Kantara Movie: ವೀಕೆಂಡ್​​ನಲ್ಲಿ ಅತ್ಯಧಿಕ ಕಲೆಕ್ಷನ್, 16ನೇ ದಿನ ಭರ್ಜರಿ ಗಳಿಕೆ

ಕಾಂತಾರ ಸಿನಿಮಾ ಈಗಾಗಲೇ ಹಲವು ರೆಕಾರ್ಡ್​ಗಳನ್ನು ಸೃಷ್ಟಿಸಿದೆ. ಎರಡನೇ ಸೋಮವಾರ ಕೆಜಿಎಫ್​2ಗಿಂತ ಹೆಚ್ಚು ಗಳಿಸಿದ ಹಿರಿಮೆ ತನ್ನದಾಗಿಸಿದ ಸಿನಿಮಾ ಈಗ ಮತ್ತೊಂದು ಹೆಜ್ಜೆ ಇಟ್ಟಿದೆ.

ಭರ್ಜರಿ ಕಲೆಕ್ಷನ್ ಮಾಡಿದ ಕಾಂತಾರ ಸಿನಿಮಾ ಬೇರೆ ಭಾಷೆಗಳಲ್ಲಿಯೂ ಸಕ್ಸಸ್​ಫುಲ್ ಆಗಿ ತೆರೆ ಕಂಡು ಚೆನ್ನಾಗಿಯೇ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ.

ಈಗ ಹೊಂಬಾಳೆ ಸಿನಿಮಾ ಟ್ವೀಟ್ ಮಾಡಿದ್ದು 16ನೇ ದಿನ ಅತ್ಯಧಿಕ ಕಲೆಕ್ಷನ್ ಮಾಡಿದೆ. ಭಾರತ ಹಾಗೂ ವಿದೇಶಗಳಲ್ಲಿ 16ನೇ ದಿನ ಅತ್ಯಧಿಕ ಕಲೆಕ್ಷನ್ ಮಾಡಿದ ಸಿನಿಮಾ ಎಂದು ಟ್ವೀಟ್ ಮಾಡಲಾಗಿದೆ.

ಕಾಂತಾರ ಸಿನಿಮಾವನ್ನು ಹೊಂಬಾಳೆ ಫಿಲ್ಮ್ಸ್ ನಿರ್ಮಿಸಿದ್ದು ರಿಷಬ್ ಶೆಟ್ಟಿ ನಿರ್ದೇಶಿಸಿ ನಟಿಸಿದ್ದಾರೆ. ಶಿವ ಎನ್ನುವ ಹೀರೋ ಪಾತ್ರದಲ್ಲಿ ರಿಷಬ್ ಅವರನ್ನು ಕಾಣಬಹುದು.

ಸಿನಿಮಾದ ಆರಂಭಿಕ ದೃಶ್ಯದಲ್ಲಿ ನಿಜವಾದ ಕಂಬಳ ಕೋಣಗಳನ್ನು ಓಡಿಸಿ ಅದ್ಭುತ ದೃಶ್ಯವನ್ನು ಕೊಡಲಾಗಿದ್ದು ಸಿನಿಮಾದಲ್ಲಿ ಸಪ್ತಮಿ ಗೌಡ ಹೀರೋಯಿನ್ ಆಗಿ ನಟಿಸಿದ್ದಾರೆ.

ಅಚ್ಯುತ್ ಕುಮಾರ್, ಮಾನಸಿ ಸುಧೀರ್. ಪ್ರಮೋದ್ ಶೆಟ್ಟಿ ಸೇರಿದಂತೆ ಅತ್ಯುತ್ತಮ ತಾರಾ ಬಳಗಳನ್ನು ಹೊಂದಿರುವ ಸಿನಿಮಾ ಸುಮಾರು 16 ಕೋಟಿಯಲ್ಲಿ ನಿರ್ಮಾಣವಾಗಿದೆ ಎನ್ನಲಾಗುತ್ತಿದೆ.

ಈಗಾಗಲೇ 78 ಕೋಟಿಗೂ ಹೆಚ್ಚು ಗಳಿಕೆ ಮಾಡಿರುವ ಈ ಸಿನಿಮಾ 100 ಕೋಟಿಯತ್ತ ದಾಪುಗಾಲಿಡುತ್ತಿದೆ. ಪ್ರಭಾಸ್, ಕಿಚ್ಚ, ಧನುಷ್ ಸೇರಿದಂತೆ ಟಾಪ್ ನಟರು ಸಿನಿಮಾ ಮೆಚ್ಚಿ ಹೊಗಳಿದ್ದಾರೆ.