Urfi Javed: ಅವಳು ಗಟ್ಟಿಗಿತ್ತಿ, ನನಗಷ್ಟು ಧೈರ್ಯವಿಲ್ಲ! ಉರ್ಫಿಯನ್ನು ಬಾಯ್ತುಂಬ ಹೊಗಳಿದ ಕರೀನಾ

ಕರೀನಾ ಕಪೂರ್ ಖಾನ್ ಬಾಲಿವುಡ್​ನ ಫ್ಯಾಷನ್ ಪ್ರಿಯ ನಟಿಯರಲ್ಲಿ ಒಬ್ಬರು. ಸಿಂಪಲ್ ಟೀ ಶರ್ಟ್​ನಿಂದ ತೊಡಗಿ ಸೀರೆ, ಸೂಟ್ ಎಲ್ಲದರಲ್ಲಿಯೂ ಟಾಪ್ ಆಗಿ ಮಿಂಚುತ್ತಾರೆ. ಮಕ್ಕಳಾದ ಮೇಲೂ ಕರೀನಾ ಫ್ಯಾಷನ್​ ಮಾತ್ರ ಡಲ್ ಆಗಿಲ್ಲ. ನಟಿ ಅಪ್​ ಟು ಡೇಟ್ ಇದ್ದಾರೆ.

ಒಜಿ ಫ್ಯಾಷನ್​ಇನ್​ಸ್ಟಾ ಜೊತೆ ಮಾತನಾಡಿದ ನಟಿಯಲ್ಲಿ ಹಿಂದಿ ಕಿರುತೆರೆ ಬೆಡಗಿ ಉರ್ಫಿ ಜಾವೇದ್ ಬಗ್ಗೆ ಪ್ರಶ್ನೆ ಮಾಡಲಾಗಿದೆ. ಉರ್ಫಿ ಜಾವೇದ್ ಕಿರುತೆರೆ ನಟಿ, ರಿಯಾಲಿಟಿ ಶೋ ಸ್ಪರ್ಧಿ, ಸೋಷಿಯಲ್ ಮೀಡಿಯಾ ಕಂಟೆಂಟ್ ಕ್ರಿಯೇಟರ್ ಆಗಿ ಗುರುತಿಸಿಕೊಂಡಿದ್ದಾರೆ.

ಫಿಜ್ಜಿ ಗೋಬ್ಲೆಟ್​ನ ರಾಯಭಾರಿಯಾಗಿದ್ದಾರೆ ಕರೀನಾ. ಫೂಟ್​ವೇರ್ ಬ್ರ್ಯಾಂಡ್​ನ ಸ್ಟೋರ್​ನಲ್ಲಿ ನಟಿ ಇದ್ದರು. ಟೈಮ್ಸ್ ನೌ ಡಿಜಿಟಲ್ ಜೊತೆ ಮಾತನಾಡಿದ ನಟಿಯಲ್ಲಿ ಉರ್ಫಿ ಜಾವೇದ್ ಅವರ ಫ್ಯಾಷನ್ ಹಾಗೂ ಫ್ಯಾಷನ್ ಆಯ್ಕೆಗಳ ಬಗ್ಗೆ ಕೇಳಲಾಗಿದೆ.

ಇಂಟರ್​ನೆಟ್ ಸೆನ್ಸೇಷನ್ ಉರ್ಫಿಯನ್ನು ಮುಕ್ತವಾಗಿ ಹೊಗಳಿದ್ದಾರೆ ಕರೀನಾ ಕಪೂರ್. ಫ್ಯಾಷನ್ ಎಂದರೆ ಎಕ್ಸ್​ಪ್ರೆಷನ್ ಹಾಗೂ ಮಾತನಾಡುವ ಸ್ವಾತಂತ್ರ್ಯ. ಅವಳ ಕಾನ್ಫಿಡೆನ್ಸ್​ನಿಂದಲೇ ಅವಳು ಹೆಚ್ಚು ಕೂಲ್ ಆಗಿ ಅದ್ಭುತವಾಗಿ ಕಾಣಿಸುತ್ತಾಳೆ ಎಂದಿದ್ದಾರೆ.

ಅವಳು ಅವಳಿಗೇನು ಬೇಕೋ ಅದನ್ನೇ ಮಾಡುತ್ತಾಳೆ. ಫ್ಯಾಷನ್ ಎಂದರೆ ಅದುವೇ. ನಿಮಗೆ ನೀವಾಗಿರುವುದು ಇಷ್ಟವಾಗಿದ್ದು ನೀವಂದುಕೊಂಡಿದ್ದನ್ನೇ ಮಾಡಬೇಕೆಂದಿದ್ದರೆ ಅದನ್ನೇ ಮಾಡಿ. ಫ್ಯಾಷನ್ ಎಂದರೆ ಅದುವೇ ಎಂದಿದ್ದಾರೆ.

ನನಗೆ ಆ ಕಾನ್ಫಿಡೆನ್ಸ್ ಇಷ್ಟ. ನಾನು ಕೂಡಾ ಕಾನ್ಫಿಡೆಂಟ್ ಹುಡುಗಿ. ಹಾಗಾಗಿ ನಾನು ಕಾನ್ಫಿಡೆನ್ಸ್ ಇಷ್ಟಪಡುತ್ತೇನೆ. ನನಗೆ ಅವಳ ಕಾನ್ಫಿಡೆನ್ಸ್ ಮತ್ತು ಅದರೊಂದಿಗೆ ಅವಳು ಸಾಗುವ ರೀತಿ ಇಷ್ಟ. ಹ್ಯಾಟ್ಸಾಫ್ ಎಂದಿದ್ದಾರೆ.

ನನಗೆ ಉರ್ಫಿಯಷ್ಟು ಗಟ್ಸ್ ಇಲ್ಲ. ಅದು ವಿಪರೀತವಾದ ಗಟ್ಸ್ ಹಾಗೂ ಧೈರ್ಯ ಎಂದು ಕರೀನಾ ಹೊಗಳಿದ್ದಾರೆ. ತಮ್ಮ ಉಡುಗೆಯ ಬಗ್ಗೆ ಬಂದ ಕಮೆಂಟ್​ಗಳನ್ನು ಸೀರಿಯಸ್ ಆಗಿ ತೆಗೆದುಕೊಂಡಿದ್ದಾರಾ ಎನ್ನುವ ಪ್ರಶ್ನೆಗೂ ನಟಿ ಉತ್ತರಿಸಿದ್ದಾರೆ. ನನಗೆ ನಾನು ಧರಿಸಿದ ಉಡುಗೆ ಕಂಫರ್ಟ್ ಎನಿಸಿದರೆ ಕಮೆಂಟ್ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ ನಟಿ.