Rishab Shetty-Jr NTR: ರಿಷಬ್ ಶೆಟ್ಟಿ, ಜ್ಯೂ ಎನ್‌ಟಿಆರ್ ನಡುವೆ ಇದೆಯಾ ಫ್ರೆಂಡ್‌ಶಿಪ್? ಇಬ್ಬರ ನಡುವಿದೆಯಾ ಕುಂದಾಪುರದ ನಂಟು?

ರಿಷಬ್ ಶೆಟ್ಟಿ ಅವರ ನಟನೆ, ನಿರ್ದೇಶನದ 'ಕಾಂತಾರ' ಸಿನಿಮಾ ಎಲ್ಲೆಡೆ ಸದ್ದು ಮಾಡುತ್ತಿದೆ. ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿರುವ ಈ ಚಿತ್ರ ಇಂದು ತೆಲುಗಿನಲ್ಲಿ ಬಿಡುಗಡೆಯಾಗಿದೆ. ಎಲ್ಲಿ ನೋಡಿದರೂ ಕಾಂತಾರ ಚಿತ್ರದ ಬಗ್ಗೆಯೇ ಚರ್ಚೆ. ಇದು ಸಿನಿಮಾ ಅಲ್ಲ.. ಕನ್ನಡಿಗರ ಹೆಮ್ಮೆ ಎನ್ನುತ್ತಾರೆ ಪ್ರೇಕ್ಷಕರು.

ಕಾಂತಾರ ಚಿತ್ರದ ಮೂಲಕ ರಿಷಬ್ ಶೆಟ್ಟಿಗೆ ದೊಡ್ಡ ಬ್ರೇಕ್ ಸಿಕ್ಕಿದೆ. ಸ್ಯಾಂಡಲ್ ವುಡ್ ನಲ್ಲಿ ಈ ಸಿನಿಮಾ ಮೈಲಿಗಲ್ಲು ಎಂದರೂ ತಪ್ಪಾಗದು. ಕೆಜಿಎಫ್ ಮೇಕರ್ಸ್ ಹೊಂಬಾಳೆ ಬ್ಯಾನರ್ ಅಡಿಯಲ್ಲಿ ರಿಷಬ್ ಶೆಟ್ಟಿ ಮನೋಜ್ಞ ನಿರ್ದೇಶನದ ಚಿತ್ರ ಕಾಂತಾರವಾಗಿದೆ.

ಇತ್ತೀಚೆಗಷ್ಟೇ ಈ ಸಿನಿಮಾ ತೆಲುಗಿನಲ್ಲೂ ಬಿಡುಗಡೆಯಾಗಿತ್ತು. ತೆಲುಗು ನಿರ್ಮಾಪಕ ಅಲ್ಲು ಅರವಿಂದ್ ಈ ಕ್ರೇಜ್ ಅನ್ನು ಕ್ಯಾಶ್ ಮಾಡಿಕೊಳ್ಳುವ ಉದ್ದೇಶದಿಂದ ಈ ಸಿನಿಮಾವನ್ನು ಬಿಡುಗಡೆ ಮಾಡಿದರು.

ಕರ್ನಾಟಕದ ಕರಾವಳಿಯ ಭೂತ ಕೋಲ, ಕಂಬಳ ಎಂಬ ಸಂಪ್ರದಾಯವನ್ನು ಜಗತ್ತಿಗೆ ಸಾರುವ ಮೂಲಕ ರಿಷಬ್ ಶೆಟ್ಟಿ ಮಿಂಚುತ್ತಿದ್ದಾರೆ.

ಇತ್ತೀಚೆಗಷ್ಟೇ ರಿಷಬ್ ಶೆಟ್ಟಿ ತೆಲುಗಿನ ಖ್ಯಾತ ನಟ ಜೂನಿಯರ್ ಎನ್ ಟಿಆರ್ ಬಗ್ಗೆ ಇಂಟರೆಸ್ಟಿಂಗ್ ಕಾಮೆಂಟ್ಸ್ ಮಾಡಿದ್ದಾರೆ. ರಿಷಬ್ ಶೆಟ್ಟಿ ಈ ಸಿನಿಮಾದ ಪ್ರಚಾರದಲ್ಲಿ ಪಾಲ್ಗೊಂಡು ಜೂನಿಯರ್ ಎನ್ ಟಿಆರ್ ಎಂದರೆ ನನಗೆ ತುಂಬಾ ಇಷ್ಟ ಎಂದಿದ್ದಾರೆ.

ರಿಷಬ್ ಶೆಟ್ಟಿ ಅವರು NTR ಅವರೊಂದಿಗಿನ ಸಂಬಂಧದ ಬಗ್ಗೆ ಆಸಕ್ತಿದಾಯಕ ಕಾಮೆಂಟ್‌ಗಳನ್ನು ಸಹ ಮಾಡಿದ್ದಾರೆ. ಟಾಲಿವುಡ್ ಇಂಡಸ್ಟ್ರಿಯಲ್ಲಿ ಅನೇಕ ಹೀರೋಗಳಿದ್ದಾರೆ ಆದರೆ ನನಗೆ ಜೂನಿಯರ್ ಎನ್ ಟಿಆರ್ ಎಂದರೆ ತುಂಬಾ ಇಷ್ಟ ಎಂದು ರಿಷಬ್ ಶೆಟ್ಟಿ ಹೇಳಿದ್ದಾರೆ.

ಮೇಲಾಗಿ ತಮ್ಮ ನಡುವೆ ಬಾಂಧವ್ಯವಿದೆ ಎಂದು ರಿಷಬ್ ಶೆಟ್ಟಿ ಹೇಳಿದ್ದಾರೆ. ಎನ್.ಟಿ.ಆರ್ ಅವರ ತಾಯಿ ಶಾಲಿನಿ ತಮ್ಮ ಹಳ್ಳಿಯಲ್ಲಿ ಹುಟ್ಟಿ ಬೆಳೆದವರು ಎಂದಿದ್ದಾರೆ. ನಿಮ್ಮ ನಿರ್ದೇಶನದಲ್ಲಿ ಜೂನಿಯರ್ ಎನ್.ಟಿ.ಆರ್ ಜೊತೆ ಸಿನಿಮಾ ಬರಲಿದೆಯೇ ಎಂದು ಸುದ್ದಿಗಾರರು ಕೇಳಿದಾಗ ಅಂತಹ ಯೋಚನೆ ನನಗಿಲ್ಲ ಎಂದು ಹೇಳಿದ್ದಾರೆ.

ಶಾಲಿನಿ ಹುಟ್ಟಿದ್ದು ಉಡುಪಿ ಸಮೀಪದ ಕುಂದಾಪುರದ ಗ್ರಾಮವೊಂದರಲ್ಲಿ. ರಿಷಬ್ ಶೆಟ್ಟಿ ಕೂಡ ಕುಂದಾಪುರದ ಕೇರಾಡಿ ಗ್ರಾಮದಲ್ಲಿ ಜನಿಸಿದವರು. ಇದೀಗ ಕಾಂತಾರ ಸಿನಿಮಾಗೆ ಎನ್ ಟಿಆರ್ ಜೊತೆಯಾಗಿದ್ದಾರೆ ಎಂಬ ಸುದ್ದಿ ಕುತೂಹಲ ಮೂಡಿಸಿದೆ.