Keerthy Suresh: ಸಾಲು ಸಾಲು ಸಿನಿಮಾ ಫ್ಲಾಪ್ ಆದ್ರೂ ಕೋಟಿಗಳ ಒಡತಿ ಈ ನಟಿ

ಸಾಲು ಸಾಲು ಚಿತ್ರಗಳಿಂದ ಮನಸೆಳೆಯುತ್ತಿರುವ ಕೀರ್ತಿ ಸುರೇಶ್‌ಗೆ ಈಗ ಖ್ಯಾತ ನಟರ ಸಿನಿಮಾಗಳಲ್ಲೂ ಅವಕಾಶ ಸಿಕ್ಕಿದೆಯಂತೆ. ಯಂಗ್ ಟೈಗರ್ ಎನ್ ಟಿಆರ್ ನಾಯಕನಾಗಿ ಅದ್ಧೂರಿ ಪ್ರಾಜೆಕ್ಟ್ ಬರುತ್ತಿದ್ದು ಕೊರಟಾಲ ಶಿವ ಈ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಚಿತ್ರವು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬರುತ್ತಿದೆ. ಪ್ರಸ್ತುತ ಸ್ಕ್ರಿಪ್ಟ್ ಕೆಲಸ ನಡೆಯುತ್ತಿದೆ. ಆರ್‌ಆರ್‌ಆರ್‌ನಂತಹ ಬ್ಲಾಕ್‌ಬಸ್ಟರ್ ಚಿತ್ರದ ನಂತರ ಈ ಸಿನಿಮಾ ಬಗ್ಗೆ ಹೈ ರೇಂಜ್‌ನಲ್ಲಿ ನಿರೀಕ್ಷೆಗಳಿವೆ.

ಈ ಸಿನಿಮಾದಲ್ಲಿ ನಾಯಕಿಯ ಪಾತ್ರಕ್ಕೆ ಉತ್ತಮ ಆದ್ಯತೆ ಇದೆ. ಈ ಪಾತ್ರಕ್ಕೆ ರಶ್ಮಿಕಾ ಮಂದಣ್ಣ ಅವರ ಹೆಸರು ಕೇಳಿ ಬಂದಿದೆ. ಹಲವರನ್ನು ಪರೀಕ್ಷಿಸಿದ ತಂಡ ಕೊನೆಗೂ ಕೀರ್ತಿ ಸುರೇಶ್‌ಗೆ ಓಕೆ ಹೇಳಿದೆಯಂತೆ.

ಈ ಬಗ್ಗೆ ಅಧಿಕೃತ ಘೋಷಣೆ ಶೀಘ್ರದಲ್ಲೇ ಬರಲಿದೆ. ಈ ಅದ್ಧೂರಿ ಚಿತ್ರಕ್ಕೆ ಅನಿರುದ್ಧ್ ಸಂಗೀತ ನೀಡುತ್ತಿದ್ದರೆ, ಯುವಸುಧಾ ಆರ್ಟ್ಸ್ ಮತ್ತು ಎನ್ ಟಿಆರ್ ಆರ್ಟ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗುತ್ತಿದೆ. ಶೀಘ್ರದಲ್ಲೇ ಸಿನಿಮಾ ಸೆಟ್ಟೇರಲಿದೆ.

ಇದೇ ವೇಳೆ ಕೀರ್ತಿ ಸುರೇಶ್ ಅವರ ಆಸ್ತಿ ಮತ್ತು ಸಂಭಾವನೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯೊಂದು ವೈರಲ್ ಆಗಿದೆ. ತಿಳಿದಿರುವ ಮಾಹಿತಿಯ ಪ್ರಕಾರ, ನಟಿಯ ನಿವ್ವಳ ಆಸ್ತಿಯು 22 ಕೋಟಿ ರೂಪಾಯಿ.

ಪ್ರತಿ ಚಿತ್ರಕ್ಕೆ ಕೀರ್ತಿ ಸಂಭಾವನೆ 2.5 ರಿಂದ 3 ಕೋಟಿ ಎಂದು ವರದಿಯಾಗಿದೆ. ಸೆಲೆಬ್ರಿಟಿಗಳ ಆಸ್ತಿಗಳ ಬಗ್ಗೆ ಬರೆಯುವ ವೆಬ್‌ಸೈಟ್ ಪ್ರಕಾರ, ಅವರು ವರ್ಷಕ್ಕೆ 4 ರಿಂದ 6 ಕೋಟಿಗಳ ವ್ಯಾಪ್ತಿಯಲ್ಲಿ ಸಂಪಾದಿಸುತ್ತಾರೆ ಎನ್ನಲಾಗಿದೆ.

ಕೀರ್ತಿ ಸುರೇಶ್ ಶೀಘ್ರದಲ್ಲೇ ಮದುವೆಯಾಗಲಿದ್ದಾರಂತೆ. ಇದಕ್ಕೆ ಸಂಬಂಧಿಸಿದ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ನಾಯಕಿಯರ ಮದುವೆಯ ಬಗ್ಗೆ ವದಂತಿಗಳು ಬರುತ್ತಲೇ ಇರುತ್ತವೆ.

ನಟಿ 2023ರಲ್ಲಿ ಮದುವೆಯಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದ್ದು ಈ ಬಗ್ಗೆ ನಟಿ ಯಾವುದೇ ಅಧಿಕೃತ ಹೇಳಿಕೆ ಕೊಟ್ಟಿಲ್ಲ. ಆದರೆ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ.