Kantara-Pushpa: ಪುಷ್ಪಾ ಕಲೆಕ್ಷನ್ ಮೀರಿಸಿದ ಕಾಂತಾರ! ಆದರೆ ಬಜೆಟ್​ನಲ್ಲಿ ಭಾರೀ ವ್ಯತ್ಯಾಸ

ಕಾಂತಾರದ ಬಿಗ್ ಸಕ್ಸಸ್ ನಂತರ ಸಿನಿಮಾವನ್ನು ಬೇರೆ ಬೇರೆ ರೀತಿಯಲ್ಲಿ ಅದನ್ನು ಬೇರೆ ಸಿನಿಮಾಗಳಿಗೆ ಹೋಲಿಸಲಾಗುತ್ತಿದೆ. ಕಂಟೆಂಟ್, ಕಥೆ, ಬಜೆಟ್, ಸಿನಿಮಾ ವ್ಯಾಪ್ತಿ ಸೇರಿ ಎಲ್ಲಾ ಆಯಾಮಗಳಲ್ಲಿ ಸಿನಿಮಾವನ್ನು ಹೋಲಿಕೆ ಮಾಡಲಾಗುತ್ತಿದೆ.

ಕಾಂತಾರ ಸಿನಿಮಾ ಸುಮಾರು 14-16 ಕೋಟಿ ಬಜೆಟ್​​ನಲ್ಲಿ ಸಿದ್ಧವಾಗಿದೆ. ಇದಕ್ಕಿಂತಲೂ ಕಡಿಮೆ ಬಜೆಟ್​ ಅನ್ನು ಈ ಸಿನಿಮಾಗೆ ನಿಗದಿ ಮಾಡಲಾಗಿತ್ತು. ಆದರೂ ಸ್ವಲ್ಪ ನಿಗದಿತ ಬಜೆಟ್ ಹೆಚ್ಚಾಗಿದೆ.

ಆದರೂ ಕಾಂತಾರಕ್ಕೆ ಬಂಡವಾಳ ಹೂಡಿದ ಹೊಂಬಾಳೆ ಫಿಲ್ಮ್ಸ್​​ಗೆ ಭರ್ಜರಿ ರಿಟರ್ನ್ಸ್ ಸಿಕ್ಕಿದೆ. 16 ಕೋಟಿಯ ಸಿನಿಮಾ ಈಗ 400 ಕೋಟಿಗೂ ಹೆಚ್ಚು ಗಳಿಸಿ ಮುನ್ನುಗ್ಗುತ್ತಿದೆ.

ಈಗ ನೆಟ್ಟಿಗರು ಪುಷ್ಪಾ ಸಿನಿಮಾದ ಬಜೆಟ್ ಹಾಗೂ ಕಲೆಕ್ಷನ್ ಅನ್ನು ಕಾಂತಾರ ಸಿನಿಮಾದ ಬಜೆಟ್ ಹಾಗೂ ಕಲೆಕ್ಷನ್​ಗೆ ಹೋಲಿಕೆ ಮಾಡುತ್ತಿದ್ದಾರೆ.

ಸುಮಾರು 160ರಿಂದ 170 ಕೋಟಿ ಬಜೆಟ್​​ನಲ್ಲಿ ಸಿದ್ಧವಾದ ಅಲ್ಲು ಅರ್ಜುನ್ ಹಾಗೂ ರಶ್ಮಿಕಾ ಮಂದಣ್ಣ ಅಭಿನಯದ ಪುಷ್ಪಾ ಸಿನಿಮಾ ಬಾಕ್ಸ್ ಆಫೀಸ್​​ನಲ್ಲಿ 350 ಕೋಟಿಯಷ್ಟು ಕಲೆಕ್ಷನ್ ಮಾಡಿದೆ.

ಆದರೆ ಬರೀ 16 ಕೋಟಿಯಲ್ಲಿ ರೆಡಿಯಾದ ಕಾಂತಾರ ಸಿನಿಮಾ 350 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದೆ. ಸಿನಿಮಾಗಳ ಬಾಕ್ಸ್ ಆಫೀಸ್ ಗಳಿಕೆ ಸಾಮಾನ್ಯ ಒಂದೇ ತೆರನಾಗಿದ್ದರೂ ಬಜೆಟ್​ನಲ್ಲಿ ದೊಡ್ಡ ವ್ಯತ್ಯಾಸವಿದೆ.

ಇದೀಗ ನೆಟ್ಟಿಗರು ಎರಡೂ ಸಿನಿಮಾಗಳ ಬಜೆಟ್ ಹಾಗೂ ಬಾಕ್ಸ್ ಆಫೀಸ್ ಕಲೆಕ್ಷನ್ ಮೊತ್ತವನ್ನು ಹೋಲಿಕೆ ಮಾಡಿ ಆನ್​ಲೈನ್​ನಲ್ಲಿ ಪೋಸ್ಟ್​ಗಳನ್ನು ಶೇರ್ ಮಾಡುತ್ತಿದ್ದಾರೆ.