5 ವಾರಗಳಲ್ಲಿ KGF 2 ಬಾಕ್ಸ್ ಆಫೀಸ್ ಕಲೆಕ್ಷನ್ ಎಷ್ಟು? ಬಾಲಿವುಡ್​ನಲ್ಲಿ ಅಬ್ಬರಿಸಿದ ಸೌತ್ ಸಿನಿಮಾಗಳಿವು

ರಾಕಿಂಗ್ ಸ್ಟಾರ್ ಯಶ್ ಹಾಗೂ ಪ್ರಶಾಂತ್ ನೀಲ್ ನಿರ್ದೇಶನದ ಕೆಜೆಎಫ್ ಸಿನಿಮಾ ದಕ್ಷಿಣ, ಉತ್ತರ ಎಂಬ ಭೇದವಿಲ್ಲದೆ ಇಡೀ ಭಾರತೀಯ ಬಾಕ್ಸ್ ಆಫೀಸ್ ಅಲ್ಲಾಡಿಸುತ್ತಿದೆ. ಚಿತ್ರವು ತೆರೆಕಂಡು ಯಶಸ್ವಿ 6ನೇ ವಾರವೂ ಮುನ್ನುಗ್ಗುತ್ತಿದೆ.

ಹಿಂದಿಯಲ್ಲೂ ಈ ಸಿನಿಮಾ ಸಾರ್ವಕಾಲಿಕ ಮೊದಲ ದಿನದ ದಾಖಲೆ ನಿರ್ಮಿಸಿದೆ. ಈ ಚಿತ್ರ ದಾಖಲೆಯ 83.88 ಕೋಟಿ ಮೊದಲ ದಿನವೇ ಕಲೆಕ್ಷನ್ ಮಾಡಿದೆ. ಕೆಜಿಎಫ್ 2 ಹಿಂದಿ ಬಾಕ್ಸ್ ಆಫೀಸ್ ನಲ್ಲಿ ಮೊದಲ ವಾರ 268.63 ಕೋಟಿ ಗಳಿಸಿ ಇತಿಹಾಸ ನಿರ್ಮಿಸಿದೆ. 2ನೇ ವಾರ 80 ಕೋಟಿ. 3ನೇ ವಾರ 49.14 ಕೋಟಿ, 4ನೇ ವಾರ 22.75 ಕೋಟಿ ಹಾಗೂ 35 ದಿನಗಳಲ್ಲಿ ಒಟ್ಟು 430.95 ಕೋಟಿ ರೂ.ಗಳ ಸಂಗ್ರಹದೊಂದಿಗೆ ಈ ವರ್ಷ ಅತಿ ಹೆಚ್ಚು ಗಳಿಕೆ ಮಾಡಿದ ಬಾಲಿವುಡ್ ಚಿತ್ರಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.

ಒಟ್ಟಾರೆ kಎಜಿಎಫ್ 2 ಚಿತ್ರವು ವಿಶ್ವಾದ್ಯಂತ ಒಟ್ಟು ಆದಾಯದ ದೃಷ್ಟಿಯಿಂದ ರೂ. 1214.98 ಕೋಟಿ ಗಳಿಕೆ ಮಾಡಿ ಇತಿಹಾಸ ನಿರ್ಮಿಸಿದೆ.

ಇನ್ನು, ಪ್ರಭಾಸ್ ಮತ್ತು ರಾಜಮೌಳಿ ಜೊತೆಗೂಡಿದ ಬಾಹುಬಲಿ 2 ಚಿತ್ರವು ಹಿಂದಿ ಅವತರಣಿಕೆಯಲ್ಲಿ 510 ಕೋಟಿ ಗಳಿಕೆ ಮಾಡುವ ಮೂಲಕ ದಕ್ಷಿಣದ ಡಬ್ಬಿಂಗ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.

ಕೆಜಿಎಫ್2 ಹಿಂದಿಯಲ್ಲಿ ದಾಖಲೆಯ ಗಳಿಕೆ ಮಾಡಿದೆ. ಒಟ್ಟು ರೂ. 430.95 ಕೋಟಿ ಗಳಿಕೆಯೊಂದಿಗೆ ಟಾಪ್ 2 ರಲ್ಲಿದೆ.

ರಾಜಮೌಳಿ ನಿರ್ದೇಶನದ ಆರ್​ಆರ್​ಆರ್​ ಚಿತ್ರವು ಒಟ್ಟಾರೆಯಾಗಿ 267.67 ಕೋಟಿ ಒಟ್ಟು ಕಲೆಕ್ಷನ್‌ನೊಂದಿಗೆ ಸೌತ್ ಡಬ್ಬಿಂಗ್ ಸಿನಿಮಾಗಳಲ್ಲಿ ಮೂರನೇ ಸ್ಥಾನದಲ್ಲಿದೆ.

ರಜನಿಕಾಂತ್, ಶಂಕರ್ ಕಾಂಬಿನೇಷನ್ ನ 2.O ಚಿತ್ರ ಮೊದಲ ದಿನವೇ 19 ಕೋಟಿ ಕಲೆಕ್ಷನ್ ಮಾಡಿತ್ತು. ಅಂತಿಮವಾಗಿ 189 ಕೋಟಿ ರೂಪಾಯಿಗಳ ಒಟ್ಟು ಸಂಗ್ರಹದೊಂದಿಗೆ ನಾಲ್ಕನೇ ಸ್ಥಾನದಲ್ಲಿದೆ.

ಪ್ರಭಾಸ್ ಅಭಿನಯದ ಬಾಹುಬಲಿ ಚಿತ್ರದ ನಂತರ ಸಾಹೋ ಚಿತ್ರವು ಹಿಂದಿಯಲ್ಲೂ ಒಳ್ಳೆಯ ಓಪನಿಂಗ್ ಸಿಕ್ಕಿದೆ. ಚಿತ್ರವು ರೂ. 150.6 ಕೋಟಿ. ಸದ್ಯ ಚಿತ್ರ 5ನೇ ಸ್ಥಾನದಲ್ಲಿದೆ.

ರಾಜಮೌಳಿ, ಪ್ರಭಾಸ್ ಕಾಂಬಿನೇಷನ್‌ನಲ್ಲಿ 2015 ರಲ್ಲಿ ಬಿಡುಗಡೆಯಾದ ಬಾಹುಬಲಿ ಚಿತ್ರವು ಹಿಂದಿಯಲ್ಲಿ 116 ಕೋಟಿ ಕಲೆಕ್ಷನ್ ಮಾಡಿ ಆರನೇ ಸ್ಥಾನದಲ್ಲಿದೆ.

ಅಲ್ಲು ಅರ್ಜುನ್, ಸುಕುಮಾರ್ ಕಾಂಬಿನೇಷನ್ ನ ಪುಷ್ಪ ಸಿನಿಮಾ 108.61 ಕೋಟಿ ಗಳಿಸಿ 7 ನೇ ಸ್ಥಾನದಲ್ಲಿದೆ.

ಯಶ್ ಹೀರೋ ಆಗಿ ಪ್ರಶಾಂತ್ ನೀಲ್ ನಿರ್ದೇಶನದ ಸೆನ್ಸೇಷನಲ್ 'ಕೆಜಿಎಫ್' ಚಾಪ್ಟರ್ 1 ಸಿನಿಮಾದ ಹಿಂದಿಯಲ್ಲಿ 45 ಕೋಟಿ ಕಲೆಕ್ಷನ್ ಮಾಡುವ ಮೂಲಕ 8ನೇ ಸ್ಥಾನದಲ್ಲಿದೆ.