Katrina kaif-Vicky Kaushal: ಗುಟ್ಟಾಗಿ ಎಂಗೇಜ್​​ಮೆಂಟ್​​ ಮಾಡಿಕೊಂಡ್ರಾ ಕತ್ರಿನಾ-ವಿಕ್ಕಿ? ಮತ್ತೊಂದು ಬಾಲಿವುಡ್ ಜೋಡಿ ಮದುವೆ?

ಪ್ರಣಯದ ಹಕ್ಕಿಗಳು ತಮ್ಮ ಸಂಬಂಧದ ಬಗ್ಗೆ ಸಿರಿಯಸ್ ಆಗಿದ್ದಾರೆ, ಮದುವೆಯಾಗಲು ನಿರ್ಧರಿಸಿದ್ದಾರೆ. ಈ ಹಿನ್ನೆಲೆ ಆಪ್ತರ ಸಮ್ಮುಖದಲ್ಲಿ ಎಂಗೇಜ್ ಆಗಿದ್ದಾರೆ ಎನ್ನಲಾಗುತ್ತಿದೆ.

ಕಳೆದ 2-3 ವರ್ಷಗಳಿಂದ ಕ್ಯಾಟ್-ವಿಕ್ಕಿ ಹಲವು ಬಾರಿ ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ. ಆದರೆ ಎಂದೂ ತಮ್ಮ ಲವ್​​ಲೈಫ್​​ ಬಗ್ಗೆ ಇಬ್ಬರು ತುಟಿ ಬಿಚ್ಚಿಲ್ಲ.

ಕಾಫಿ ವಿತ್ ಕರಣ್ ಶೋನಲ್ಲಿ ಇಬ್ಬರು ನೀಡಿದ ಹೇಳಿಕೆಗಳು ಅವರನ್ನು ಹತ್ತಿರಕ್ಕೆ ತಂದಿದ್ದವು. ಗಾಸಿಪ್​ಗೆ ಆಹಾರವೂ ಆಗಿದ್ದರು.

ನಾನು ವಿಕ್ಕಿ ಕೌಶಲ್​​ಗೆ ಜೋಡಿಯಾದರೆ ಚನ್ನಾಗಿರುತ್ತೆ ಎಂದು ಕೈಫ್ ಶೋನಲ್ಲಿ ಹೇಳಿಕೊಂಡಿದ್ದರು. ಇದಕ್ಕೆ ವಿಕ್ಕಿ ನಾಟಕೀಯವಾಗಿ ತಲೆ ಸುತ್ತಿ ಬಿದ್ದಂತೆ ನಟಿಸಿ ಖುಷಿ ವ್ಯಕ್ತಪಡಿಸಿದ್ದರು.

ನಂತರ ಟಾಕ್ ಶೋವೊಂದರಲ್ಲಿ ಇಬ್ಬರು ಒಬ್ಬರನ್ನೊಬ್ಬರು ಸಂದರ್ಶನ ಮಾಡಿದ್ದು, ಗಾಸಿಪ್ ಹೆಚ್ಚಾಗಲು ಕಾರಣವಾಗಿತ್ತು.

ಕತ್ರಿನಾ ಇನ್ ಸ್ಟಾಗ್ರಾಮ್ ನಲ್ಲಿ ಫೋಸ್ಟ್ ಮಾಡಿದ್ದ ಫೋಟೋವೊಂದು ಚರ್ಚೆಗೆ ಗ್ರಾಸವಾಗಿತ್ತು. ಕ್ಯಾಟ್ ಧರಿಸಿದ್ದ ಹಳಸಿ ಸ್ವೆಟ್ಟರ್ ವಿಕ್ಕಿದು ಎಂದು ನೆಟ್ಟಿಗರು ಕಮೆಂಟಿಸಿದ್ದರು. ವಿಕ್ಕಿ ಅದೇ ಸ್ವೆಟ್ಟರ್ ನ ಧರಿಸಿರುವ ಫೋಟೋ ಅಪ್ ಲೋಡ್ ಮಾಡಿ ಕಾಲೆಳೆದಿದ್ದರು.

ಸಲ್ಮಾನ್ ಖಾನ್, ರಣಬೀರ್ ಕಪೂರ್ ಜೊತೆ ಪ್ರೇಮ ಮುರಿದು ಬಿದ್ದ ಬಳಿಕ ಕತ್ರಿನಾ ವಿಕ್ಕಿ ವಿಷಯದಲ್ಲಿ ಸಿರಿಯಸ್ ಆಗಿದ್ದಾರೆ. ಅವರನ್ನೇ ವರಿಸುತ್ತಾರೆ ಎನ್ನಲಾಗುತ್ತಿದೆ.

ಇನ್ನು ವಿಕ್ಕಿ ಕೌಶಲ್ ಹಲವು ವರ್ಷಗಳ ಸ್ಟ್ರಗಲ್ ಬಳಿಕ ಬಾಲಿವುಡ್ ನಲ್ಲಿ ಈಗ ಒಳ್ಳೆಯ ಪಾತ್ರಗಳು, ಸಿನಿಮಾಗಳ ಮೂಲಕ ಮಿಂಚುತ್ತಿದ್ದಾರೆ.

ಕತ್ರಿನಾ-ವಿಕ್ಕಿ ಹೆಸರನ್ನು ಸೇರಿಸಿ ಅಭಿಮಾನಿಗಳು ಈಗಾಗಲೇ #Vickat ಎಂದು ಹ್ಯಾಷ್ಟ್ಯಾಗ್ ಕ್ರಿಯೇಟ್ ಮಾಡಿದ್ದಾರೆ.

ಇನ್ನು ಕತ್ರಿನಾಗಿಂತ ವಿಕ್ಕಿ 5 ವರ್ಷ ಚಿಕ್ಕವರು. ಆದರೆ ಇವರ ಪ್ರೀತಿಗೆ ವಯಸ್ಸು ಅಡ್ಡಿ ಬಂದಿಲ್ಲ. ಅದಕ್ಕಾಗಿಯೇ ಇಬ್ಬರು ಎಂಗೇಜ್ ಆಗಿದ್ದಾರೆ ಅಂದಿದ್ದಾರೆ ಅವರ ಅಭಿಮಾನಿಗಳು.

ಇಬ್ಬರಲ್ಲಿ ಒಬ್ಬರು ಎಂಗೇಜ್ ಮೆಂಟ್ ಬಗ್ಗೆ ಅಧಿಕೃತ ಹೇಳಿಕೆ ನೀಡಬೇಕು ಇಲ್ಲವೇ ನಿಶ್ಚಿತಾರ್ಥದ ಸುದ್ದಿಗೆ ಫುಲ್ ಸ್ಟಾಪ್ ಇಡಬೇಕು