Prashanth Neel: KGF ಡೈರೆಕ್ಟರ್ ಪ್ರಶಾಂತ್ ನೀಲ್ ಅವರ ಸಲಾರ್ ಬಗ್ಗೆ ಹೊಸ ಅಪ್ಡೇಟ್ಸ್

ಕೆಜಿಎಫ್ ಡೈರೆಕ್ಟರ್ ಪ್ರಶಾಂತ್ ನೀಲ್ ನಿರ್ದೇಶನದ ಸಲಾರ್ ಸಿನಿಮಾ ಎಲ್ಲಿಗೆ ಬಂತು? ಏನೆಲ್ಲ ಆಗಿದೆ? ಸಿನಿಮಾ ಮುಗೀತಾ ಇಲ್ವಾ? ಈ ಎಲ್ಲ ಪ್ರಶ್ನೆಗೆ ಈಗ ಒಂದಷ್ಟು ಸುದ್ದಿ ರೂಪದಲ್ಲಿ ಉತ್ತರ ಸಿಕ್ಕಿದೆ. ಆ ಮಾಹಿತಿ ಒಟ್ಟು ಚಿತ್ರಣ ಇಲ್ಲಿದೆ ಓದಿ.

ಟಾಲಿವುಡ್‌ ಡಾರ್ಲಿಂಗ್ ಪ್ರಭಾಸ್ ಅಭಿನಯದ ಸಲಾರ್ ಚಿತ್ರದ ಚಿತ್ರೀಕರಣ ಬಹು ದಿನಗಳಿಂದಲೂ ನಡೀತಾನೇ ಇದೆ. ಆದರೆ ಯಾವುದು ಇನ್ನೂ ಪೂರ್ಣಗೊಂಡಿಲ್ಲ. ಹಾಗಿರೋವಾಗಲೇ ಈ ಚಿತ್ರದ ಶೂಟಿಂಗ್ ಮಾಹಿತಿ ಹೊರ ಬಿದ್ದಿದೆ.

ಟಾಲಿವುಡ್‌ನ ಸಲಾರ್ ಸಿನಿಮಾವನ್ನ ಕನ್ನಡದ ಉಗ್ರಂ ಸಿನಿಮಾ ರಿಮೇಕ್ ಅನ್ನೋ ಸುದ್ದಿನೂ ಇದೆ. ಆದರೆ ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಇದನ್ನ ತಳ್ಳಿಹಾಕಿದ್ದಾರೆ. ಇನ್ನೂ ಮೂರು ತಿಂಗಳಲ್ಲಿ ಸಲಾರ್ ಚಿತ್ರದ ಶೂಟಿಂಗ್ ಪೂರ್ಣ ಆಗುತ್ತದೆ ಅಂತಲೂ ಹೇಳಿದ್ದರು.

ಸಲಾರ್ ಚಿತ್ರದ ಶೂಟಿಂಗ್ ಕೆಲಸ ಇನ್ನೂ ಏನೂ ಜಾಸ್ತಿ ಇಲ್ಲ ಬಿಡಿ. ಇನ್ನೂ 15 ದಿನ ಶೂಟಿಂಗ್ ಕೆಲಸ ಮಾತ್ರ ಬಾಕಿ ಇದೆ. ಇನ್ನೇನು ಈ ಬಾಕಿ ಉಳಿದ ಕೆಲಸದ ಶೂಟಿಂಗ್ ಅನ್ನು ಸಲಾರ್ ಡೈರೆಕ್ಟರ್ ಶುರು ಮಾಡಲಿದ್ದಾರೆ.

ಮಲಯಾಳಂ ನಾಯಕ ಪೃಥ್ವಿರಾಜ್ ಸುಕುಮಾರನ್ ಕೂಡ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಇವರ ಪಾತ್ರದ ಚಿತ್ರೀಕರಣದೊಂದಿಗೆ ಸಲಾರ್ ಕೊನೆಯ ಹಂತದ ಚಿತ್ರೀಕರಣ ಪೂರ್ಣಗೊಳ್ಳಲಿದೆ.

ಸಲಾರ್ ಸಿನಿಮಾದ ಪೋಸ್ಟ್ ಪ್ರೋಡಕ್ಷನ್ ಕೆಲಸವೂ ಈಗಾಗಲೇ ಶುರು ಆಗಿದೆ. ಒಂದು ಕಡೆಗೆ ಶೂಟಿಂಗ್ ಇನ್ನೂ ಒಂದು ಕಡೆಗೆ ಚಿತ್ರೀಕರಣ ಅನ್ನೋ ಹಾಗೆ ಒಟ್ಟೊಟ್ಟಿಗೆ ಪೋಸ್ಟ್ ಪ್ರೋಡಕ್ಷನ್ ಕಲೆಸ ಕೂಡ ನಡೆಯುತ್ತಿದೆ.

ಸಲಾರ್ ಚಿತ್ರದ ಶೂಟಿಂಗ್ ಕೆಲಸ ಮುಗಿಸಿದ್ಮೇಲೆ ಡೈರೆಕ್ಟರ್ ಪ್ರಶಾಂತ್ ನೀಲ್, ಜೂನಿಯರ್ ಎನ್‌.ಟಿ.ಆರ್.ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿ ಆಗಲಿದ್ದು, ಸದ್ಯ ಸಲಾರ್ ಸಿನಿಮಾದ ಕೊನೆಯ ಹಂತದ ಚಿತ್ರೀಕರಣದಲ್ಲಿ ಪ್ರಶಾಂತ್ ನೀಲ್ ಬ್ಯುಸಿ ಆಗಿದ್ದಾರೆ.