಿಸಿದ್ದರು. ಯಶ್ ಹಾಗೂ ಮಗಳು ಐರಾ ಹಾಗೂ ಯಥರ್ವ್ ಜೊತೆ ಕೇಕ್ ಕಟ್ ಮಾಡಿದ್ದಾರೆ. ಐರಾ ಅಮ್ಮನಿಗೆ ಸಹಾಯ ಮಾಡುವುದನ್ನು ಫೋಟೋದಲ್ಲಿ ಕಾಣಬಹುದು.

ಹಾಗೆಯೇ ರಾಧಿಕಾ ಪಂಡಿತ್ ಅವರ ತಾಯಿ ಹಾಗೂ ತಂದೆ ಕೂಡಾ ಮಗಳ ಬರ್ತ್​ಡೇ ಆಚರಣೆಯಲ್ಲಿ ಜೊತೆಯಾಗಿದ್ದಾರೆ. ಎಲ್ಲರೂ ಖುಷಿಯಲ್ಲಿರುವುದು ಕಂಡುಬಂದಿದೆ.

ಫೋಟೋಗೆ ಕ್ಯಾಪ್ಶನ್ ಕೊಟ್ಟ ರಾಧಿಕಾ ಅವರು ಚಳಿ, ಕೇಕ್ ಮತ್ತು ಮುದ್ದಾಟ ಎಂದು ಕ್ಯಾಪ್ಶನ್ ಕೊಟ್ಟಿದ್ದಾರೆ. ಇದನ್ನು ನೋಡಿದರೆ ನಟಿ ತಮ್ಮ ಬರ್ತ್​ಡೇ ಸೆಲೆಬ್ರೇಷನ್​ಗೆ ಯಾವುದೋ ಚಳಿ ಪ್ರದೇಶಕ್ಕೆ ಹೋಗಿದ್ದಾರೆ ಎನಿಸುತ್ತದೆ.

ಕ್ಯುಟ್ ಕಪಲ್ ಮೊಮೆಂಟ್ ಫೋಟೋ ಕೂಡಾ ಶೇರ್ ಮಾಡಿದ್ದಾರೆ. ಇದರಲ್ಲಿ ಯಶ್ ಹಾಗೂ ರಾಧಿಕಾ ಪಂಡಿತ್ ಜೊತೆಯಾಗಿ ಕುಳಿತು ಕೇಕ್ ಸವಿಯುವುದನ್ನು ಕಾಣಬಹುದು.

ರಾಧಿಕಾ ಪಂಡಿತ್ ಶೇರ್ ಮಾಡಿದ ಫೋಟೋಗಳಿಗೆ ಪೋಸ್ಟ್ ಮಾಡಿದ 20 ನಿಮಿಷದಲ್ಲಿ 6 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿದೆ. ಅಭಿಮಾನಿಗಳು ನಟಿಗೆ ಮತ್ತೊಮ್ಮೆ ಬರ್ತ್​ಡೇ ವಿಶ್ ತಿಳಿಸಿದ್ದಾರೆ.

ಯಥರ್ವ್ ಹಾಗೂ ಐರಾ ಕೂಡಾ ಚಳಿಗೆ ಧರಿಸುವಂತಹ ಬೆಚ್ಚಗಿನ ಉಡುಪುಗಳನ್ನು ಧರಿಸಿದ್ದರು. ಯಶ್ ಕೂಡಾ ವಿಂಟರ್ ಟೋಪಿ ಧರಿಸಿದ್ದರು.