Kareena Kapoor: ಬಾಯ್ಕಾಟ್ ಅಂತ ಕಿರುಚಿ ಆಮೇಲೆ ಮನರಂಜನೆಗೆ ಏನ್ಮಾಡ್ತೀರಾ ಎಂದ ಕರೀನಾ

ಬಾಲಿವುಡ್ ಬಾಯ್ಕಾಟ್ ಟ್ರೆಂಡ್‌ನಿಂದಾಗಿ ನಟಿ ಕರೀನಾ ಕಪೂರ್ ಖಾನ್ ಅವರ ಚಿತ್ರ ಲಾಲ್ ಸಿಂಗ್ ಚಡ್ಡಾ ಬಾಕ್ಸ್ ಆಫೀಸ್​​ನಲ್ಲಿ ಫೇಲ್ ಆಯಿತು. ರಿಲೀಸ್​ಗೂ ಮುನ್ನವೇ ಚೆನ್ನಾಗಿ ಪ್ರಚಾರ ಪಡೆದ ಸಿನಿಮಾ ಬಾಕ್ಸ್ ಆಫೀಸ್​ನಲ್ಲಿ ಸೋತಿತು.

ಪ್ರಸ್ತುತ ಬಾಲಿವುಡ್ ಬಾಯ್ಕಾಟ್ ಟ್ರೆಂಡ್ ಜೋರಾಗುತ್ತಲೇ ಇದೆ. ಲಾಲ್ ಸಿಂಗ್ ಚಡ್ಡಾ, ಬ್ರಹ್ಮಾಸ್ತ್ರದಂತಹ ಸಿನಿಮಾ ತೀವ್ರ ಹೊಡೆತಗಳನ್ನು ತಿಂದಿದೆ.

ಕಳೆದ ವರ್ಷ ಬಾಲಿವುಡ್ ಬಾಯ್ಕಾಟ್ ಟ್ರೆಂಡ್‌ನಿಂದ ಅನೇಕ ಬಾಲಿವುಡ್ ಚಲನಚಿತ್ರಗಳು ತೀವ್ರವಾಗಿ ನಲುಗಿದವು. ಈಗ ಪಠಾಣ್ ಸಿನಿಮಾಗೂ ಇದೇ ಭೀತಿ ಆವರಿಸಿದೆ.

ಇದುವರೆಗೆ ಬಾಲಿವುಡ್ ಬಾಯ್ಕಾಟ್ ಟ್ರೆಂಡ್ ಬಗ್ಗೆ ಹಲವು ನಟರು ಕಮೆಂಟ್ ಮಾಡಿದ್ದಾರೆ. ಅದೇ ರೀತಿ ಬಾಲಿವುಡ್ ಬೆಬೋ ಕರೀನಾ ಕಪೂರ್ ಕಾರ್ಯಕ್ರಮವೊಂದರಲ್ಲಿ ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ.

ಸದ್ಯ ಬೇಷರಮ್ ರಂಗ್ ಹಾಡಿನಿಂದಾಗಿ ಪಠಾಣ್ ಬಾಯ್ಕಾಟ್ ಟ್ರೆಂಡ್ ಶುರುವಾಗಿದೆ. ಅಮೀರ್ ಖಾನ್ ಅವರ ಲಾಲ್ ಸಿಂಗ್ ಚಡ್ಡಾ ಸಿನಿಮಾ ತುಂಬಾ ದೊಡ್ಡಮಟ್ಟದಲ್ಲಿ ಸಿದ್ಧವಾಗಿತ್ತು. ಲಾಲ್ ಸಿಂಗ್ ಚಡ್ಡಾ ಚಿತ್ರದಲ್ಲಿ ನಟಿ ಕರೀನಾ ಕಪೂರ್ ಕೂಡ ಇದ್ದರು.

ಬಾಲಿವುಡ್ ಬಾಯ್ಕಾಟ್ ಬಗ್ಗೆ ಪ್ರತಿಕ್ರಿಯಿಸಿದ ಕರೀನಾ, 'ಬಾಲಿವುಡ್ ಬಾಯ್ಕಾಟ್ ಟ್ರೆಂಡ್ ನಾನು ಒಪ್ಪುವುದಿಲ್ಲ. ವರ್ಷಗಳಿಂದ ನಾವು ನಿಮಗೆ ಮನರಂಜನೆ ನೀಡುತ್ತಿದ್ದೇವೆ. ಸಿನಿಮಾ ಇಲ್ಲದಿದ್ದರೆ ಹೇಗೆ ಮನರಂಜನೆ ಸಿಗುತ್ತದೆ ಎಂದು ಪ್ರಶ್ನಿಸಿದ್ದಾರೆ.

ಸದ್ಯ ನಟಿ ಕರೀನಾ ಅವರು ಮಕ್ಕಳ ಪಾಲನೆಯಲ್ಲಿ ಬ್ಯುಸಿಯಾಗಿದ್ದು ಸಿನಿಮಾದಿಂದ ಬ್ರೇಕ್ ತೆಗೆದುಕೊಂಡಿದ್ದಾರೆ. ತೈಮೂರ್ ಹಾಗೂ ಜೆಹ್ ಜೊತೆ ಸಮಯ ಕಳೆಯುತ್ತಿದ್ದಾರೆ.