ಮಾರ್ಕೆಟ್​ಗೆ ಬಂದ KGF​ ದೊಡ್ಡಮ್ಮ! ಹೋಳಿ ಹಬ್ಬಕ್ಕೆ ಫುಲ್ ಜೋಶ್

ಕೆಜಿಎಫ್​ನ ದೊಡ್ಡಮ್ಮ ಯಾರಿಗೆ ನೆನಪಿಲ್ಲ ಹೇಳಿ? ಆ್ಯಕ್ಷನ್ ಮೂವಿ ಇಷ್ಟಪಡುವ ಯಾರೇ ಆದರೂ ಇದನ್ನು ಮರೆಯಲು ಸಾಧ್ಯವೇ ಇಲ್ಲ. ಇದೀಗ ಪಶ್ಚಿಮ ಬಂಗಾಳದ ಜಲ್ಪೈಗುರಿಯ ಮಾರ್ಕೆಟ್​ಗೆ ಕೆಜಿಎಫ್​ನ ದೊಡ್ಡಮ್ಮ ಕಾಣೋಕೆ ಸಿಗುತ್ತಿದ್ದಾರೆ. ಪ್ರತಿ ಶಾಪ್​ನಲ್ಲೂ ದೊಡ್ಡಮ್ಮನ ಹವಾ.

ಕೆಜಿಎಫ್ ಸಿನಿಮಾದಲ್ಲಿ ದೊಡ್ಡಮ್ಮನ ಸೀನ್ ಪ್ರೇಕ್ಷಕರಿಗೆ ಭಾರೀ ಇಷ್ಟವಾಗಿತ್ತು. ಬೃಹತ್ ಗನ್ ಹಿಡಿದು ಅದನ್ನು ಯಶ್ ಆಪರೇಟ್ ಮಾಡುವ ರೀತಿಯೂ ಇಷ್ಟವಾಗಿತ್ತು. ಇದೀಗ ಅದೇ ಕಾನ್ಸೆಪ್ಟ್​ನಲ್ಲಿ ಈ ಬಣ್ಣದ ಗನ್ ತಯಾರಿಸಲಾಗಿದೆ.

ಹೋಳಿ ಹಬ್ಬದ ಸಂಭ್ರಮ ಎಲ್ಲೆಡೆ ಮನೆ ಮಾಡಿದ್ದು ಎಲ್ಲೆಡೆ ಬಣ್ಣದ ಹಬ್ಬದ ಅಬ್ಬರ ಶುರುವಾಗಿದೆ. ಸುಂದರವಾದ ಬಣ್ಣದ ರಾಶಿ, ಪಿಚ್ಕಾರಿಗಳು ಅಂಗಡಿ ಮುಂದೆ ತೂಗುತ್ತಿದೆ. ಈ ಸಂದರ್ಭ ಪಶ್ಚಿಮ ಬಂಗಾಳದ ಹೋಳಿ ಮಾತ್ರ ಸ್ಪೆಷಲ್ ಆಗಿದೆ.

ಜಲ್ಪೈಗುರಿಯ ಮಾರ್ಕೆಟ್​ನ ಬಣ್ಣದ ಅಂಗಡಿಗಳಲ್ಲಿ ದೊಡ್ಡಮ್ಮ ಪಿಚ್ಕಾರಿ ಸೌಂಡ್ ಮಾಡ್ತಿದೆ. ಕೆಜಿಎಫ್ ಸಿನಿಮಾದಲ್ಲಿ ಕಲಶ್ನಿಕೋವ್ ಗನ್ ಪ್ರಾಮುಖ್ಯತೆ ಹೆಚ್ಚಿದೆ. ಅದೇ ರೀತಿ ಈ ಬಾರಿ ಹೋಳಿ ಸಂದರ್ಭ ಈ ದೊಡ್ಡಮ್ಮ ಗನ್ ಹವಾ ಕೂಡಾ ಜೋರಾಗಿದೆ.

ಇದೀಗ ಮಾರ್ಕೆಟ್​, ಬಜಾರ್​ಗಳಲ್ಲಿ ಕಾಣಸಿಗುತ್ತಿರುವ ಬೃಹತ್ ಗಾತ್ರದ ದೊಡ್ಡಮ್ಮ ಪಿಚ್ಕಾರಿ ಹೈಪ್ ಪಡೆದುಕೊಂಡಿದೆ. ವಿಶೇಷವಾಗಿ ಚಿಕ್ಕ ಮಕ್ಕಳು ಹಾಗೂ ಯುವಜನರನ್ನು ತನ್ನತ್ತ ಆಕರ್ಷಿಸುತ್ತಿದೆ.

ಸದ್ಯದಲ್ಲಿಯೇ ಡೋಲ್ ಉತ್ಸವ ನಡೆಯಲಿದ್ದು ಈ ಬಣ್ಣಗಳ ಹಬ್ಬವನ್ನು ವಿಶೇಷವಾಗಿ ಮಕ್ಕಳು ತುಂಬಾ ಎಂಜಾಯ್ ಮಾಡುತ್ತಾರೆ. ಮಕ್ಕಳು ಬೆಳಗ್ಗಿನಿಂದಲೇ ಬಣ್ಣ ಹಾಗೂ ಪಿಚ್ಕಾರಿ ಹಿಡಿದು ಬಣ್ಣದ ಹಬ್ಬದಲ್ಲಿ ಪಾಲ್ಗೊಳ್ಳುತ್ತಾರೆ.

ಎದುರು ಯಾರೇ ಸಿಕ್ಕಿದರೂ ಅಂದು ಬಣ್ಣ ಎರಚುವ ಸ್ವಾತಂತ್ರ್ಯವಿದೆ. ಜನರು ಬಣ್ಣದ ನೀರನ್ನು ಎರಚುತ್ತಾ, ಬಣ್ಣವನ್ನು ಚೆಲ್ಲುತ್ತಾ ಹಬ್ಬವನ್ನು ಸಂಭ್ರಮದಿಂದ ಆಚರಿಸುತ್ತಾರೆ.

ಬೀದಿಯಲ್ಲಿರುವ ಬಣ್ಣದ ಅಂಗಡಿಗಳೆಲ್ಲ ಕಲರ್​ಫುಲ್ ಆಗಿ ಕಂಗೊಳಿಸುತ್ತವೆ. ಬಹಳಷ್ಟು ರೀತಿಯ, ಶೇಪ್​ನಲ್ಲಿರುವಂತಹ ಪಿಚ್ಕಾರಿಗಳು ಸಹ ಮಾರ್ಕೆಟ್​ಗೆ ಬಂದಿವೆ.

ಕೆಂಪು, ನೀಲಿ ಬಣ್ಣದ ಹೇರ್​ಮಾಸ್ಕ್​ಗಳು ಡಿಫರೆಂಟ್ ಡಿಸೈನ್​ನಲ್ಲಿ ಬಂದಿವೆ. ಹೀಗಾಗಿ ಯುವಜನರೆಲ್ಲ ಅಂಗಡಿಗಳ ಮುಂದೆ ಶಾಪಿಂಗ್​ನಲ್ಲಿ ಬ್ಯುಸಿಯಾಗಿದ್ದಾರೆ.

ಆದರೆ ಇವುಗಳಲ್ಲಿ ಎಲ್ಲದರಲ್ಲೂ ಸದ್ಯ ಅತ್ಯಧಿಕ ಸೇಲ್ ಆಗುತ್ತಿರುವುದು ಕೆಜಿಎಫ್ ದೊಡ್ಡಮ್ಮನಂತಿರುವ ಪಿಚ್ಕಾರಿ. ದೊಡ್ಡಮ್ಮ ಎಂದೇ ಹೇಳಿಕೊಂಡು ಈ ಗನ್ ಗ್ರಾಹಕರನ್ನು ಸೆಳೆಯುತ್ತಿದೆ.

ಅದೇ ರೀತಿ ಪಿಚ್ಕಾರಿಗಳಂತೆ ಇಲ್ಲಿ ಮಾಸ್ಕ್​ಗಳಿಗೂ ಬೇಡಿಕೆ ಹೆಚ್ಚಾಗಿದೆ. ಭರ್ಜರಿಯಾಗಿ ಜನರು ಈ ಮಾಸ್ಕ್ ಖರೀದಿ ಮಾಡಿಕೊಂಡು ಬಣ್ಣದ ಪಿಚ್ಕಾರಿ ಪರ್ಚೇಸ್ ಮಾಡುತ್ತಿದ್ದಾರೆ.

ಈ ನಡುವೆ ಹರ್ಬಲ್ ಬಣ್ಣ ಕೂಡಾ ಮಾರ್ಕೆಟ್​ಗೆ ಬಂದಿದೆ. ಆದರೆ ಬೆಲೆ ಸ್ವಲ್ಪ ಜಾಸ್ತಿಯೇ ಇದೆ. ಆದರೂ ಜನ ತಲೆಕೆಡಿಸಿಕೊಳ್ಳದೆ ಬಣ್ಣ ಖರೀದಿಸುತ್ತಿದ್ದಾರೆ.

ಕೊರೋನಾದಿಂದಾಗಿ ಕಳೆದ ಎರಡು ವರ್ಷ ಜನರು ಸರಿಯಾಗಿ ಹೋಳಿ ಹಬ್ಬವನ್ನು ಆಚರಿಸಲು ಸಾಧ್ಯವಾಗಿರಲಿಲ್ಲ. ಹಾಗಾಗಿ ಜನ ಸಾಮಾನ್ಯರು ಚಿಂತೆ ಬಿಟ್ಟು ಈ ಸಲ ಖುಷಿಯಿಂದ ಹಬ್ಬ ಆಚರಿಸಲು ರೆಡಿಯಾಗಿದ್ದಾರೆ.

ಈ ಎಲ್ಲ ಸಿದ್ಧತೆಗಳ ಮಧ್ಯೆ ಕೆಜಿಎಫ್ ದೊಡ್ಡಮ್ಮ ಜನರ ಮೇಲೆ ಬಣ್ಣದ ನೀರು ಎರಚೋಕೆ ರೆಡಿಯಾಗಿದ್ದು ಯುವಜನರು ಆಸಕ್ತಿಯಿಂದ ಇದನ್ನು ಖರೀದಿಸುತ್ತಿದ್ದಾರೆ.

ತಮ್ಮ ಕುಟುಂಬ, ಸ್ನೇಹಿತರು ಹಾಗೂ ಆಪ್ತರೊಂದಿಗೆ ದೊಡ್ಡಮ್ಮನ ಜೊತೆ ಹೋಳಿ ಮಾಡೋ ಸಿದ್ಧತೆಯಲ್ಲಿ ಪಶ್ಚಿಮ ಬಂಗಾಳದ ಜನ. ಅಂತೂ ಈ ಸಲ ಹೋಳಿ ಸ್ಪೆಷಲ್ ಆಗೋದ್ರಲ್ಲಿ ಸಂದೇಹವೇ ಇಲ್ಲ.