KFG 2 VS Laal Singh Chaddha: ಏ.14ರಂದು Yashಗೆ ಟಕ್ಕರ್​ ಕೊಡಲಿರುವ ​Aamir Khan

ಫೆಬ್ರವರಿ 2022ರ ಬಿಡುಗಡೆಗೆ ಸಿದ್ಧವಾಗಿದ್ದ ಅಮೀರ್ ಖಾನ್ (Aamir Khan) ಅವರ ಲಾಲ್ ಸಿಂಗ್ ಚಡ್ಡಾ (Laal Singh Chaddha) ಸಿನಿಮಾ ಮತ್ತೊಮ್ಮೆ ಪೋಸ್ಟ್ ಪೋನ್ ಆದ ವಿಷಯ ಗೊತ್ತೇ ಇದೆ. ಕೆಲ ನಿಮಿಷಗಳ ಹಿಂದೆ ಕರೀನಾ ಕಪೂರ್​ ಅವರು ಸಿನಿಮಾದ ಹೊಸ ರಿಲೀಸ್​ ದಿನಾಂಕದ ಜೊತೆ  ಪೋಸ್ಟರ್​ ಸಹ ಹಂಚಿಕೊಂಡಿದ್ದಾರೆ.  

ಕೆಜಿಎಫ್ 2 ಚಿತ್ರ ಮತ್ತು ಲಾಲ್ ಸಿಂಗ್ ಚಡ್ಡಾ ಚಿತ್ರಗಳು ಒಂದೇ  ದಿನ  ಬಿಡುಗಡೆ  ಆಗುತ್ತಿದ್ದು, ಎರಡೂ ಚಿತ್ರಗಳ ನಡುವೆ ಪೈಪೋಟಿ ಆಗುವುದು ನಿಸ್ಛಯವಾಗಿದೆ. ದೊಡ್ಡ ಸ್ಟಾರ್ ನಟರ ಚಿತ್ರಗಳು ಒಟ್ಟಿಗೆ ಬಿಡುಗಡೆ ಆಗುವುದು ದೊಡ್ಡ ವಿಷಯವೇನಲ್ಲ. ಕೆಲವೊಮ್ಮೆ ಜೊತೆ ಜೊತೆಯಲ್ಲೇ ಬಿಡುಗಡೆ ಆದ ಎರಡು ದೊಡ್ಡ ಚಿತ್ರಗಳೂ ದೊಡ್ಡ ಹಿಟ್ ಆದ ಉದಾಹರಣೆಗಳೂ ಸಾಕಷ್ಟಿವೆ. 

ಅಮೀರ್ ಖಾನ್ ಅಭಿನಯದ ಈ ಚಿತ್ರ ಬಿಡುಗಡೆ ಆದಾಗ ಉತ್ತರ ಭಾರತದ ಮಾರುಕಟ್ಟೆಗಳಲ್ಲಿ ಪ್ರಮುಖ ಥಿಯೇಟರ್‌ಗಳನ್ನು ಆಕ್ರಮಿಸಲಿದೆ ಎನ್ನುವುದಂತೂ ಸತ್ಯ. ಅಮೀರ್ ಖಾನ್​ ಅವರ ಈ ನಿರ್ಧಾರದಿಂದ ಯಾರಿಗೆ ಲಾಭ ಹಾಗೂ ಯಾರಿಗೆ ನಷ್ಟವಾಗಲಿದೆ ಅನ್ನೋದು ಮುಂದಿನ ದಿನಗಳಲ್ಲಿ ತಿಳಿಯಲಿದೆ. 

ಕರೀನಾ ಕಪೂರ್​ ಅವರು ತಮ್ಮ ಸಿನಿಮಾ ಲಾಲ್​ ಸಿಂಗ್ ಚಡ್ಡಾ ಚಿತ್ರದ ಹೊಸ ರಿಲೀಸ್​ ದಿನಾಂಕವನ್ನು ಖುಷಿಯಿಂದ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ ಈ ಹೊಸ ಪೋಸ್ಟರ್​ ಸಹ ಶೇರ್ ಮಾಡಿದ್ದಾರೆ.

ಕೊರೋನಾ ಲಾಕ್​ಡೌನ್ ಕಾರಣದಿಂದ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿರುವ ಚಿತ್ರಗಳ ಪಟ್ಟಿ ದೊಡ್ಡದಿತ್ತು. ಬಿಡುಗಡೆ ಆಗದೆ ಕಾದು ಕುಳಿತಿರುವ ಚಿತ್ರಗಳಿಂದಾಗಿ ತಮ್ಮ ಚಿತ್ರಕ್ಕೆ ತೊಂದರೆ ಆಗಬಾರದು ಎಂಬ ದೂರಾಲೋಚನೆಯಿಂದಾಗಿ ಕೆಜಿಎಫ್ 2 ಚಿತ್ರತಂಡ ತಮ್ಮ ಚಿತ್ರದ ಬಿಡುಗಡೆಯನ್ನು ಮುಂದಿನ ವರ್ಷದವರೆಗೂ ಮುಂದೂಡಿದರು. ಆದರೆ ಈಗ ಅಮೀರ್​ ಖಾನ್​ ಸಿನಿಮಾ ಕೆಜಿಎಫ್​ಗೆ ಟಕ್ಕರ್​ ಕೊಡಲು ನಿರ್ಧರಿಸಿದೆ.