ಟರ್ಕಿಯಲ್ಲಿ ಟೈಗರ್ 3 ಸಿನಿಮಾದ ಶೂಟಿಂಗ್​ನಲ್ಲಿ​ ಎಂಜಾಯ್​ ಮಾಡ್ತಿದ್ದಾರೆ Katrina Kaif​..!

ಕತ್ರಿನಾ ಕೈಫ್ ವಿದೇಶದಲ್ಲಿದ್ದರೂ ಅಭಿಮಾನಿಗಳಿಗೆ ಮಾತ್ರ ಸಖತ್ ಟ್ರೀಟ್​ ಕೊಡುತ್ತಲೇ ಇರುತ್ತಾರೆ. ಈಗಲೂ ಸಹ ನಟಿ ಕತ್ರಿನಾ ಟರ್ಕಿಯಲ್ಲಿ ತೆಗೆದ ಕೆಲವು ಫೋಟೋಗಳನ್ನು ತನ್ನ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಆಫ್​ ಶೋಲ್ಡರ್​ ಫ್ರಾಕ್​ನಲ್ಲಿ ಕತ್ರಿನಾ ಕಪೂರ್ ಸಖತ್ ಹಾಟ್​ ಹಾಗೂ ಕ್ಯೂಟ್​ ಆಗಿ ಕಾಣಿಸುತ್ತಿದ್ದಾರೆ. ಅಲ್ಲದೆ ಕತ್ರಿನಾ ಕೈಫ್​ ಟರ್ಕಿಯಲ್ಲಿ ಸಲ್ಮಾನ್​ ಖಾನ್​ ಜತೆಗಿನ ಶೂಟಿಂಗ್​ ಅನ್ನು ತುಂಬಾ ಎಂಜಾಯ್​ ಮಾಡುತ್ತಿರುವಂತಿದೆ.

ಕತ್ರಿನಾರ ಈ ಫೋಟೋಗಳು ನೆಟ್ಟಿಗರ ಗಮನ ಸೆಳೆದಿದ್ದು, ಅಭಿಮಾನಿಗಳು ಕಮೆಂಟ್​ ಮಾಡುತ್ತಿದ್ದಾರೆ. ಇನ್ನು ಕತ್ರಿನಾ ಹಾಗೂ ಸಲ್ಮಾನ್ ಖಾನ್​ ಕಾಂಬಿನೇಷನ್​ನಲ್ಲಿ ಈ ಹಿಂದೆ ಮೂಡಿ ಬಂದಿರುವ ಏಕ್​ ಥಾ ಟೈಗರ್​, ಟೈಗರ್​ ಜಿಂದಾ ಹೈ ಸಿನಿಮಾಗಳು ಬಾಕ್ಸಾಫಿಸ್​ನಲ್ಲಿ ಧೂಳೆಬ್ಬಿಸಿದ್ದವು.

ಏಕ್‍ ಥಾ ಟೈಗರ್ ಮತ್ತು ಟೈಗರ್ ಜಿಂದಾ ಹೈ ಸಿನಿಮಾಗಳಲ್ಲಿ ಕತ್ರಿನಾ ಕೈಫ್​ ಸಖತ್ ಆ್ಯಕ್ಷನ್ ಸೀಕ್ವೆನ್ಸ್​ಗಳಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲೂ ಅವರ ಆ್ಯಕ್ಷನ್ ಕಹಾನಿ ಮುಂದುವರೆದಿದೆ.

ಮಹೇಶ್​ ಶರ್ಮಾ ನಿರ್ದೇಶನದ ಟೈಗರ್ 3 ಸಿನಿಮಾಗಾಗಿ ಕತ್ರಿನಾ ಕಪೂರ್ ಈ ಹಿಂದೆ ಮಾರ್ಷಲ್​ ಆರ್ಟ್​ ಅನ್ನು ಅಭ್ಯಾಸ ಮಾಡಿದ್ದು ನೋಡಿದರೆ, ಈ ಸಿನಿಮಾದಲ್ಲಿ ಭರಪೂರ ಆ್ಯಕ್ಷನ್ ಸಿಗಲಿದೆ ಅನ್ನೋದು ಖಚಿತವಾಗುತ್ತದೆ.

ಸಲ್ಮಾನ್ ಅವರ ಟೈಗರ್ 3 ಸಿನಿಮಾವು ಏಕ್‍ ಥಾ ಟೈಗರ್ ಮತ್ತು ಟೈಗರ್ ಜಿಂದಾ ಹೈ ಸಿನಿಮಾಗಳ ಮುಂದುವರೆದ ಭಾಗವಾಗಿದೆ. ಮೊದಲ ಭಾಗ 2012ರಲ್ಲಿ ಬಿಡುಗಡೆಯಾಗಿ ಬಾಕ್ಸಾಫಿಸ್​ನಲ್ಲಿ ಧೂಳೆಬ್ಬಿಸಿತ್ತು. ಮೊದಲ ಸಿನಿಮಾದಲ್ಲಿ 200 ಕೋಟಿ ಗಳಿಕೆ ತಂದುಕೊಟ್ಟಿತು.

ಇನ್ನು ಐದು ವರ್ಷಗಳ ನಂತರ ಟೈಗರ್ ಜಿಂದಾ ಹೈ ಸಿನಿಮಾದಲ್ಲಿ ಒಂದಾದ ಈ ಜೋಡಿ ಮತ್ತೊಮ್ಮೆ ಕಮಾಲ್ ಮಾಡಿತು. ಇಷ್ಟೊಂದು ಹಿಟ್ ಸಿನಿಮಾಗಳ ಮುಂದುವರೆದ ಭಾಗವಾಗಿರುವ ಟೈಗರ್ 3 ಸಿನಿಮಾದ ಬಗ್ಗೆ ಅಭಿಮಾನಿಗಳು ಕುತೂಹಲರಾಗಿದ್ದಾರೆ.

ಟೈಗರ್ 3 ಚಿತ್ರದ ಶೂಟಿಂಗ್​ಗಾಗಿ ದುಬೈ ಮಾರುಕಟ್ಟೆಯ ಸೆಟ್​ ನಿರ್ಮಿಸಾಲಗಿತ್ತು. ತೌಕ್ತೆ ಚಂಡಮಾರುತದಿಂದಾಗಿ ಫಿಲ್ಮ್‌ ಸಿಟಿ ಹೆಚ್ಚು ಹಾನಿಗೊಳಗಾಗಿತ್ತು. ಅದೃಷ್ಟವಶಾತ್ ಆಗ ಶೂಟಿಂಗ್‌ ಅನ್ನು ನಿಲ್ಲಿಸಲಾಗಿತ್ತು. ಇದರಿಂದಾಗಿ ಯಾವುದೇ ಜೀವ ಹಾನಿಯಾಗಲಿಲ್ಲ.

ಈ ಸಿನಿಮಾದಲ್ಲಿ ಇಮ್ರಾನ್ ಹಶ್ಮಿ ಅಭಿನಯಿಸುತ್ತಿದ್ದು, ಈ ಸಿನಿಮಾದ ಟ್ರೇ ಲರ್ ಈಗಾಗಲೇ ಬಿಡುಗಡೆಯಾಗಿದೆ. ಇದರ ಜೊತೆಗೆ ಸಲ್ಮಾನ್ ಅವರ ಅಂತಿಮ್: ದ ಫೈನಲ್ ಟ್ರೂಥ್ ಸಿನಿಮಾ ಕೂಡ ತಯಾರಾಗಿದೆ. ಇನ್ನು ಕಭೀ ಈದ್, ಕಭೀ ದಿವಾಲಿ ಈ ಸಿನಿಮಾವನ್ನು ತಮ್ಮ ಕೈಯಲ್ಲಿ ಇಟ್ಟುಕೊಂಡಿದ್ದಾರೆ.

ಇನ್ನು ಕತ್ರಿನಾ ಕೂಡ ಸೂರ್ಯವಂಶಿ, ಸೂಪರ್ ಹೀರೋ ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ. ಇದರ ಜೊತೆಗೆ ಫರ್ಹಾನ್ ಅಖ್ತರ್ ಅವರ ಜೀ ಲೆ ಜರಾ ಸಿನಿಮಾದಲ್ಲಿ ಕತ್ರಿನಾ ಅವರು ಆಲಿಯಾ ಭಟ್​ ಹಾಗೂ ಪ್ರಿಯಾಂಕಾ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ.