Kantara Movie: ಕಾಂತಾರ-2 ಸಿನಿಮಾಗೆ ರೆಡಿಯಾಗಿದೆ ಪ್ಲಾನ್; ಹೊಂಬಾಳೆ ಫಿಲಂಸ್ ನಿರ್ಮಾಪಕರು ಕೊಟ್ರು ಬಿಗ್ ಅಪ್​ಡೇಟ್

ಎಸ್ಎಸ್ ರಾಜಮೌಳಿಯವರ RRR ಸಿನಿಮಾ ನಂತರ ರಿಷಬ್ ಶೆಟ್ಟಿ ಅವರ ಆಕ್ಷನ್ ಥ್ರಿಲ್ಲರ್ ಕಾಂತಾರ ಸಿನಿಮಾವನ್ನು 2023 ರ ಆಸ್ಕರ್ ನಾಮಿನೇಷನ್​ಗೆ ಕಳುಹಿಸಲಾಗಿದೆ ಎಂದು ವಿಜಯ್ ಕಿರಗಂದೂರು ಹೇಳಿದ್ರು.

ಇದೇ ವೇಳೆ ಮಾತಾಡಿದ ವಿಜಯ್ ಕಿರಗಂದೂರು, ಆಸ್ಕರ್ ನಾಮಿನೇಷನ್​ಗೆ ಕಳುಹಿಸಲಾಗಿದೆ. ಜೊತೆಗೆ ಕಾಂತಾರ 2 ಪ್ರಾಜೆಕ್ಟ್ ಬಗ್ಗೆಯು ಚಿಂತನೆ ನಡೆಸಿರೋದಾಗಿ ಹೇಳಿದ್ದಾರೆ.

ಕಾಂತಾರ 2ಗಾಗಿ ಪ್ಲಾನ್ ಮಾಡ್ತಿದ್ದೇವೆ. ಆದ್ರೆ ಯಾವುದೇ ಟೈಮ್ ಲೈನ್ ಇಲ್ಲ ಎಂದು ಕಿರಗಂದೂರು ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಇಂಡಿಯಾ ಟುಡೆ ಜೊತೆಗೆ ಸಂದರ್ಶನದಲ್ಲಿ ಮಾತಾಡಿದ ವಿಜಯ್ ಕಿರಗಂದೂರು, ಕಾಂತಾರ ಸೀಕ್ವೆಲ್ ಮಾಡುವ ಬಗ್ಗೆ ಪ್ಲಾನ್ ಮಾಡಿರೋದಾಗಿ ಹೇಳಿದ್ದಾರೆ.

ನಾವು ಬೇರೆಯದೇ ಪ್ಲಾನ್ ಮಾಡಿದ್ದೇವೆ. ರಿಷಬ್ ಶೆಟ್ಟಿ ಸಹ 1 ತಿಂಗಳು ಬ್ರೇಕ್ ತೆಗೆದುಕೊಂಡಿದ್ದಾರೆ. ರಿಷಬ್ ವಿರಾಮದ ನಂತ್ರ ಮತ್ತೆ ತೀರ್ಮಾನ ತೆಗೆದುಕೊಳ್ತೀವಿ ಎಂದು ಹೇಳಿದ್ದಾರೆ.

ಕೆಜಿಎಫ್ ಮತ್ತು ಕಾಂತಾರ ಯಶಸ್ಸಿನ ಸೀಕ್ರೆಟ್ ಬಗ್ಗೆ ಮಾತಾಡಿದ ವಿಜಯ್ ಕಿರಗಂದೂರು, ನಾವು ಸಿನಿಮಾ ಮಾಡುವಾಗ ಕಥೆ ಮತ್ತು ಚಿತ್ರಕಥೆಯಲ್ಲಿ ಬಗ್ಗೆ ಹೆಚ್ಚು ಗಮನವಹಿಸುತ್ತೇವೆ ಎಂದು ಹೇಳಿದರು.

ನೀವು ನಮ್ಮ ಯಾವುದೇ ಸ್ಕ್ರಿಪ್ಟ್ಗಳನ್ನು ತೆಗೆದುಕೊಳ್ಳಿ ಉದಾಹರಣೆಗೆ, ಕೆಜಿಎಫ್ 1, ನಾವು ಸ್ಕ್ರಿಪ್ಟ್ಗಾಗಿ 3 ವರ್ಷ ಕಳೆದಿದ್ದೇವೆ ಮತ್ತು ಕಾಂತಾರಕ್ಕಾಗಿ ನಾವು ಸ್ಕ್ರಿಪ್ಟ್ ಮಟ್ಟದಲ್ಲಿ 6-8 ತಿಂಗಳುಗಳ ಕಾಲ ಕೆಲಸ ಮಾಡಿದ್ದೇವೆ ಎಂದು ಹೇಳಿದ್ರು.

ನಮಗೆ, ಒಳ್ಳೆಯ ಸ್ಕ್ರಿಪ್ಟ್ ಬರೆಯಲು ಸಮಯ ಬೇಕಿರುವ ಬರಹಗಾರರು ಮತ್ತು ನಿರ್ದೇಶಕರಿಗೆ ನಾವು ಯಾವಾಗಲೂ ಪ್ರಾಮುಖ್ಯತೆಯನ್ನು ನೀಡುತ್ತೇವೆ ಎಂದು ನಿರ್ಮಾಪಕರು ಹೇಳಿದ್ರು.