Raveena Tondon: ಬಾಲಿವುಡ್ ಮಂದಿ KGF ನಟಿಯನ್ನು ಏನೆಂದು ಕರೆಯುತ್ತಿದ್ದರು ಗೊತ್ತಾ? ಟಾರ್ಚರ್ ಆಗ್ತಿತ್ತು ಎಂದ ರವೀನಾ

ಕೆಜಿಎಫ್ 2 ಸಿನಿಮಾದಲ್ಲಿ ರಮಿಕಾ ಆಗಿ ಮಿಂಚಿದ ನಟಿ ರವೀನಾ ಟಂಡನ್ ಬಾಲಿವುಡ್​ನ ಟಾಪ್ ನಟಿಯರಲ್ಲಿ ಒಬ್ಬರು. ಸ್ಟಾರ್ ನಟರ ಜೊತೆ ಜೋಡಿಯಾಗಿ ಸಿನಿಪ್ರೇಕ್ಷಕರನ್ನು ರಂಜಿಸಿದ್ದರು ಈ ನಟಿ.

ಆದರೆ ನಟಿಗೆ ಬಾಲಿವುಡ್​ನಲ್ಲಿ ಒಂದು ವಿಶೇಷ ಹೆಸರಿದೆ. ಅಲ್ಲಿ ಅವರನ್ನು ತೊಡೆಗಳ ರಾಣಿ ಎಂದೇ ಕರೆಯುತ್ತಾರೆ. ಇದೇನು ಹೊಸದಲ್ಲ, ಚಿತ್ರರಂಗದಲ್ಲಿ ನಟಿಯರಿಗೆ ಹೀಗೆ ವಿಶೇಷಣೆ ಕೊಡುತ್ತಲೇ ಇರುತ್ತಾರೆ.

ರವೀನಾ ಅವರನ್ನು ದುರಹಂಕಾರಿ ಎಂದೂ ಕರೆಯಲಾಗುತ್ತಿತ್ತು. ನೇರವಾಗಿ ನೋ ಹೇಳಿದಾಗ ಬಹಳಷ್ಟು ಸಿನಿಮಾ ಅವಕಾಶಗಳು ತಪ್ಪಿ ಹೋದವು ಎಂದು ಕೂಡಾ ರವೀನಾ ರಿವೀಲ್ ಮಾಡಿದ್ದಾರೆ.

ಇತ್ತೀಚೆಗೆ ನೀಡಿರುವ ಇಂಟರ್​ವ್ಯೂನಲ್ಲಿ ನಟಿ ತಾವು ಅನುಭವಿಸಿದ ಬಾಡಿ ಶೇಮಿಂಗ್ ಅನುಭವದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ಅಂದಿನ ಕೆಲ ಗಾಸಿಪ್ ಮ್ಯಾಗಜೀನ್‌ಗಳಲ್ಲಿ ಇಂಥದ್ದೆಲ್ಲ ವಿಶೇಷಣೆ ಕೊಟ್ಟು ನಟಿಯರ ಬದುಕೇ ಹಾಳಾಗುತ್ತಿತ್ತು ಎಂದೂ ರವೀನಾ ತಿಳಿಸಿದ್ದಾರೆ.

90ರ ದಶಕದ ಗಾಸಿಪ್ ಮ್ಯಾಗಜೀನ್‌ಗಳು ಅತ್ಯಂತ ಕೆಟ್ಟದಾಗಿದ್ದವು. ಒಬ್ಬರನ್ನು ಕೆಳಗಿಳಿಸಿ ಒಬ್ಬರನ್ನು ಮೇಲೇರಿಸಲು ಅವರು ದೇಹದ ಭಾಗಗಳನ್ನು ಉಲ್ಲೇಖಿಸಿ ಬರೆಯುತ್ತಿದ್ದರು. ಇಂದು ಅವರು ದೊಡ್ಡ ಸ್ತ್ರೀವಾದಿಗಳಾಗಿ ಸುತ್ತಾಡುತ್ತಿದ್ದಾರೆ ಎಂದಿದ್ದಾರೆ ನಟಿ.

ನನಗೆ ಸಾಕಷ್ಟು ಅಡ್ಡ ಹೆಸರುಗಳನ್ನು ಇಟ್ಟಿದ್ದರು. ಬಿಚ್ಚಮ್ಮ, ತೊಡೆಗಳ ರಾಣಿ ಹೀಗೆ ಹತ್ತು ಹಲವು ಹೆಸರುಗಳಿದ್ದವು. ನಾನು ಆಗ ದಪ್ಪಗಿದ್ದೆ. ಹದಿನಾರುವರೆ ವರ್ಷಕ್ಕೆ ಚಿತ್ರರಂಗಕ್ಕೆ ಬಂದವಳು. ನನಗೆ ಟೀನೇಜ್‌ನಲ್ಲೂ ಬೇಬಿ ಫ್ಯಾಟ್ ಇತ್ತು. ಅದು ಇನ್ನು ಹೋಗಿಲ್ಲ. ಈಗ ಅದರ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಳ್ಳುವುದಿಲ್ಲ. ನಾನು ಹಾಗೆಯೇ ಇರುತ್ತೇನೆ ಎಂದಿದ್ದಾರೆ.

ನನ್ನಂತೆ ಬಹಳಷ್ಟು ನಟಿಯರಿಗೆ ಹೀಗೆ ಹೊಸ ಹೊಸ ಹೆಸರುಗಳನ್ನು ಇಡುತ್ತಿದ್ದರು. ಕೆಲವರು ಹೀರೋಗಳ ಪ್ರೀತಿಯಲ್ಲಿ ಬೀಳುತ್ತಿದ್ದರು. ಆ ಹೀರೊಗಳು ಹೇಳಿದ್ದನ್ನೇ ಬರೆಯುತ್ತಿದ್ದರು. ಆತ ಆಕೆಯನ್ನು ಕೆಡವಬೇಕು ಎಂದುಕೊಂಡರೆ ಆಕೆಯ ಕೆರಿಯರ್ ಅಲ್ಲಿಗೆ ಕೊನೆ. ಹೀರೊಗಳ ಕುಮ್ಮಕ್ಕಿನಲ್ಲಿ ಸುಳ್ಳು ಸುಳ್ಳು ಬರೆಯಲಾಗುತ್ತಿತ್ತು ಎಂದಿದ್ದಾರೆ ರವೀನಾ.

ಕೆಜಿಎಫ್​ನಲ್ಲಿ ನಟಿಸಿದ ರವೀನಾ ನಟನೆಗೆ ದೇಶಾದ್ಯಂತ ಸಿನಿ ಪ್ರೇಕ್ಷಕರು ಫಿದಾ ಆದರು. ಅವರ ಅಭಿನಯಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಯಿತು.