Kantara Movie: ಕಾಂತಾರ ಶೂಟಿಂಗ್​​ಗಾಗಿ ನೀರು ಬಳಸಿ ಬಾವಿ ಪೂರ್ತಿ ಖಾಲಿ

ಕಾಂತಾರ ಸಿನಿಮಾದಲ್ಲಿ ಬರುವ ಕೊನೆಯ 20 ನಿಮಿಷಗಳು ಪ್ರತಿ ಪ್ರೇಕ್ಷರಿಗೆ ಇಷ್ಟವಾಗಿದೆ. ಕಾಂತಾರದ ಕ್ಲೈಮ್ಯಾಕ್ಸ್ ಬಗ್ಗೆ ಟಾಪ್ ನಟರಿಂದ ಹಿಡಿದು ಜನಸಾಮಾನ್ಯರ ತನಕ ಎಲ್ಲರೂ ಮಾತನಾಡಿದ್ದಾರೆ.

ಈಗ ನಟ ರಿಷಬ್ ಶೆಟ್ಟಿ ಅವರು ಪ್ರೀ ಕ್ಲೈಮ್ಯಾಕ್ಸ್ ಬಗ್ಗೆ ಐಎಂಡಿಬಿ ಜೊತೆ ಮಾತನಾಡಿದ್ದಾರೆ. ಇದರಲ್ಲಿ ಪ್ರೀ ಕ್ಲೈಮ್ಯಾಕ್ಸ್ ಚಿತ್ರೀಕರಣದ ಸಂದರ್ಭದ ಸವಾಲುಗಳ ಬಗ್ಗೆ ರಿವೀಲ್ ಮಾಡಿದ್ದಾರೆ.

ಜೋರು ಮಳೆ, ರಾತ್ರಿಯಲ್ಲಿ ನಡೆಯುವ ಘಟನೆಗಳ ಶೂಟಿಂಗ್ ಬಗ್ಗೆ ರಿಷಬ್ ಮಾತನಾಡಿದ್ದು ಇಲ್ಲಿ ಪ್ರೀ ಕ್ಲೈಮ್ಯಾಕ್ಸ್ ರಾತ್ರಿ ಸೀನ್ 360 ಡಿಗ್ರಿ ಶಾಟ್ ತೆಗೆಯಲಾಗಿತ್ತು ಎಂದಿದ್ದಾರೆ.

ರಾತ್ರಿ ಮಳೆಯ ಎಫೆಕ್ಟ್ ಇರುವಂತೆ ಚಿತ್ರೀಕರಣ ಇತ್ತು. ಮಧ್ಯಾಹ್ನದಿಂದ ರಾತ್ರಿಯ ತನಕವೂ ಶೂಟಿಂಗ್ ರಿಹರ್ಸಲ್ ಕೂಡಾ ನಡೆದಿತ್ತು ಎಂದು ರಿವೀಲ್ ಮಾಡಿದ್ದಾರೆ.

ಸುಮಾರು 7 ದಿನಗಳ ಕಾಲ ನಿರಂತರ ಶೂಟಿಂಗ್ ಮಾಡಿದ್ದು ಅಲ್ಲಿ ಸಾಕಷ್ಟು ನೀರಿನ ಅವಶ್ಯಕತೆ ಇತ್ತು. ಅದಕ್ಕಾಗಿ ಹತ್ತಿರದಲ್ಲಿದ್ದ ಬಾವಿ ನೀರನ್ನು ಬಳಸಲು ನಿರ್ಧರಿಸಿದ್ದರು.

ಅಲ್ಲಿದ್ದ ಬಾವಿಯಿಂದಲೇ ನೀರು ತೆಗೆದುಕೊಂಡೆವು. 7 ದಿನ ನೀರು ತೆಗೆದೆವು. ಶೂಟ್ ಮುಗಿಯುವಾಗ ನೀರು ಕೂಡಾ ಖಾಲಿ ಆಗಿತ್ತು ಎಂದಿದ್ದಾರೆ ರಿಷಬ್ ಶೆಟ್ಟಿ.

ಮಳೆ ಹಾಗೂ ರಾತ್ರಿಯ ಸೀಕ್ವೆನ್ಸ್ ಶೂಟ್ ಮಾಡುವುದು ಸ್ವಲ್ಪ ಕಷ್ಟವಾಗಿತ್ತು. ಮಧ್ಯಾಹ್ನದಿಂದ ರಾತ್ರಿ ಪೂರಾ ಶೂಟಿಂಗ್ ಮಾಡುತ್ತಿದ್ದೆವು ಎಂದಿದ್ದಾರೆ ರಿಷಬ್ ಶೆಟ್ಟಿ.