KGF Chapter 2: ಕೆಜಿಎಫ್-2 ಸೆಟ್​ನಲ್ಲಿ ಸರ್​ಪ್ರೈಸ್​​: ಅನಂತ್ ನಾಗ್​ ಜಾಗಕ್ಕೆ ಮತ್ತೋರ್ವ ಸ್ಟಾರ್ ನಟ?

ಕೆಜಿಎಫ್ 2 ಈಗ ಕೇವಲ ಕನ್ನಡ ಚಿತ್ರವಾಗಿ ಮಾತ್ರ ಉಳಿದಿಲ್ಲ. ಬಾಲಿವುಡ್​, ಟಾಲಿವುಡ್, ಕಾಲಿವುಡ್, ಮಾಲಿವುಡ್ನಲ್ಲೂ ಈ ಸಿನಿಮಾಗೆ ಭಾರೀ ಬೇಡಿಕೆ ಸೃಷ್ಟಿಯಾಗಿದೆ.

ಬಾಲಿವುಡ್ ಖ್ಯಾತ ನಟ ಸಂಜಯ್ ದತ್, ರವೀನಾ ಟಂಡನ್​ ಚಿತ್ರತಂಡ ಸೇರಿಕೊಂಡಿದ್ದಾರೆ.ಇದು ಚಿತ್ರದ ತೂಕವನ್ನು ಮತ್ತಷ್ಟು ಹೆಚ್ಚಿಸಿದೆ.

ಇದೇ ಅಕ್ಟೋಬರ್ ತಿಂಗಳಲ್ಲಿ ಸಿನಿಮಾ ತೆರೆಗೆ ಬರಲಿದೆ ಎಂದು ಹೇಳಲಾಗಿತ್ತು. ಆದರೆ, ಕೊರೋನಾ ವೈರಸ್​ನಿಂದಾಗಿ ಬಾಕಿ ಇರುವ ಚಿತ್ರದ ಶೂಟಿಂಗ್​ ಪೂರ್ಣಗೊಂಡಿಲ್ಲ. ಹೀಗಾಗಿ ಲಾಕ್​ಡೌನ್​ ಪೂರ್ಣಗೊಂಡ ಮೇಲೆ ಸಿನಿಮಾ ಚಿತ್ರೀಕರಣ ಆರಂಭಿಸಿದರಾಯಿತು ಎಂಬುದು ಸಿನಿಮಾ ತಂಡ ಆಲೋಚನೆ ಆಗಿತ್ತು.

ಲಾಕ್​ಡೌನ್​ ಪೂರ್ಣಗೊಂಡ ಬೆನ್ನಲ್ಲೇ ಬೆಂಗಳೂರಿನ ಮಿನರ್ವ್​ ಮಿಲ್​ನಲ್ಲಿ ಸಿನಿಮಾ ಸೆಟ್​ ಕೂಡ ಹಾಕಲಾಗಿತ್ತು. ಆ ವೇಳೆಗೆ ಬೆಂಗಳೂರಲ್ಲಿ ಲಾಕ್​ಡೌನ್​ ಘೋಷಣೆ ಆಗಿತ್ತು. ಹೀಗಾಗಿ ಚಿತ್ರದ ಶೂಟಿಂಗ್​ ಮುಂದೂಡತ್ತಲೇ ಬಂದಿತ್ತು ಚಿತ್ರತಂಡ. ಕೊನೆಗೂ ಸಿನಿಮಾ ಶೂಟಿಂಗ್​ಗೆ ಮುಹೂರ್ತ ಕೂಡಿ ಬಂದಿದೆ.

ಇಂದಿನಿಂದ ಕೆಜಿಎಫ್​ ಚಿತ್ರದ ಶೂಟಿಂಗ್​ ಆರಂಭವಾಗಿದೆ. ಇನ್ನೊಂದು ತಿಂಗಳ ಕಾಲ ಸಿನಿಮಾದ ಶೂಟಿಂಗ್​ ನಡೆಯಲಿದೆ.

ಈ ಮಧ್ಯೆ ಇಂದು ಚಿತ್ರತಂಡ ಸರ್​ಪ್ರೈಸ್​ ಒಂದನ್ನು ನೀಡಿದೆ. ಅದೇನೆಂದರೆ ಸಿನಿಮಾದಲ್ಲಿ ಪ್ರಕಾಶ್​ ರಾಜ್​ ಇರೋ ಬಗ್ಗೆ ಮಾಹಿತಿ ಹೊರ ಹಾಕಿದೆ.

ಹೌದು, ಪ್ರಕಾಶ್​ ರಾಜ್​ ಇಂದಿನಿಂದ ಕೆಜೊಎಫ್​ 2 ಚಿತ್ರದ ಶೂಟಿಂಗ್​ನಲ್ಲಿ ಭಾಗವಹಿಸುತ್ತಿದ್ದಾರೆ. ಅಚ್ಚರಿ ಎಂದರೆ, ​ ಅನಂತ್​ನಾಗ್ ಕೆಜಿಪ್​ ಮೊದಲ ಅಧ್ಯಾಯದಲ್ಲಿ ಯಾವ ಗೆಟಪ್​ನಲ್ಲಿದ್ದರೂ ಅದೇ​ ಗೆಟಪ್​ನಲ್ಲೇ ಪ್ರಕಾಶ್​ ರಾಜ್​ ಕೂತಿದ್ದಾರೆ. ಸಿನಿಮಾ ತಂಡದಿಂದ ಅನಂತ್​ ನಾಗ್​ ಹೊರ ಹೋಗಿದ್ದಾರೆ ಅನ್ನೋ ವಿಚಾರಕ್ಕೆ ಈ ಫೋಟೋ ಮತ್ತಷ್ಟು ಪುಷ್ಟಿ ನೀಡಿದೆ.

ಕೆಜಿಎಫ್ ಮೊದಲ ಚಾಪ್ಟರ್ ನಲ್ಲಿ ರಾಕಿ ಭಾಯ್ ಯಾರು? ಅವರ ಹಿನ್ನೆಲೆ ಏನು ಎನ್ನುವ ಕಥೆಯನ್ನು ಅನಂತ್ ನಾಗ್ ಹೇಳುತ್ತಾರೆ.ಹಿರಿಯ ಪತ್ರಕರ್ತರಾಗಿ ಅನಂತ್ ನಾಗ್ ಕಾಣಿಸಿಕೊಂಡಿದ್ದರು. ಆದರೆ, ಕಾರಣಾಂತರಗಳಿಂದ ಅವರು ಚಿತ್ರದಿಂದ ಹೊರ ನಡೆದಿದ್ದರು ಎನ್ನುವ ವಿಚಾರ ಹರಿದಾಡಿತ್ತು

ಕೆಜಿಎಫ್ 2ನಲ್ಲೂ ಅನಂತ್ನಾಗ್ ಕಥೆಯ ನಿರೂಪಣೆ ಮಾಡಬೇಕಿತ್ತು.ಆದರೆ, ಈಗ ಅನಂತ್​ನಾಗ್​ ಚಿತ್ರದಿಂದ ಹೊರ ನಡೆದಿರುವುದಕ್ಕೆ, ಪ್ರಶಾಂತ್ ನೀಲ್ ಸ್ಕ್ರಿಪ್ಟ್ನಲ್ಲಿ ಬದಲಾವಣೆ ಮಾಡಿದ್ದಾರೆ ಎನ್ನುವ ಮಾತು ಕೇಳಿ ಬಂದಿತ್ತು.

ಹೀಗಾಗಿ ಅನಂತ್​ ನಾಗ್​ ಬದಲು ಪ್ರಕಾಶ್​ ರಾಜ್​ ಚಿತ್ರತಂಡ ಸೇರಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.

ಅನಂತ್​ ನಾಗ್​​ ಸಿನಿಮಾದಲ್ಲಿ ಇರುವುದಿಲ್ಲ ಎನ್ನುವ ವಿಚಾರ ಅವರ ಅಭಿಮಾನಿಗಳಿಗೆ ಬೇಸರ ಮೂಡಿಸುವುದಂತೂ ಸತ್ಯ.

ಪ್ರಕಾಶ್​ ರಾಜ್​ ಪೋಸ್ಟ್